البارحه ساهرٍ والعين مسهرها

محمد أبو زيد · #1 23-10-2004, 01:15 AM

الســـــــلام عليــــــــكم

قصيده غزليه تعبر عن نفسها وتفيض بالجزاله

البارحه ساهرٍ والعين مسهرها = غروٍ مع السوق بالمفرق تعداني
من اوّل النفس في ما فات قاهرها = واليوم خطرٍ على فرقاه تقواني
يانور بنّورةٍ ماني بقادرها = ياضي شعقها على المجمول لاجاني
شهب اللوايح عسى نجمٍ يحدّرها = وان ماكفى واحدٍ يالله بالثاني
سقوى الى شفت والي العرش دامرها = تصير لي مطّرق دربٍ وميداني
يادار وين الظبا اللي فيك خابرها؟ = أدمي وريمي وعفريٍّ وغزلاني
منهن عنودٍ الى من جيت اناظرها = غضّت بصرها وتسحرني بالاعياني
وعيونها كن الاثمد في محاجرها = من غير كحلٍ هدبهن اسودٍ قاني
والرايحه روضةٍ ناجت زواهرها = يلعب بها الطير ويغرد بالالحاني
فيها من الزين شاراتٍ أناظرها = حمرة وعفرة وزين اشباه وألواني
كنّه من الحور والي العرش حادرها = سوّاه ربي على ماراد فرداني

وسلمتــــــوووا

ملاحظــــــــــــــه؟؟

اختلف الرواه على شاعر القصيده وانسبوها لكل من
(( عبدالرحمن البواردي )) و (( صالح العبدالله السكيني ))
وذلك لان كليهما عاشا في وقت واحد وهم من بلدةٍ واحده
وهي ( شقرا ) غربي الرياض

وتقبلوا تحياتي