قصتي مع الحجاب

موده السنيه · #1 11-07-2010, 12:03 AM

السلام عليكم ورحمة الله وبركاته

شلونكم انشاءالله بخير انا حابه أتكلم عن نفسي وكيف تحجبت.
أول مافكرت اني اكتبها ضحكت قلت شكلي مو صاحيه بس ليش ماقولها لكم يمكن في بنات نفس حالتي مو محجبات وانشاءالله يستفيدون مني.
انا وحده عايشه بخير ونعمه الله يديمها علينا ، عمري في بداية العشرينات.
بالثانويه ماكنت متحجبه أبوي معطينا حرية الاختيار أهم شي نصلي ونعرف ربنا ونعرف الغلط من الصح ولا نتمادى بشغلات تغضب ربنا وتجيب لنا المشاكل ، عندي ثلاث خوات اكبر مني متزوجات ومحجبات ولله الحمد ووحده من خواتي طلب منها زوجها تلبس عبايه بداية زواجها وهذي قبل تقريبا ثلاث سنوات وكنت متضايقه من هالشغله وكنت اقول اهو شكو مو ابونا عشان يتحكم فيج واهي وافقت وعجبها الوضع ، لما كنت عند بيت خالتي عندها بنت بقمة الاخلاق والأدب وكنت استاس لما اقعد وياها بالاحرى كنت مرتاحه وياها محجبه تلبس عبايه وكانت صج خلوقه وتحافظ عالندوات ولما تروح ماروح وياها مادري شنو اللي يردني بس اقول لا مشغوله دراسه ومادري شنو ، والحجاب ماكنت اعرفه الا بوقت الصلاه ولما اروح المسيد ويا امي بس.
مرت السنين وتخرجت من الثانويه وقعدت بالبيت مالي بالوظيفه الثانويه نجحت منها بنسبه بالخمسين وبالدز بعد كنت حيل اطفش وازهق ومانطلع الا بالعطل نتجمع احنا وعماتي وخالاتي مره في بيت فلانه ومره في الحديقه ، وأنا الوحيده اللي مو متحجبه من بين البنات اللي بسني وعلى هذا الحال قاعده اليما صار عمري عشرين وبرمضان اللي طاف مسكتني بنت خالتي وقالتي امشي وياي ندوه وانا عندهم في بيتهم قلت لا ماعندي حجاب قالت انا البسج عبايه وحجاب في بداية الموضوع تضايقت وسكت ورحنا المسيد وهناك بداية النور صارت بحياتي الندوه كانت في موضوع الحجاب ولما ردينا قالتلي بنت خالتي أتمنى استفدتي من الندوه وسكتت ومن هذاك اليوم وانا كنت اتصفح وادور بالكتب والاحاديث عن موضوع الحجاب كان ابالي الحجاب بس للصلاه
والى هذا اليوم ادعي لبنت خالتي بالتوفيج والحياه السعيده واتمنى من كل بنت مو محجبه تتحجب وراح تحس بطعم الستر والعفه.
أسفه عالاطاله ولا جان كملت بس خفت تنامون بنص القصه

%الماسه% · #2 11-07-2010, 02:21 AM

وعليكم السلام ورحمة الله وبركاته

..اهنيج يا اختي المودة علي الحجاب ..الحجاب امرنا عليه نبي الله محمد صلي الله وعليه وسلم ..مااحنا افضل من زوجات الرسول وبناته ولازم نتبعهم مو عشان العادات وتقاليد نلبس الحجاب ..لا لانه لبس الدين الي امرنا عليه رب العباد ..والحجاب ستر لنا فالدنيا والاخره ..في بنات الله يهديهم يلبسونه بس جذي موضه او عشان العادات وتقاليد ..والي لابسه الحجاب كانها مو متحجبه للاسف فوق لابسه الحجاب وتحت لابسه بنطرون وبلوزه يضيقه بالهجه العامه امحق الحجاب .والا حاطه كيلوا مكياج وتقول متحجبه والا مطلعه نص القذله وتقول متحجبه ..لا الحجاب تغطي الشعر ولاتبرج في المكياج ولبس الضيق..

والدعوا الله ان يثبتناو يثبتج علي طاعته عقبال تغطية الوجه لان العلماء قالوا تغطية الوجه افضل . ..الله يوفقج يا اختي الموده ..
واسفه علي الاطاله بس فرحت في قراءة قصتج ..