من لابة من صولة الخصم ماتحيد ==عجمان ساس المرجله والجباره

[الشامرى]

الاخوه الاعزاء ،،،،
اليكم قصيدة الشاعر الكبير عبدالله بن عبار العنزى فى الشيخ حزام بن معضد آل خرصان :--------------------------------------

المدح والتمجيد يزها الاجاويد=والا خطاة اللاش مدحه خساره
يستاهل التمجيد قرم الاواليد=شروى حزام اللى رفيع وقاره
يالشامرى لأفعال جدك شواهيد=الي تطاروا فى مجال افتخاره
من روس شامر كاسبين التحاميد=صوارم يستاهلون الاماره
صنديد تثجب من صماصيم صنديد=لاثار من وقع الحوافر غباره
مالك شبيه باللقا كود ابوزيد=يدحم الى صارت على النوق غاره
ياحزام لو انك بعصر المطاريد=ماتنّطح ياعز ضيفه وجاره
من لابة من صولة الخصم ماتحيد=عجمان ساس المرجله والجباره
يتلون ابن حثلين سقم الاضاديد=عوق الخصيم وبالملاقا دماره
انتم هل الطولات رغم الحواسيد=عدوكم مايهتنى فى دياره
امجادكم ما تنحصى بالتعاديد=والمعذره يأهل الفخر والنماره
مدحتكم ياحزام مالى مقاصيد=والشاهد الله ما بقولي قماره
لاشك داعى عزكم والتواديد=ولولا غلاكم ما لفيتك زياره
قلته وانا من ساس قوم معانيد=تاريخهم مشهور مثل المناره
لاقيل منهم قلت ربعى ضنا عبيد=من صلب وايل باللوازم سعاره
ويلان ربعى حافظين التقاليد=تاريخهم ما ذوبته الحضاره
خالين من قول الدنس والمناقيد=وسلم الاوايل تابعين مساره

وسلامتكم ،،،

[عـزام]

صح السان العنزى ويستاهل المدح ابن خرصان

ولا هنت يا الشامرى على النقل الجميل


الولـــــهـــــان

[راكان اليامي]

صح لسااااانك ولسان بن عبااااااار يالشااااااامري

ونعم في بني عمنا صبيان عجيم وفي بن خرصان وال شامر كلهم

ولاهنت على القصيده ياذيبان

[الشامرى]

الولهان

راكان اليامى

الله يصح ابدانكم وماعليكم زود

لاهنتواااااااااا

[الجربا]

الشامرى



والنعم بكم وتستاهلون مدح العنزى لكم لانكم من لابة طيبة



تحياتى

[الشامرى]

الجربا
ماعليكم زود وتستاهل الخير
وعلاقة شمر بالعجمان قديمه ووثيقه
لاهنت على كل حال

الشامرى ،،،،،،،،،

[الأدوح]

لاهنت وبيض الله وجهك يالشامري ويستاهل المدح ابوعبدالله دْيب الرياجيل وجعل شايبا ارثك في الجنه ....وقريبا بجيب رثائيه عبدالله ابن عبار في الشيخ فيصل بن معضد آل خرصان ولاهنت يابن عمي..........

[الشامرى]

الادوح،،،
ولا انت ووجهك ابيض
ووالدينك مايجون النار
وحزام كفو ويستاهل ولو مهوب كفو ماصار منصا للرجال
لك تقديرى ،،،،،،،،