((عــــــــزام + الــشــيــوعـــى ))

[عـزام]

الشيوعى مساك الله بالخير..

واستلم لا هنت...

سلام تسليمه وفا لاهل الوفا عبر البريد=الهزل برا سورها والجزل وسط حدودها

مع (الشيوعى) ودنا ناخذ لنا قافٍ جديد=بينى ومن بينه سوالف ما تبيح سدودها

[فــلاح]

ياسلالام ياعززام..
أمتعناا بطواريقـك لاتحرمنــا من هالطوااريق ..


وفي أنتظار الشيوعــي ..

[عـزام]

طويق

حياك الله وصح بدنك

لاهنت على المتابعه

[محمد أبو زيد]

الهزل برا سورها والجزل وسط حدودها




مع الله ياعزّام

[جرير]

<< يضع السبابه تحت عينه ويسحبها للاسفل ويقول لله درك



بنتظار الشيوعي

[البليهي]

صح لسانك ياعزام


شاعر بحر وممتع

بانتظار الشيوعي

جرير مسيت بالخير <<< منصدم مشاركاته تعدت الالفين

[((الشيوعي))]

عزام الله يمسيك بالنور والعافيه....

من طول الغيبات جاب الغنايم والله يستر من غيبتك

يامرحبا ترحيبة الطمّاع يابنك الوليد = والطيبه تدبل عشر مرات في مردودها

مدام حنا فالبلد خل المتابع يستفيد = ازرع بساتينك لجل نقطف جديد اورودها

[عـزام]

حياك الله يا الشيوعى شفناك ابطيت منا قلنا نجّسره

واللى مثلك وشرواك ينفقد

استلم لاهنت..

ابك البقا والعلم عند معاويه والا يزيد=هذى حقيقه ثابته ومثبتات بنودها

واللى سرى من دون حذيان وتعرض كل حيد=لا يحسبنّا جاهلين بدارنا وعدودها

[((الشيوعي))]

شرواك الطيب طال عمرك

ومايحتاج هذا محلي ...

استلم ..

عزام مثل الغيمه اللي زبّرت لكن بعيد = محد ٍ شعفه بروقها والا حنين رعودها

يبغي يعيّد لكن الليله ترى ما فيه عيد = لابارك الله فالدقيقه لاتمايل عودها

[عـزام]

طيب طيب

استلم..

اثرك همت بوادى(ن) وامسيت ليلك به وحيد=والبدو لامنها قنت ماهيب تهمل ذودها

جريت لك منكوس وتغنى مع الاطرش فريد=ما تجتمع ياللى تفرّق نقصها من زودها