(من ضيقتن بالصدر بشرب زقاره)

[خميس سحمي]

اليكم رائعه من روائع ضيدان بن صبحان

عطنى زقاره ياسعد باشرب الكيف = من ضيقتن بالصدر باشرب زقاره
يمكن تخفف زايد الهم تخفيف=وعندى عسى يهبط امبير الحراره
ياليتها ترجع على الرمح والسيف=ومصانع النابالم تمنى الخساره
وارجع على بيت الشعر واسكن الريف=انا وناس مايبون الحضاره
نمشى شمال وغرب من دون تعريف = لا من جوازات ولا من سفاره
مافادنا تحطيمنا خط بارليف =ولا اجتماعات عقدهن بشاره
حن خابرين كل ماقيل تزييف = وكل يقرب خبزته عند ناره
وانكان له نفع عربسات ماشيف = خلو عرب سات يدور بمداره

[ولد ال صالح]

جزله منك ومن ابن صبحان ال لزيز

صح لسانك ولسانه

يابو سحمي

لاهنت على القصيده

وعز الله صدق

تقبل

سلاااااااااامي

[سلطان بن جفن]

صح السانك والسان شاعرها

لاهنت على النقل الجميل

[عـزام]

صح السان ابن صبحان ولا هنت يا ابو سحمى.


الولـــــهــــان

[فيصل بن حجرف]

لاهنت اخي خميس على النقل

وصح لسان الشاعر ابن صبحان

[بخـــــــــــوت]

عطنى زقاره ياسعد باشـرب الكيـف
من ضيقتن بالصدر باشـرب زقـاره

مايريح الا القرااان مو الزقااره

تسلم اخوي ع النقل

[خميس سحمي]

حياكم الله أخواني

وسعدني مروركم المشرف