قــصـه حــب نــمـر بـن عـدوااان

[الـجـبـل]

شكراً يالقحطاني على الموضوع الرائع ..

وهذه رديه شهيرة بين الشيخ مشعان بن هــذال شيخ عنزة وبين نمر بن عدوان ....

قال مشعان بن هذال :

يـا الـلـه يـالـمـطلـوب ياخير مـعـبـود = يـاعـز عـبـدٍ بالخفية شـكـا لـه

يا خـيـر مـدّك على الـنـاس مـاجـود = ما خاب عـبـدٍ كـل يـوم يـسـالـه

تاسف لقلبٍ بـه مجـاديـف ولـهـود = ومن الرفاقة خبّث الـحـكـي بـالـه

عزّي لربع طاوعوا شـور مـحـمـود = مدري بلاهم غيظ والا جـهـالـه

والا بلاهم رديــة الحـظ وحـسـود = لا عـاد مـحـدٍ خاسـرٍ مـن حـلالـه

محـاكـيٍ فيها على الرجـل مـنـقـود = ومجالسٍ ما فـيـهـن الا الـرزالـه

والـلـه يــومٍ الـحـق بـشـهـود وعــدود = إنـي أدوّر عـزّهـم بـالـعــدالـه

ولا فلا لي من هـوى الـنـفـس مـقـصـود = إلا معزّتهم على كـل حـالـه

يا مشير بالفرقا طلت وجهك الـسـود = طرق المراجل ما عليها كـفـالـه

المرجـلـة حبله طويـلٍ ومـمـدود = يا كود من تقصر عن الـمـا حـبـالـه

واللى قصر حبله فلا هـوب مـزيـود = كـم واحـدٍ يهـفي مـقـامـه فـعـالـه

اللي يريد الـجـود ما هـوب مـردود = شوف العيون ولا يـعـوز الـدلالـه

يرخص بعمره يوم يروي شبا العود = أيضاً ولا يبخل على من عنى له

يلعن صبيّ بنشوته ما ادرك الـجـود = ولا هام هومات المراجل بـبـالـه

هذاك لا يـنـعـى ولا هـوب مـفـقـود = ودّك مع الخفرات يـلـبـس دلالــه

يـالـعـبـد لا يـطـغيك في نـفـسـك الـزود = تراك مثل الفيّ عـجـلٍ زوالـه

دنـيـاك لـو تعطي مـواثـيـق وعــهــود = بـوّاقــةٍ ما يـامـن الـعـبـد حـالـه

دنياك ما دامت لسعدون وسعود = وعبدالعزيز اللي حضرنا فعالـه

أيضاً ولا دامـت لـكـسـرى وداود = كـم أذهبت حـي تحـطه قـبـالـه

وصلّوا عدد ما حنّت المزن برود = أو هلّ مامور المطر من خياله

وعداد ما لـبّـوا بـمـكـة هـل القـود = على محمّد هو نـبـيّ الـرسـالـه

رد نمر بن عدوان :

يا راكبٍ حرٍ من الهجن مشدود = مثل الظليم اللي شـرودٍ جـفالــه

يلفي لابن هذال مشعان مقصود = اللي كما شمسٍ تـبرهج شمالــه

فإن كان يشكي لي من الهمّ مضهود = فأنا لذاله من شـقا الهم قالـه

عزّي لربعٍ طاوعوا شور محمود = كلّ الرفاقة طمّهـم بـالـرزالــه

والله ما صيدي لهم بغـض ولـهـود = بـاغٍ معزّتهـم على كـلّ فـالـه

ما سال عن نقصٍ ولا سال عن زود = إن الفتى يهفي مقامه فعالـه

نصلّ صلاّت الدهم من شفا الرود = وندكّ دكّات النـمر بالـخـتـالـه

كم حر اشقر يطلب الصيد مصيود = أصبح ربيطٍ في مثاني حبالـه

الـجـبـل