هذه القصيدة قالها ادباس محمد وهي رد على قصيدة والده
حي الجواب اللي لفانا من الراس=جابه غلام ما توانى مسيره
اهلا هلا عد حبك قرطاس=او ما كتب به ابيوت شطيره
جواب من هو لي مود من الناس=ابوي ما يوصف حلي الغيره
فرز الوغى كنه على الوكر قرناس=اقروم ربعه كلها تستشيره
دليل عيرات الى هب نسناس=هيفيه وسما ما به ذخيره
مهفي الغنم لأهل الركايب والأفراس=ان جو من الهيفاعليهم قصيره
راعي معاميل بها العبد جلاس=للبن يشري بالسنين العسيره
هذي امركيها وهذي بمحماس=وهذي يصبها للوجيه السفيره
واخلا فذايا راكب فوق عرماس= مأمونه من نقوت الهجن عيره
حمرا وهي في سنها وقم الاسداس=ايضا ولافاطر ولا هي صغيره
ما هي لحوح راكبه بالعصا جاس=حرم عليها غير شيل النجيره
فوقه اغلام منوته قطع الأرماس=لو هل بليل ما تغير نظيره
والى لفيت الدار فاجهر بالاحساس=وبلغ سلامي كل ذيك العشيره
واختص ابوي اللي نفل لجله الناس=وخصه بعلم وقل تراني بشيره
لا ياناجي العرض يابوي لاباس=ان كان تشكي الضيم فأنا اسيره
وان سايلك عني تراني بنوماس=وانا احمد اللي اللي ما توسلت غيره
المدح لو يشرى شريناه باكياس=وبموالنا نرخص ندور الستيره
نطرق افرنجي مضاريبه الراس=ومصلبخ جبته عساني ذخيره
صناعها نصراني يشرب الكاس=يذكر ورا جاوه ابعيد مسيره
ابغيه للي حادينك على الساس=اهل النمايم والحكايا الكثيره
ربع نووفيك الردا والتخساس=مهبول ياللي قال غايب عشيره
يابوي انا ما رحت ادور كيفت الراس=مع ذا ولاني في سفاه او غيره
ان ما سكنا الدار من غير هوجاس=والا نعاف الدار واندور غيره
كله العين كلمت قلت يا ادباس=تشكي وانا دوني احور غزيره
خذلك يمين الشرع قطاع الأنفاس=انه فلا جتني علوم بصيره
ان كان تشكي الضيق يابوي لاباس=مطرق افرنجي تراني اشتري له
والا فنا يابوي قطاع الأرماس=واتبع غلى الفرجه ولو هي عسيره
يا مسندي يابوي شوف الذي ناس=ثم انشده قل ويش هو في مسيره
ان كان مايفرح صديقك ا بنوماس=تحرم علينا اللي انهوده صغيره
مدلول مجمول زها زين الالباس=وهي بنت من يثنى الى جا كبيره
طار يقول اظهر وطار بجلاس=قمت اشرب التنباك واثره نكيره
ابغي عسى لي يبردالقلب ياناس=من لاهب شبت بقلبي سعيره
ومن كان له غايب فلا يقطع الياس=ان قدر الله جاب علمه بشيره
في ساعت اللي قلت والناس غطاس=يا والي الدنيا وعليك اتعبيره
وجدي عليكم وجد من باللقا جاس=خلي طريح فوق وجه المغيره
او وجد من شوح البلده ولا جاس=بتيلهم بان الخلل في مسيره
ارخص ابذب المال وهو بالاكياس=يصيح للربان ما من جزيره
وصلاة ربي عد ما هب نسناس=على نبي امنفل بالجزيره
العرض الشجري