يا الربع عيالنا بروحون في اثر التفحيط في السعودية دخول ضروري عادي حتى النسوان يدخلون

[فتى مليجة]

السلام عليكم ورحمة الله وبركاته

يا الربع انتو تعرفون ان الشباب في السعودية طايحين في التفحيط انا ابدخل في الموضوع بسرعة

ياجماعة الخير انتوا تدرون في السعودية تفحيط ويسمونه الشباب بينهم (هجولة) والهجولة هي التفحيط ويحضرون التفحيط وانا يا جماعة الربع كنت اروح مواكب تفحيط في الرياض والخرج والقصيم

والله يا الربع اني انا شايف بعيني واحد يمشي ما في بطن الموتر انه يشطفنا على طبلونه وكنت اعرف الي يركب معه واحد من خوياي كان يصور معه انه يصور الطبلون حق السرعة تدرون كم يمشي
240 وش على كامري 2007 بحرية المهم طلع من شارع لشارع اول ما وقفنا في الموكب الى هو جاي مقلع عطاه الأولى والثانية الى هو مقلب يمكن اقل شي 5 قلبات المهم لحقنا عليهم الحمد لله كلهم طيبين لا كن الي يسوق جاته رضوض والحمد لله جات سليمة بعد اسبوعين انا رايح للبر مرينا على شارع تفحيط الى في ناس واجد المهم قلت ميد عيال عمي وخوياي قلتلهم خلونا نوقف انشوف منهو الطارة قالوا خلاص تدرون من طلع طلع راعي الكامري راعي الكامري 2007 البحرية الي انقلب قبل اسبعوين واعرف اسم الطارة اسمه (نواف اليامي ) الملقب بـ (قزوز) اكبر سراق على وجه الأرض المهم ما ابغى اطول عليكم انا بس ابي حل لهذي الظاهره السيئه وابغى منكم يا جماعه الربع حل لذى المشكله وزودكم بعد ركبت مع مفحط الله يستر عليه وفحطنا وكلينا حادث اليم صراحة واسمحولي على الأطاله

وتقبلوا تحياتي اخوكم احد ضحايا الهجولة او التفحيط @فتى مليجة@

[باشة الغيد]

الحمد الله على سلامتك اخوي فتى مليجه

وبالنسبه لظاهرة التفحيط هي الظاهره الوحيده اللي محد لقى له علاج ولا رح يلقون .. دام ان مافيه عقوبات صارمه حيال هذا الموضوع فما راح يتغير من الوضع شي .. وبما ان كل من دخل السجن يوم يومين ويطلع بواسطه والا غيرها قول على شبابنا السلام..

انا من ناحيتي شفت مقاطع تفحيط في اشرطة الفيديو وشفت ضحايا كثييييييير منها وربي ان حالهم يحزن هالشباب والمشكله انهم مايتعظون ابد.. بس اكيد اللي يسوي كذا ويفحط بهالسرعه اكيد انه مايكون بوعيه ذيك اللحظه

الزبده .. التفحيط بالنسبه للشباب الان ادماااااااااان صعب علاجه

وشكرا لك اخوي والله يكفيك شر الهجوله

[فتى مليجة]

الله يعطيك العافية والله يسلمك

من الشر واشكرك على مرورك