(.. ضحية ذيابـه..!!!)
اعجـــاب وادري يازمـن كلـك اعجــــــــاب ..... كأني طعينــــه مـن زمـان الصحابـــــه
من اربع اميه والـف لليـــــوم ماطــــــاب ..... كل من نهمتـه يلمـس الجـــــــرح هابـه
الجيت همّــــي مابقـت فينـي اعصـــــــــاب ..... من جـور حـــــــــزنـي والقهـر والكآبـه
يا امي لمستـــــه ماعلـى حســــي ثيـــاب ..... هاجوس ضــــاوي مـدري الليـل جابـــه
ونيــــــن روحـــــي ارّق صيـــــاح زريـاب ..... والنـــــاس تاخـذ صيـحـتـي فـي دعــابـه
شيّبت راســـــي مـن تهــــاويـل لتعــــــاب ..... ياكيــف ابيّن ونتــــــي فـي كتابـه...؟؟!!
مســـــروج فكـــري والتناهيـد مرقــــــاب ..... واتهـد حيـــلي مــزنةٍ مـن سحابـه..!!!!!
//
//
//
اشبــــاب ياامـي الفــــوا بثـوب شيّــــــاب ..... عليهـم لبـــــاس الفـخـــــر والمهــــــابـه
تلّوه ياامـي ماحسبـت الهــــــم حســـــاب ..... ياحيـف ثرهـم بالخفـــايــــا ذيــــابـه..!!!!
ياامـي قويـــــــــة والحشـــــا فـتّـت وذاب ..... وعنـــــاد صبـــــري زاد ميــــــل التهـابـه
اتلـــوج روحـــي بيـن مخــــلاب وانيـــاب ..... حرمـــــة ولا لـي بالـذرى كــــود غـــابـه
حرمــــة ولا لـي فـي ملاجيـــــج لغبـــــاب ..... نـزوح عمـــــــري ماغـــتـرنـي سـرابـه
..
..
..
خـــلاّن قلتي ..؟ هو بقى عندي احبــاب ..؟ ..... كـــلٍ يصيـــــح الويـــل مـن حر مـابـــــه
من وين اجيب احبـابـا واقـراب وانسـاب ..؟ ..... والكـــل شفــتي.. غلّـق قـفــول بابـه..!!
ابعــــاد واقـــراب .. وقـريبيـن واغــــــراب ..... والمــاي بـارد واحرمونـي شــرابـه..!!
اعــــوان وارهـــاب وجماعـات واحـــــزاب ..... والام وجـــــروح وطعــــــون اتشـابـه.!!
لالاح دمعــــي من علـى الكـف خضّــــــاب ..... قالوا صغيــــــــر الجـــرح تـوّه هبابـه..!
هبـــاب عمري .. مـن مجــاريـد لحــــراب ..... يهبــــون ياامي مالجتهـم اصابـه..!!!!!!
ياامـي دريتـي ...؟ لا تناجيـت بعتـــــــــاب ..... جــــرّوا مـن عتابـــــي لحــــون الربابـه
قومـي فديتـــــج غلّقـي عنهـم البـــــــــــاب ..... ذولا يزيــــــدون المـصـــــــاب التهـابـه
رحمتــــك يـارب البشـــــر رب الاربــــــاب ..... رجيــــت عفــــوك واحتميـت بجنــــــابـه
يـارب عوّضنـــــي بجــــنـــات واعـنــــــاب ..... وانهــــــار ومخـوّة حريـــــم الصحــابـه
عـــــزّاه ياجــــــرحٍ قضـى الدهــر ماطـاب ..... لامــــــات بومـي ولا قتلنـي غــــــرابـه
ماينتهي جرحــــي ولـو كثــــروا احبـــــاب ..... اصــــلا مصـــابي من عمـوم القرابـه..!!!
ياسامعينـــي صفقـّـــوا حيـل باعجــــــــاب ..... اليـــــوم جرحـي جــــددوا لـي مصابـــه
باسبــــاب مابـي .. والمقــاديـر باسبـــاب ..... والعمــــر ضايع من يعـــوّض شبابـه ..؟!
امليت قــــافـــي مـن عنــــا (آبـه وآاب) ..... ســـــردٍ يشــــابـه كاتبـيـن الخطــــابـه
حســــافـه الطيّـــــب تناهـشــــه لـذيـــــاب ..... في ظـــــل دنيــــا تشبــــه ظـروف غابـه
./././././././
././././.
./././
././
./.
ياامي امانـه سجّـي دمـــــوع واطيــــــاب ..... وقولي لهم كانت (.. ضحية ذيابـه..!!!)
كانت صــــدوقه فـــــي رجـــا وقـت كـذّاب ..... والصــــدق فيهـم ..عظّـم الله ثوابـه!!!
والعنبــــو وقـتٍ علـى الطيــــب غــــــلاّب ..... واللي بقـــــــى لاااهـــلا ولامرحبـا بـه!!
تدرون ..؟! حنّت من عنــا وجدي اركاب ..... ولاعـاد بـاقــــي مايثـيــــر الغـرابــــــــه
ياامي غفيتي ..!!؟ قومي ادموني ابناب ..... يـاعـــل تطــــويـهــم دروب الخـــــــرابـه
اعجـــــاب وادري يازمـن كلـك اعجــــاب ..... فتقـت جــــــرحٍ ماحـدٍ قــــــــد درابـــــــه
ريّـــانــــة الــــعــــود
05-02-2007, 07:56 PM
العرض العادي
