لا صـار خلّـك مستحـق المسبّـة

سلطانه اليامي · #1 18-10-2006, 10:10 PM

لا صـار خلّـك مستحـق المسبّـة
سبّه ترى العشـاق غيـرك يسبّـون
لا آبوه لا آبو الحب من قلـب سبّـه
لا آبو الغرام اللي يحدّك على الهون
يا لعـن أبـو قلـب غشيـم يحبّـه
ملعون والقلب اللي يغليـه ملعـون
أقول مـن هبّـاك يـا خبـل هبّـه
الدون ما يسلك معاهم سوى الـدون
عـزّ الجفـا ولا هـوان المحـبـة
مآخوذ من يصبر على الذل مغبـون
أظهر قواة البأس والضعـف خبّـه
ترى الضعيف ضعيف لا طعم لا لون
الرأس ما أحد يقطعـه غيـر ربّـه
أقول عزّ النفس ما أقول لـك هـون
خلّـه يـولّـي لا يـذلّـك بحـبّـه
أبعد وتلقاهـم علـى البعـد يدنـون
وإلا أنت لو ترقـد وبالعيـن شبّـة
أبرك من اللي يجرحونـك ويسلـون
يا جاهل إفهم خذ مـن العلـم لبّـة
إصبر وتنسـى والعـذارى ينسّـون
الرجـل عقلـه دائمـاً قبـل قلبـه
ماهو عمى بالقلـب ومفتّـح عيـون
لا قدّمـوا حبّـة تقـدمـت حـبّـة
وإن وخّروا وخرت والعز مضمون
تـرى غـلا هالوقـت هبّـة وهبّـة
إغنم هبوب الريح لا تقلـب سكـون
لا ساعـدك حظّـك تغانـم مهـبّـه
لا ترتهـي يجيـك يـوم ويصـدّون
قبـل يذبّـك نـاب الأرداف ذبّــه
ترى حلاة الرجل طاعن ومطعـون
كم عاشق خلّـوه مـن غيـر سبّـه
يصفق بكف كف ما يـدري وشلـون
ما له جـدى يـا كـود دمـع يكبّـه
عليه سيف الهجر والصـد مسنـون
هذا مـن أول يـوم لـو دلّ دربـه
ما دشّ في دنيا المجانيـن مجنـون
لكن تبـع قلبـه وقلبـه لعـب بـه
واليوم يبغى عون ما حصّل العـون
روّض فؤادك يا إبن الأجـواد ربّـه
البيض ما يصلح لهن كـود فرعـون
وإلا ضعيـف النفـس دايـم مسبّـة
ودّك مساكيـن البشـر مـا يحبّـون

ه

اعجبتني ونقلتها لكم
من قايلها لاعرفه

البادع · #2 18-10-2006, 10:38 PM

السلام عليكم ورحمة الله وبركاته

الأخت الفاضلة "" سلطانه اليامي ""

الله لايهينك على النقل المميز قصيده جميله

إختيار موفق .. الشاعر // طلال السعيد //

تحيتي وتقديري

00:00:59 · #3 19-10-2006, 01:11 AM

الله يجيرنا من الشين

اختي .. سلطنـــــة يااام ..
((ترااني سويت تحرير عشااان اليوزر حقش كتبته غلط بس قلت بخلي اللي غلط عشاان تضحكين))
سلطنــــة يااام = سلطاااانه اليامي :$
8
8
8
((العذر والسموحه ياوخيتي الكبر شين ))

اختياااار موفق لقصيده رااائعه من راااائعها طلال السعيد ..

تقبلي خالص اختراماتي ..

اختــــش:
7
7
7
دقيقـــــــــــــه

الملك · #4 19-10-2006, 01:41 AM

لاهنتي ياسلطانتنا
وصح لسان ابو بندر

الاحرش · #5 19-10-2006, 02:03 AM

سلطانه اليامي

الله لايهينك على النقل

عنايد · #6 19-10-2006, 04:48 AM

صح لسانك ولسان شاعرها المبدع طلال السعيد

مجبور · #7 19-10-2006, 09:16 AM

لاهنتي يااختي سلطانه اليامي

وصح الله لسان الشاعر طلال السعيد

تحيتي لك

سمـــوم · #8 19-10-2006, 12:33 PM

اختيار موفق

رائعه من روائع طلال السعيد

روّض فؤادك يا إبن الأجواد ربّه
البيض ما يصلح لهن كود فرعون
وإلا ضعيف النفس دايم مسبّة
ودّك مساكين البشر ما يحبّون

سلمت اناملش حبيبتي ع النقل ..

سلطانه اليامي · #9 19-10-2006, 08:00 PM

اقتباس:

المشاركة الأصلية كتبت بواسطة شبيب العجمي

السلام عليكم ورحمة الله وبركاته

الأخت الفاضلة "" سلطانه اليامي ""

الله لايهينك على النقل المميز قصيده جميله

إختيار موفق .. الشاعر // طلال السعيد //

تحيتي وتقديري

تسلم يمناك على المرور

وتذكير بسم الساعر

يالغالي

سلطانه اليامي · #10 19-10-2006, 08:04 PM

اقتباس:

المشاركة الأصلية كتبت بواسطة 00:00:59

الله يجيرنا من الشين

اختي .. سلطنـــــة يااام ..
((ترااني سويت تحرير عشااان اليوزر حقش كتبته غلط بس قلت بخلي اللي غلط عشاان تضحكين))
سلطنــــة يااام = سلطاااانه اليامي :$
8
8
8
((العذر والسموحه ياوخيتي الكبر شين ))

اختياااار موفق لقصيده رااائعه من راااائعها طلال السعيد ..

تقبلي خالص اختراماتي ..

اختــــش:
7
7
7
دقيقـــــــــــــه

تسلم يمناك يالغاليه

على المرور

والله لايهينك