اقــــــرب يا هـــــداج

[حبيب]

مساكم الله بالخير جميع

هداج قرب ولاتهون

عد ماهل الشهر واعداد مايبدي هلاله=ياسلام الله على اهل الدار واللي زايريني

صاحبي هداج مع الايام مدري كيف حاله؟= مانسيته لو يحول البعد من بينه وبيني

[تايه الغربه]

الله الله ,,

ارررحب يابو سعيد ..
وتراني في صفك يالقرم ضد هداج ..



في انتظار هداج ..

[حبيب]

ارررررررررررررحب

اررحب

ولاهنت لاعدمتك ياحزامي

وهداج الله يعين عليه

[هداج تيما]

مساء النور والسرور يا حبيب
وينك غايب الله يهديك
استلم لا هنت

مرحبا بك يا هلا ما هل وبل(ن)من خياله=يا حبيّب مرحبابك والرجال الطيّبيني
كيف تنشد والولد ماهوب قاطع في خواله=انشد السامر ولا تنشد صحيب القريتيني

[هداج تيما]

تايه الغربه هلا بك

[حبيب]

ابقه ياهداج

و

البقا باللي يرحب والقهاوي في دلاله=والله اٍنا مانفرق في ديار المسلميني

صرت ضمن المنتخب وانته كفو لعب وشكاله=وابن عمي مايذمك ياعشير الغانميني

[هداج تيما]

كل تاجر عارف(ن)وش مكسبه من راس ماله=والنصيفه بيننا وأحرص تغيّرك السنيني
متخبنا الطيب واهله والنشاما والجماله=ما يذم اهل الوفاء الا واحد(ن)ما فيه ديني

[هداج تيما]

حبيب العذر الجهاز عطلان

[ناصر بن فالح]

مع الله ياشعار

[حبيب]

الله الله ياهداج

نعرف احقوق الرجال ونعرف حقوق الزماله=ماتغيرنا الليالي في المواقف ثابتيني

والنعم ما اذمكم..نكرم عن دروب الجهاله=الله ايسهل على البابور واللي راكبيني