|
شمر سناعيس على الضد بركان .. للشاعر نايف بن بندر بن محيا العتيبي
السلام عليكم ..
هذه قصيده للشاعر : نايف بن بندر بن محيا العتيبي
من لا يخاوي شمر الجود غلطان=من غير نقص في جميع القبايل
خويـهم والله مايبلش بالاحزان=اليا نخاهم يصبح الهم زايل
خويهم يحظى بتقدير وإحسان=مع حشمه وتقدير للفخر نايل
شمر هل الطولات لاقيل فرسان=وقت السيوف المرهفه والاصايل
شمر طنايا يوم زوغات الاذهان=عدوهم شاف نجوم القوايل
شمر إليا قلنا هل سيف شجعان=قالو نعم صادق اشيوخ الحمايل
شمر لهم تاريخ في ماض الازمان=فيهم أطيب العربان تضرب مثايل
في وقتنا الحاضر بهم بوش بلشان=وروا علوجه فالعراق الهوايل
شمر هل النوماس في وقت الاكوان=اللي يزيدون الملايل غلايل
اللابه اللي ذكرهم للعرب بان=كم ثنوا لاصيحن الحلايل
شمر مقر الجود وللجود عنوان=لايابعد حي العرب ياهل حايل
شمر سناعيسٍ على الضد بركان=يشهد لهم فعل السنين الاوايل
بنو اشعار الجود في طي بنيان=لوزالت الضلعان ماهوب بزايل
شمر لمن يشكي من الضيم مزبان=لاصارت الحيلات عنده قلايل
والله لا يرجع بعد الاحزان فرحان=ينزاح حمله بعد ماكان مايل
قول على حق ودلايل وبرهان=يشهد له التاريخ والشك زايل
مهما كتبت وكتبت بشمر الجود قيفان=ماني ملحق ذكر كل الخصايل
ماقلت غير الحق والحق سلطان=قلت ومعي حجه وكل الدلايل
وانا من الهيلا هل الطيب عتبان= زبن الدخيل وعوق مخطي وعايل
في ساعة فيها يتساوون الاثنان=الموت ولا نكتسي بالجمايل
وسلامتكم
__________________
طنايـا وانشــــــــــــــدوا كـل الأجيـال
,,,,,,,,,,,,,,,,,,,,,تاريـخ ربعـــــي كاسبيـنـه بالافـعـال
ياعيال نبغى مجـد الأجـداد ياعيـال
،،،،،،،،،،،،،،،،،،،،بسيوفهـم كـــم روضـوا كـل خـايـب
|
12-11-2005, 02:17 PM
العرض العادي
