مليت دروب الخطا

[*ابوخالد*]

مليت دروب الخطا


-------------------------------------------------------------------------------


وقّف على باب الجـفـا ,, دقّ الاجراس
قل له : ترى ضاآقت جميع الوسايل ..

ياقلب ,, واطرد كل فكر وهوجاس
واحرق على بابه ,, جميع الرسايل

ينداس قلب ما وفى معك ,, ينداسـ
ماجاك منّه ,, غير سود الفعايل

العرق - عن مكنون الأرواح - دسّاس
والوقت يكشف لك .. خبايا السلايل

إليا سقاني صاحبي دمعتي كاس
وش عاآد بادوّر ورى الناس طايل ؟؟

تسهل علينا وقعة الفاس في الراس
لكن تصعب من عيال الحمايل

مليت في درب الخطا ,, حبسـ الأنفاس
واجهدت نفسي ,, لكن الحظ مايل

سافرت عن درب المهانة والاتعاس
وحطيت رحلي ,, في الصفوف الاوايل

كشفت عن ساقي ,, على درب الأدناس
وكشفت عن سود القلوب الخمايل

وانت وضميرك يا صحيبي ,, ولا باس !!
بافهم مع الايام ,, حل المسايل

من قبل ما تبدي ,, على مَجْمع الناس
علّق على وجهك : قناع الفضايل

وان حدّني وقتي على درب الإفلاس
أوعدك ما ادوّر بدربك جمايل

واوعدك ما اقفّل عن الضيف ترباس !
بابقى على سلم العرب والقبايل

الدرب طوّل .. وانتصر فيني الياس
وماعاد عندي عن موادعك ,, حاآيـل

فتحت من صدري ,, على القلب نسناس
واطفيت في قربك .. جميع الذبايل

خلّ الهوى لا انهدّ ,, ينهدّ من ساس
وتلقى- مع الايام- عنّي بدايل

[الـعـابـر]

صح لسانك ولسان شاعرها

[●• Ŝђǿǿq •●]

تِسلم يمينكـً ..~

[*ابوخالد*]

المشاركة الأصلية كتبت بواسطة الـعـابـر

صح لسانك ولسان شاعرها

كل الشكر العابر على المرور

[*ابوخالد*]

المشاركة الأصلية كتبت بواسطة ●• Ŝђǿǿq •●

تِسلم يمينكـً ..~

كل الشكر شوق على المرور

[الاصيله]

سلمتى ابو خاالد



ولاهنت ع النقل اراائع

[ابورامي]

ابو خالد قصيده جميله يعطيك العافيه على النقل وصح لسان الشاعر وياليت يدون اسم الشاعر

[*ابوخالد*]

المشاركة الأصلية كتبت بواسطة الاصيله

سلمتى ابو خاالد



ولاهنت ع النقل اراائع

كل الشكر الاصيله على المرور

[*ابوخالد*]

المشاركة الأصلية كتبت بواسطة ابورامي

ابو خالد قصيده جميله يعطيك العافيه على النقل وصح لسان الشاعر وياليت يدون اسم الشاعر

كل الشكر ابورامي على المرور

[نائب الملك]

صح لسانك ولسان شاعرها