. . . . واتمرجحيّ ، من البطين إلى الاذين / بـدر المحينـي !

[روح مغليها]

’



مسَسِآإكم / صبآإحكم ججُوري ..

مدخل :-

يا كبر حظي .. يوم جيتيني حنين
والشوق من خلفك .. وقدامك وفاك

طبي على قلبي .. وصلي ركعتين
واسقيّه من وصلك ويتناسى جفاك

واتمرجحيّ ، من البطين إلى الاذين
والـ مرحبا بك من هناك ، ومن هناك

من أوله ، لـ أخره ، لـ يسآر ، لـ يمين
أنـا أنـا .. جـميـع مـا فينـي .. فــداك

ياركن العرب والحبر ماله عن القرطاس
............................... يا يبقى مكانه يا يجيه ولذا جينا

دُخان المكان وكوكب الشرق والانفاس
............................... تعيد الحنين لكل ذكرى بماضينا

على وين ؟ مدري بس حنا مع النسناس
............................... يسافربنا .. في كل ليله ويضنينا

لآ سادت عباة الليل وانتشرت الـ لآ باس
............................... طوينا مسافه كثر ما الجوع طاوينا

نمّر المداين .. والمداين .. لها حراس
............................... و تلفاتنا يعني .. نبي من ينادينا

ويقسم بعضنا بعض واسادسٍ امن اخماس
............................... فتاتٍ عيون الريح .. ما تلتفت فينا

وتحت جلدنا .. نشبه سوانا من الاجناس
............................... فقط نختلف بـ أشكالنا أو بـ أسامينا

ما احب اني اشوف البنادم بدون إحساس
............................... أحس اننا ماراح نرسي على مينآ

نمس النبل .. يـّ لين مـا نكسر الاقـواس
............................... ولآ طاحت الرميه سوا تحت رجلينا

و تمر السنين بصمت والناس مثل الناس
............................... ياكم ماتغدينا ... ياكم ماتعشينا

عيون الوقوف .. اتقول لـّ العالم الجلاس
............................... تراكم نتيجه من .. نتايج خطاوينا

لمسنا الجروح الداميه .. مير محدٍ حاس
............................... احاسيسنا ماتظهر .. الا بـ اغانينا

بغير الاغاني .. كيف تلقى بنا حسّاس ؟
............................... وغشانا الطويل الليلكي من يلاقينا

ترانا ماندري وين صرنا لكن مابين اقواس
............................... ( تربي بنا الدنيا ) .. لكن ماتربينا

بلعنا الحقايق .. والتفاصيل ، بلع امواس
............................... ياعيني علينا .. شوفنا كيف ضحينا

يـا بكره .. ترانـا محترينك .. بـ خير لباس
............................... وحمام السلام .. بحد ذاته .. يكفينا

إلى أخر الموضوع .. وإن جا العيون نعاس
............................... نبي ننام .. وأول عين تصحا تصحينا

مخرج :-

احتار بك مثل : احتياري بالسنين
و على كثـر مـافات .. مـابين مـداك

عسى مايرجع منك في خفيّ حنين
قلـبٍ .. تولع بك ، و حبك ، وآشتراك

يشـهـد عليّ .. الله رب العـالميـن
اللي بـراك ، ولآ عطى أحدٍ ما عطاك

أحبك أحبك .. ولو مدري .. لـ وين ؟
و معاك لّو إنك .. مـا تبغيني معـاك

:


المدخل / النص / المخرج

لـ الشآعر ( بدر المحيني )



:

[ابو سالم الدويخ]

صح لسانش و لسان شاعرها

ولا هنتي ع النقل الرائع و المميز

تحياتي،،

[سلطان المطيري]

لمسنا الجروح الداميه .. مير محدٍ حاس
............................... احاسيسنا ماتظهر .. الا بـ اغانينا
لا هنتي...صح لسان شاعرها

[*ابوخالد*]

صح السانك والسان شاعرها

[خالد بن نفل]

صح لسانش و لسان شاعرها

[روح مغليها]

المشاركة الأصلية كتبت بواسطة ابو سالم الدويخ

صح لسانش و لسان شاعرها

ولا هنتي ع النقل الرائع و المميز

تحياتي،،

-

صَح بدنك يّ بو سآلم / و مرورك الآروع
ممرحبآإإ ممرحبآإإ . .


( ) . .




.

[الـعـابـر]

صح لسانش و لسان شاعرها

[روح مغليها]

المشاركة الأصلية كتبت بواسطة سلطان المطيري

لمسنا الجروح الداميه .. مير محدٍ حاس
............................... احاسيسنا ماتظهر .. الا بـ اغانينا
لا هنتي...صح لسان شاعرها

-

صَح بدنك يّ سلطآن
ممرحبآإإ ومسَسهلآإ . .


( ) . .




.

[روح مغليها]

المشاركة الأصلية كتبت بواسطة *ابوخالد*

صح السانك والسان شاعرها

-


صَح بدنك
منوّر ..

( )



.

[روح مغليها]

المشاركة الأصلية كتبت بواسطة خالد بن نفل

صح لسانش و لسان شاعرها

-

صح بدنك يّ خآلد
ممرحبآإإ ومسسَهلآإ ..

( )


.