مع السلامه دامك انسان طمَّاع

[(جساس)]

مع السلامه دامك انسان طمَّاع
راع الطمع ينعاف لو كان غالي

**
طعتك وقلبك يوم طعناه ما طاع
يبي يقود المرجله والمعالي
**
قلنا لك ان الحب نغمات وايقاع
يعني الغلا ماهو بكثر السؤالي

**
الليل له مسدال والصبح مطلاع
خلَّك مثيل الصبح دايم يلالي

**
الحب نظره وابتسامه لها شعاع
لاقارب المحبوب جاله ظلالي

**
لو كان بالتكشير من وجه ملتاع
كان العرب ملَّوا من اول وتالي

**
اليوم خليت النصيحه على القاع
وتلومني ياعنك هذا الهبالي
**
هذي نهايتها معك عمرنا ظاع
يعني معك ضيَّعت وقتي ومالي

**
مايعجبك غير آتغير فالاطباع
حتى ولو ماهيب من طبع حالي

**
تقول ماجد / خان والاَّ لنا باع
ماضرنا هرج القفا يا حلالي

**
اللي ليا هب الهوى فَلَّ الاشراع
بعض الهوى يلويه يم الزوالي

**
لو ارخي آذاني َمعَ كل ذعذاع
كان اعتزلت الناس وابقى لحالي

**
الناس معروفين معطي ومنَّاع
واهل الحسد منها القريب الموالي

[الـعـابـر]

صح لسانك ولسان شاعرها

[مـزعـّلـة ـآلـنـسآـآ]

روووعه

تسسسلم يمينك ع النقل الحلووو

وصح لسان شاعرهااا

سلااااإم

[●• Ŝђǿǿq •●]

لو ارخي آذاني َمعَ كل ذعذاع
كان اعتزلت الناس وابقى لحالي

أبيآت رآئعه
تسلم يمينكـ ..~

[مقبل العرجاني]

جساس صح لسانك ولسان شاعرها

[العــــديم]

الحب نظره وابتسامه لها شعاع
لاقارب المحبوب جاله ظلالي


صح لسآن قآيلهآ
ولآهنت ع النقل

[وريث الطيب]

صح لسانك و لسان شاعرها

[*ابوخالد*]

صح لسانك ولسان شاعرها