خالد الطاحوس اسمحلي مالك صوت عندنا

[سلطان المطيري]

ابقاك الله يا بعدي...يا بعدي لا تختزل القبيلة على اكبر فخذ...ولا تختزلها على اللي حضرو الفرعي بس...القبيلة اكبر بكثير من الفرعي
مطير طلعت بالفرعي اربعه...لكن للامانه عن نفسي ما راح اصوت الا اللي شفت مواقفهم سابقا ومعروفين في توجهاتهم...
سواءا رضت القبيلة او مارضت
القبيلة على العين والراس...اذا كنا في بداية الطريق...ولا نعرف من نختار
لكن الحين الاعضاء موجودين...والمواقف تشهد لهم
والصوت أمانه...قبل يكون فزعه
على فكرة انا في حياتي ما صوت لاني اعتبر المجلس لعبة...وكنت أظن ان النواب سيئين
لكن بعد اللي شفناه ومرينا فيه...عرفنا ان عزوفنا عن الانتخابات..طلع ناس مرتشيه
وناس مستفيده...
القبيلة ملزومه تطلع لي الافضل...لكن هالخيار...اذا ماكان الافضل موجود
لكن اذا خالد الطاحوس اللي ينتمي لتيار مأثر بالمجلس...واللي له مواقف مشرفة وتمثل القبيلة...بعيدا عن المصالح الشخصيه
انا اصوت لشخص يسنع امور البلد...مو اموري الشخصيه؟
لان اذا التصويت بيقوم على فلان يوظف وفلان يعالج وفلان يسدد مخالفات...يا جماعه ترا هذي شكل من أشكال الرشوة

[Abo abod]

اخي سلطان ابي اسألك منوا بالدائره يستحق الصوت وبعدين تجاوبني المشاكل في الكويت الصحه التعليم الاسكان الصحه ابي الاعضاء اللي تختارهم تقولي شنوا قدموا للقضايا المذكوره اذا تبي تكلم عن مصالح الشعب وشنوا اقتراحات برغبه احد استجوب علي مستشفي جابر لا لان اذا عرف السبب بطل العجب في استجواب علي استاد جابر لا فأرجوك تكلم بعيد عن العواطف والاصراخ اكثر من يجيده المرأه ابي رد يقنعني عشان اغير غناعاتي

[حلو العذاريب]

المشاركة الأصلية كتبت بواسطة abo abod

اخي سلطان ابي اسألك منوا بالدائره يستحق الصوت وبعدين تجاوبني المشاكل في الكويت الصحه التعليم الاسكان الصحه ابي الاعضاء اللي تختارهم تقولي شنوا قدموا للقضايا المذكوره اذا تبي تكلم عن مصالح الشعب وشنوا اقتراحات برغبه احد استجوب علي مستشفي جابر لا لان اذا عرف السبب بطل العجب في استجواب علي استاد جابر لا فأرجوك تكلم بعيد عن العواطف والاصراخ اكثر من يجيده المرأه ابي رد يقنعني عشان اغير غناعاتي

هذا السبب يرجع لحكومتك وكلنا ندري ان حكومتنا السابقه فاشله وسئه ولكن بلاك من اللي حاذف نفسه في حضنها وبعدين ليش يستجوب على مستشفى جابر شصاير

[سلطان المطيري]

انا عندي حكومه....تطرح مشاريع التنميه بالبلد...وانا اراقبها
اعرض عليها المشاريع وهي تطبقها بمراقبتي...طبعا احتاج بالبداية تصويت الاغلبية على المشاريع...
اذا الحكومه تملك اغلبية...بالمجلس...عن طريق الرشاوي
وانتاج دولة الكويت من النفط 3 ونص مليون برميل يوميا...يعني مايقارب 100 مليون دينار
اذا كانت هالمبالغ تروح على الرشاوي...وعلى الاغلبية من النواب
وعلى الوزراء....وهذا سبب استقالة الشيخ محمد الصباح...او على الفساد
انا كنائب وش دوري؟؟؟
اتصدى للفساد بكل اللي اقدر عليه
ناخذ المواقف مثلا من الصواغ...لان الطاحوس مايحتاج نقول مواقفة ولا نقدر نعدها
طرح الثقة بأحمد العبدالله...مؤيد
اسقاط فوائد القروض الاستهلاكيه....موافق
طلب عدم التعاون مع الرئيس 2009...ضد الحكومه
تحويل الجلسه الى سريه 2009...ضد السريه
طرح الثقة بجابر الخالد....مؤيد طرح الثقة
ويكفي تصريحه لما قال((اذا شفتو مني موقف مخزي...احملكم الامانه طردي من المجلس بالانتخابات الجايه))
شلون اتعامل كنائب مع حكومه فاسده...اموال البلد كلها تروح على الفساد وعلى عصابات وعلى نواب ووزراء وعلى ناس مانبي نذكرهم
الصواغ يكفي كموقف ووقف مع التجمعات وخالف طريقة التخويف وترهيب الشعب وقف في وجهها...وتحمل النتيجه
لان يا اخوان فيه جهات تبي تخلي الكويت نفس البصره ايام صدام ونفس السعودية ايام فهد...
ولو ماله من المواقف الا انه رفض حكومة فاسدة...وكشف ان الحكومه فاسده
بيض الله وجهه
ولهالسبب عندك من الدائرة الخامسه الصواغ والطاحوس...ظلمهم حرام
لا نكون شخصانين...موضوع فلان يخلي لنا سكرتير عشان يضبطنا ويضبط الشيعه...لو ماكان فلان حكومي..ماكانت المعاملات تمشي
تسلب حقي...وتعطيني الحق بالواسطه؟؟؟كنك ماعطيتني شي؟
لما يجي شخص يمثلني بالمجلس ولا يعرف لهجتي...ولا يعرف منطقي....ويسرق من اول الايام 50 مليون؟واشوفك يا الحويله واقف مواقف هالشخص؟
دايما نشوف مواقف الحويله نفس مواقف سلوى الجسار ونفس مواقف رولا دشتي؟
والكل يعرف ان سلوى لها نصيب من تعيين زوجها ورولا لها نصيب من الرشاوي
الفرعية طلعت اربعه ونعم فيهم
شيل واحد منهم وخل الصوت للي جربته....وشفت مواقفة بالمجلس اللي طاف
والثلاث اصوات الباقيه....للي ماجربتهم وتعرف معادنهم
ابن جامع نفسه قال انا صوتي للطاحوس...يعني يا العوازم لا تطلعون لي مستفيدين ...طلعو رياجيل فيها خير
اما العجمان مايقصرهم شي...الطيبين كثار...ليش تحد نفسك على الحويله والكل يعرف مواقفة؟

[سلطان المطيري]

انت مخرجاتك...الصيفي والبرغش والمرداس....هذي ثلاث اصوات
ليش تلتزم بالصوت اللي انت تدري ان فيه ضعفك؟ليه ما تلتزم باللي تدري انه مأثر بالمجلس؟
ي جماعه....وجود الحويله قوة للحكومه...مو للشعب
المجلس اللي طاف كان ينقصنا نائب او نائبين لاسقاط الحكومه الفاسدة
المجلس هذا..شيل معارض اللي هو فيصل المسلم...وتبي تشيل الطاحوس؟
يعني صرنا نحتاج اقل شي خمس اعضاء نبوس خشومهم حتى يردون حقنا؟
حسين مزيد الحين حتى بالمناسبات مايسلمون عليه...لازم اجيك بيتك واحب خشمك حتى ترد حقي؟؟؟ليه من طلعك غيري؟
الانسان مايكون عتبة درج...الكل يصعد على ظهري واذا جيت ابيه يمثلني...قضبني الباب؟
او اجيه احب خشمه تكفى يا بو فلان صوت معي انا مظلوم؟
ي جماعه لا يصير فيكم طبع مهو لكم...اقبل فيك لاني مجبور عليك؟؟
القبيلة تفرض علي انسان غير موفق في مواقفة لان فخذه اكبر فخذ؟

[ناصر 56]

الحين الصيفي صار مايشكل خطر على الحكومه والطاحوس يشكل خطر على الحكومه

[سلطان المطيري]

ي ناصر الخلاف مهو على الصيفي....الخلاف على البصْام
والصيفي لو بتقارنه بالطاحوس...المقارنه تكون بهالطريقة
الطاحوس ينتمي للتكتل الشعبي....والتكتل الشعبي تكتل قوي بالمجلس...له أعضائه وله سياساته...وله مواقفة...وكل التكتلات اللي بالمجلس تحتاج له
والطاحوس واحد من أعضاء هذا التكتل
.....................................
الصيفي نازل مستقل...يعني براسه...يعني ايد وحده ماتصفق
عكس اذا كان معه بالمجلس اربعه او خمسه يساعدونه ويأثرون على النواب
فهمت ليه الطاحوس مأثر؟
الصيفي والطاحوس...مستحقين عن جادرة الصوتين
يبقى عندك صوتين...
الحويله ماقصر وحاول وماكان موفق بالانتخابات اللي طافت...
والصوت يعبْر عن قناعة راعيه ومنطقه...فيه ناس تبيعه بفلوس....فيه ناس تبيعه بمعاملات وتضبيط...وفيه ناس تعطي عن جدارة واستحقاق