السلام عليكم
ذهب رجل من اهل الشرقيه للكويت طلب الرزق وتوظف فراش باحد الوزارات وكان له زميل بنفس عمره وصارت صحبه بينهم لانهم صغار بالسن لم يتجاوزو 18 سنه وهذا جنوبي وهذا شمالي
وكانو يوفرون يومياتهم ويسكنون بغرفه جميعا ويحبون العمل ومجتهدين واعجب فيهم رئيسهم وقال لهم انتو وين تسكنون قالو قرب العمل قال بعطيكم غرفه بالوزاره تسكنون فيها ببلاش لانهم صغار بالسن ومحترمين واحبهم ... ومرت السنين وقال الشمالي للجنوبي كم تجمع من الربيات قال اجمع 1500 ربيه قاله الشمالي وانا بعد نفسك قال الجنوبي شرايك نفنش ونروح نشتري محل قال الشمالي انا ابي اقولك هالموضوع من زمان المهم قاله الجنوبي انا عندي ارض ببيعها بالحساء وجيب فلوسها وكذالك الشمالي قال انا ببيع مزرعه بالعراق وجيب فلوسها والوعد بعد شهر بالعمل وكل واحد راح وبعد شهر تقابلو وكان اخو شايف اخوه وكانو يحبون بعض وكل واحد يبدي رفيقه على نفسه المهم قال وين نروح قال الجنوبي السوق ونشوف الناس شنو تشتري ونشتري نفسهم وراحو وحصلو ناس تشتري محلات وتبيع محلات وشرو محل وتوفقو فيه وباعوه بسعر حلو وشرو محل ثاني وثالث ولما قامو يشترون عمارات وبعدها اكبرت الثروه وجنو كثير من المال والمال كله مع بعض ماتقاسموه واتاهم تثمين لبعض العماراتهم وبعدها اتفقو يفلون وكل واحد يروح لى اهلة ولما قسمو الفلوس وباعو باقي محلاتهم طلع لكل واحد 3 مليون دينار لان العمله تغيرت من الربيه اللى الدينار بزمنهم وسلمو على بعض وكل واحد حزنان على فراق صاحبه وقال الجنوبي يا اخوي اذ دارت عليك الدنيا لاتروح لحد غيري انا اسكن بالحساء وانت متوجه لها تحصل قصور حمر هذى بيوت اهلنا وقال له الشمالي انا مالي اللى انت يا اخوي وانت مالك اللى انا اذ دارت عليك الدنيا لاتجي اللى انا ومنطقتي الجبال السود شرق بغداد وكل واحد شد رحاله وراح لي اهلة وبعد زمن خسر ثروته الشمالي كلها وافلس وقالت له امه انت ماتقول لك رفيق جنوبي وتمدحه ومالك بالكلام اللى هو روحله خله يعطيك قال اى نعم بروحله وطلع الشمالي لما وصل للقصور الحمر ونزل عليها وقالهم انا ابي فلان الجنوبي قالو وصلت خير وعزموه قال انا ابيه هو براسه مابي العزايم قالو كل هذى القصور له وهو يجلس بعد صلاه المغرب بالديوان كعادته ونطره لما وصل وشافه الجنوبي وفرح فيه وحضنه ورحب فيه والشمالي طبعا ماتكلم ولا شكي الحال لان كل واحد يعرف الثاني والشمالي من الناس اللى يستحون وله من العزة والكرامه اللى تمنعه يشكي ظروفه ... وطلع الجنوبي برفقته اخيه الشمالي يتمشون ويقوله الجنوبي هذى مزارعي وهذى بيوتي وهذا المجمع راس المال ودخلو المجمع وتمشو فيه وكان الشمالي جميل الوجه وبعد ماشاف المجمع كله اللى فيه بنت متواجده بالمجمع وشافها الشمالي وقال هذى البنت مزيونه ويابخت من تزوجها قاله الجنوبي انا اعرفها والبنت مو متزوجه تبي نخطبها قال نعم ابيها . وكانت البنت خطيبه الجنوبي وراح كلمها قال هذى رفيقي شرايج فيه قالت حلو جميل هذى الشمالي اللى تكلم الناس عنه قال اى هذا هو الشمالي وقالها هو يبي يتزوجج وانا عطيته ومابي رفيقي يعرف ان انتى مخطوبه لي وقالت انت موافق انه يتزوجني قال اى موافق ووافقت البنت ولما طلعو من المجمع قاله المجمع هذا لك هديه لزواجك يا اخوي قال مايصير هذا راس المال قال راس المال مايغلي على اخوي وبعدها تزوج الشمالي وخذا مرته ورحل لبغداد ومرت السنين وخسر مايملك الجنوبي وراح لرفيقه الشمالي ولما وصل بغداد سأل عن الجبال السود وراح لها وشري ثياب جديده على شان يقابل رفيقه ويشرحله الظروف ليساعده ولما راحله البيت اللى قصر كبير وفيه كامره على الباب وكلم الحارس قال ابي اخوي ومادخله الحارس القصر وبعدها قاله فلان ماعنده اخوان وممنوع انك تدخل القصر قال الجنوبي طيب ناده ابيه يقولها بلسانه ابيه يشوفني لانه منصدم من الموقف قاله اصلن هو يشوفك وهذى الكامرة وهو الحين يشوفك وعصب الجنوبي وضرب الكامره وضرب الحارس وراح يلعن وسب وقعد بظل مزرعه القصر وشاف من الباب القصر عبيد طالعين معاهم خياش وكانهم صارقينها وقام عليهم ووقفهم وضربوه وضربهم وقطو خياشهم ونحاشو ولما فتح الخياش لقا فيها فلوس وكل خيشه فيها مليون وكان عددها اربع خياش وقال اردها له لالا يخسي ماردها هذى فلوس مجمعي اللى عطيته وعطيته اغلي شي عندي خطيبتي وخاني والله ماردها له وراح لفندق وسكن فيه وشاف بالفندق ناس تسولف عن البورصه وسألهم اذ يبي يدش البورصه قالو نقدر نربحك حني نشتغل لحساب فلان وطلع فلان هو الشمالي قال ابي تشغلون فلوسي معاه بس بدون علمه قالو نشغلها وشتغل معاهم وكل مايحط مليون اليوم الثاني يصير 2 مليون وربح بفتره قصيره وشري الفندق اللى كان ساكن فيه وحط بيت له ودوانيه يقعد فيها يوم واحد بالاسبوع ومره من الايام جاه عبده اللى عنده قاله عمي القمر على الباب فيه مره تبيك هناك وراح الجنوبي وشوف عجوز ومعاها بنت مزيونه وصغيره بالسن قالتله انا سمعت عنك وعن شهامتك وعن طيب اخلاقك وانا حالفه بنتي مازوجها اللى لرجال نفسك وانا اخطبك لها قال بنتك ماتنعاف زينه وكامله والكامل وجهه بس انا عندي سلوم لازم تمشي مرتي عليها قالت اللى تبي قال المره تتغطا وتاخذ عاداتي وتمشي ممشاي قالت لك اللى تبي قال الله يبارك العرس بعد سبوع ونشر الخبر وخلي كل الناس يدرون بعرسه وعزمهم وماعزم رفيقه لانه ماستقبله وبعدين ماهان عليه ودز عليه عبد يعزمة ولما صار يوم العرس وحضرو كل اهل المدينه ووجهائها وتجارها وشيوخها نادا الشمالي وقال شفتو هذا الرجال هذى انا كنت اعمل معاه وقال القصه كلها وقال انه عطاه خطيبته ولما جاه ماوجبه وطردني من البيت شرايكم فيه يا جماعه قالو كلهم سود الله وجهه وتكلم الشمالي قال لحظة اسمعو هذا رفيقي وانا اعرفه عدل لما جاني ادري لو اعطيه فلوس ماراح ياخذها واذ عطيته عقار ماراح ياخذه واذ خذا شي برده على طول وقلت اطرده وطلع العبيد من ورى القصر لاني ادري انه شهم وبقول شنو صارقين وشافهم وخذا الفلوس منهم وكنت متاكد انه بياخذها لاني طردت وخليت العبيد يطقونه ولما اشتغل بالاسهم كان كل مايقط مليون اليوم الثاني انا اشتريها بمليونين وربحه وكل يوم اربحه الضعف لما صار يملك الكثير وهذى المره اللى اليوم متزوجها اختي وانا اللى قلت لمي تروحله بالقصر وتقوله تزوج بنتي لانه ارجل واحد عرفته بحياتي وتفائج الجنوبي منه وضمه وقاله اسمحلي يا اخوي قاله احني صرنا اهل والعشره ماتهون اللى على عيال الحرام
وكانت هذى قصت الجنوبي وشمالي
ااااااااالله والله الرجاال ذولاااا _اكيد القصة خيالة لكن حلوووة
وانا كبرت الخط لأنها اعجبتني _مشكووور اخوي مشغوول
زبـــــون 
28-01-2009, 05:40 PM
العرض العادي
