أنا على خبرك كما ريحة العود /اذا احترق بالنار يزداد طيبه

[عبرة وداع]

الحمدلله قلبي محسن النية
دايم وأنا أعطي ولافكرت في ذاتي


أعامل الناس بإخلاص ومثالية
وياكثر مأكتم عن المخلوق مشكاتي


ومن شافني قال ياسعده وياهنيه
ماهو بداري عن همومي وآهاتي


أشوم نفسي عن الزلات والسيه
وأرفع عيوبي وأحاول أجمع شتاتي


وأحاسب النفس بالروحة وبالجية
أخشى هوى النفس يلحقها ملاماتي


وإن شفت ناس بنقل الهرج مبلية
حمدت ربي على نعمة معافاتي


واليا طلبني رفيقي وانتخى فيه
جيته من أقصى طويلة مسافاتي


وإن ضاق صدري و زادت بالحشى كيه
سألت ربي يخفف من معاناتي


والنفس بالكون مأمورة ومنهيه
ولابد ماقدر الرحمن مايأتي


ويالله ياعالم باللي قسم لي
تغفر ذنوبي وتجبر كل عثراتي