لاحـدني وقتي على شيء مابيـه
اعز نفسي ومنـة النـاس بتـراب
الله يرجع كل غــالي لـغالـيه
والله يرد الشمل مـابيـن الاحبـاب
اللي يبي الفـرقا عسى الله يهنيـه
ماني ورا المقفي مطـارد وطـلاب
لــو كل من قفى بتـبع خطاويـه
مـافارقت عيني مواليـف واصـحاب
ياصاحبي ماعاد لي شيء اداريـه
بيني وبيـنك مابقت كلمة عتـاب
ومن لا يداري بخاطري ليه احاتيـه
ماهو بيستاهل شقا وحرقة اعصـاب
لوكل شيء بخاطري رحت اسويـه
وش عاد ابسـوي اذا خــاطري طـاب
13-09-2011, 02:42 PM
العرض الشجري