مـدام مالـك غيـر درب المقفـيـن..!!

الفريض · #1 03-09-2011, 04:40 PM

مـدام مالـك غيـر درب المقفـيـن
لاتلتفت ماعاد انـا وانـت عشـاق

مايرتفع من طاح قدره مـن العيـن
لو يمتلي لولو مـن الـراس لسـاق

اكره .. يكون الجرح بيـد القريبيـن
لكن شسوي جانـي الجـرح سبـاق

جرحك يخلي وحشـت الليـل ليليـن
والصبح كن الجرح من نومته فـاق

الجرح منك انت .. يعنـي بجرحيـن
والرجل يصبر لا قسى الوقت او ضاق

باسي قوي لامن غـدا الهـم هميـن
مانادي المقفي ولـو كنـت مشتـاق

طبعي وعرفه ماتغيَـر مـن سنيـن
ماخضع ولو توصل معي حد الفـراق

الحر .. لو القـاع مقناصهـا شيـن
ينفعك لامـن صـار يطلـع ولحـاق

والرجل .. ودك مايسمـى مسيكيـن
يصبر ولو هو بسبت الجرح منعـاق

والوقت .. ماهو دايم الدوم لك زيـن
لابد ما ينـدار وقـت معـك راق

ان جيتني تشكي من الوقت .. بعدين
بسمعك بيت ٍ خلت منه الاشـواق

اختار : عندك حل واحد مـن ثنيـن
يا اطردك ولا .. اصافحـك بطـراااق

الـعـابـر · #2 03-09-2011, 07:07 PM

صح لسانك ولسان شاعرنا

خانتني الدنيا · #3 03-09-2011, 08:44 PM

ان جيتني تشكي من الوقت .. بعدين
بسمعك بيت ٍ خلت منه الاشـواق

اختار : عندك حل واحد مـن ثنيـن
يا اطردك ولا .. اصافحـك بطـراااق

صدق مبدع وصح لساااانك

الفريض · #4 03-09-2011, 10:54 PM

اقتباس:

المشاركة الأصلية كتبت بواسطة الـعـابـر

صح لسانك ولسان شاعرنا

صح بدنك

لاهنت

اسعدني مرورك العطر

تحياتي ،،

الفريض · #5 03-09-2011, 10:55 PM

اقتباس:

المشاركة الأصلية كتبت بواسطة خانتني الدنيا

ان جيتني تشكي من الوقت .. بعدين
بسمعك بيت ٍ خلت منه الاشـواق

اختار : عندك حل واحد مـن ثنيـن
يا اطردك ولا .. اصافحـك بطـراااق

صدق مبدع وصح لساااانك