((طالبك لامن قرب يوم الوداع -- لا توادعني وانا عيني تشوف))

سري للغايه · #1 01-05-2011, 01:35 AM

أكره اللحظات , لحظات الوداع
تسكت وعينك لها , بوح الحروف .!

وإن خفيت الحزن , قدر المستطاع
ماقوت ساقك .. على طول الوقوف .!

ولا يعل القلب .. ف/آخر اجتماع
غير تدري ما ورا الصده , نكوف .!

وانت يامرخي على البُعد , الشراع .!
لا تسلم فرحتي , كف الصدوف .!

ولا تقول إن مالحزني , أي داع .!
جرب الفرقا معا حالك .. و شوف .!

الهجر موجع .. وللبعد إنطباع
يتركك مابين ضيق , و بين خوف .!

كل شي أحبَه بدنياي , ضاع
وكل ذكرى صعب لا مرت , تطوف .!

لا توردني على .. حد الضياع
ولا تخليني , تحت حكم الظروف .!

خابر إن قلبي على الصده .. شجاع
غير في لحظات , تلويح الكفوف .!

طالبك , لامن قرب .. يوم الوداع
لا توادعني.. و انا عيني تشوف .!

وسلامتكم

هذي اول مشاركه لي في المنتدى وان شاءالله تنال اعجابكم