صفرى خياله

[حسين ال الحارث]

سلام يا الي لو يطول غيابك =
اسرج لك المشتاق صفرى خياله
برق الغلا لا لاح باقصى سحابك=
فز بدوي الفكر وبشر حلاله
حنت رودك في خيالي وجابك=
ذ كرى خوي الليل سمح القباله
والسيل يا وادي المعاني جرابك=
وادي حروف الشعر تنبت بجاله
قطفت منها زهرتين لجنابك=
الاولة معنى والاخرى جزاله
يشدها ريح الوفا في ثيابك=
من طيب راسك ياعريب السلاله
صاحبك ياقلبي لاطال الظما بك=
يحي شعاب البعد غيمة وصاله
ياابوحمد والمجد صرحة علابك=
ياالصادق الوافي كريم السباله
انت الذي لاغبت كل" دراى بك =
ننشد لمى ابطى وانحفى وانعناله
وانت الذي لاجيت مجلس زهابك=
تفوح من لقياك صفرى دلاله
من صغر سنك والمراجل شرابك=
تشرب مراجل لين حد الثماله
من شاف مفعولة بزهوة شبابك=
يقول تكفى صب لي في بياله
شد الضعن وانكف علينا ركابك=
ولا خويك شد صوبك جماله
شفق"على شوفك واخايل سرابك=
لله درك قرم وافي خصاله
لكن علينا لايطول غيابك=
ياحر وجبال المعزة جباله

الشاعر /حسين ال الحارث اليامي