ياكثرهم .. لا قلت لك .. عرفة وجيه ..
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه
ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه
ورجلٍ .. يموت ولا يجيبون طاريـه
ورجل ٍ .. يجي طاريه في كل حزه
ورجلٍ ..يهزه بعض موقف ويشقيه
ورجلٍ .. مهوب أيّات موقف يهـزه
ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـزه
ورجلٍ .. تلزه يعترف لك .. بخافيه
ورجلٍ .. على خافيه .. محدٍ يلـزه
ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يـوزه
ورجلٍ .. تكزه لا زم انك .. توصيه
ورجلٍ .. بليّا ما توصيـه .. كـزه
من لا فرش .. للمرجله .. ماتغطيـه
ومن لايخز .. الناس .. محدٍ يخـزه
ان كنت تعرفني فهي .. عرفة وجيه
مو شرط لك بالقلب قدر .. ومعـزه
ماكنت ابي اكتب لاني مليت ولكن طالما انه قد تم الاستشهاد بقصيدة من
قصائد خلف مشعان ذلك الشاعر المبدع في كل مايكتب ملامس لحال الافراد والامة ومصيب لعين
الحقيقة ..لاهنت اخوي فهد على النقل فانا من اشد المعجبين بهذا الشاعر.ولايفوتني قوله .
بلشنا بهم بلشة هل الديك بالديك..بغوه يذن وصبح يغني
وقوله
من كثر ماشفت بحياتي من انذال
.. بديت اشك ان النذاله ... فضيله
ماطاح من عيني رجل ..!! طاحوا .. رجال
.. ورجال ( يابن حنيف ) ماهي قليله
وقتٍ به ( الراعي ) غدى .. راعي دلال
.. كلٍ على طاريه .. ينفض شليله ..!!
ومن كان ساسه للردى مضرب امثال
.. اليوم .. يحسب من كبار القبيله
06-01-2011, 03:30 AM
للــمــواقــف رجـــال ومــعـزة ..!
العرض العادي
