قصيده الشاعر/مبارك دواس العرجاني في ربعه وخواله وانسباه

[حمال الخساير]

من ايدمه لين الحسا برسل سلامس للقــروم=والذبذبه من برج لا برجن تسوقه لشمــــــال
ينصى هلي واعيال عمي جعلهم دوم في دوم=وينصى مطاليق الرجال الي وفيين الخصــال
وياهاجسي اضغط على الافكار وازهمها تقــوم=وخل القريحه ياهجوسي تنضم ابيوتن اجـزال
وسند بها لصبـــيان ذيبــــانن قوييــــن العـــزوم=هم راس مال لي خوالي عزوتي نعم الرجال
واخص ابو مانع حمد خالــي وتفـــداه الرخـــوم=من صلب يام ليا ارتكز دخانها كنــها الجبـــال
كبيرهم وسط المعارك لامعن مثــل النجـــــوم=صغيرهم ينطح امعــــاديهم بقــــوة واحتيــــال
وياهاجسي سقها على صبيان ناجع لا تزـــوم=انا اشهد انهم صادقينن فالقاء يـوم القــــــتال
امن المراجل والطلاقه محــد ناقــص ومحــروم=الاد سالم ابن ناجع ســعد منهم لـــه اظـــلال
هم مزبن الجالي وهم حضار في وقت اللـزوم=هم لشكاله والكرم عنــوان ووجيـــــه اطـــوال
ومن بعدها روح على بثعان وتاتيــــك العلــــوم=وانزل على ابن صميع تلقى كل خير وخير فال
محمد الي كل جالن في المراجل له اوسـوم=محمد الي ساطعن بين ربعه كـــــنه الهــــلال
محمد الي شوفته تجلى من القلب الهـــموم=شيخن اليا عدو اشيوخ الناس حاضــر لا محال
وفي كل قمه في المراجل له علامات ورجـوم=وهو عزوة الي حدته دنياه في ســود اليـــــال