السلام عليكم ورحمة الله وبركاته
هذه القصيده لشاعر وفارس العجمان الشاعر نغيمش بن هادي الشولاني العجمي رحمه الله
ياراكب اللي كنها فرد غزلان = لاصاعها من يمة الريح زيله
تياسرت مع يمة الجدي لابان =هجنٍ عليها في المساري دليله
فاءذا لفيتو شيعو ذكر (ضيدان) =اللي تعدى الجيل الاول وجيله
قولو سلام الحرص ياطير حوران =بحفوةٍ يا اللي علومك جميله
انا بشير للمعادي بخذلان =عزٍ للراسك ياذعار الدبيله
من هازنا زرناه بخشوم الاضعان =ومروبعات في المنازل ظليله
يبرى لها من يمة الخوف فرسان =ومالٍ الى نوخ يشيبك عويله
تراوحت صم الحوافر بفرسان =وتخالفو ضرب اليدين الطويله
سرنا عليهم والسفر ما بعد بان =فعل الله الماضي على كل حيله
ياميةٍ في حومة السوء ظفران =ياما ذهب في وردهم من قبيله
يامن يبشر بالخبر ابن سلطان =سبع القبايل فرقتهم قبيله
ياليتكم شفتو طلقين الايمان =تنخاهم انساهم وراحو سحيله
حنا انتصرنا والمعادي بخذلان =ولا يامن الاحكام راعي دغيله
زيزومنا بو راشد ذيب الاقران =حييت يا شيخ(ن) علومك مهيله
شيخٍ ليام الى امتلى الجو دخان =(لاهوم) شيال الحمول الثقيله
الشاعر نغيمش بن هادي الشولاني العجمي
25-05-2005, 04:06 AM
العرض العادي
