سم طال عمرك

[رعــــــــــــد]

هلا بالحبايب ..

وعلى الله الرقيب يخف علينا شوي .. ترانا نتعب .. ..

سم طال عمرك .. والرأي رايك .. والشور شورك .. والشيوخ ابخص .. والارض وماعليها لنا .. واوب ورثنيها من الشرق والجنوب ..

كلمات يمكن سمعتوها علناً أو تلميحاً ..

الاستعباد ظاهره لازمت دول الخليج وماحولها من الممالك والدول التي ينام أصحابها على العرش لسنوات .. بل لقرون ولو وصل للموت يعيش ويرجع ليكمل مسيره النماء والرخاء .. ودام عزك يابلد .. ...

في مقابله قبل فتره في قناه الجزيره وفي برنامج الرائع احمد منصور بلا حدود مع أحد عيال الاسره ..

يقول وبملء الفك الغروري ... ( مو ذنبنا إذا الله خلقنا ملوك ) ..

قسم بالله بغيت افجر الاستراحه ذاك اليوم ..

يعني إلى هذه الدرجه من الغرور والنرجسيه والبتاع كله ..

ولا ومن زين الحكي يقول ...(رئيس مصر).....الله يحفظه يوم سألوه عن إمكانيه أن ولده يصير رئيس جمهوريه حولنا وحوالينا .. ثلاث ارباع ميزانيتنا عندهم ..

قال والله لو صارت ممكله يصير ولدي عليها ملك ... حنا ملوك .........

ياساتر يارب .

ليه ياخي ..

الله سبحانه وتعالى يقول ( إن اكرمكم عند الله اتقاكم ) ..

والرسول صلى الله عليه وسلم يقول ( لافرق بين عربي ولااعجمي إلا بالتقوى ) ..

وابراهام لينكولن ريئس الولايات المتحده القديم ومحرر العبيد الذي قتل من أجل قضيته الشجاعه بمنع الرق وبيع الاوادم كالخرفان والذي دفع حياته ثمناً لتمسكه بمبدأه العظيم قال .. ( الله خلق الناس سواسيه ) ..

ياناس افيقوا من غفلتكم .. عصر غصب ورى خشمك .. وهذي أرضي وأرض ابوي وخذناها بالسيف مدري بالمحش .. ولّى وراح ..

ماعاد ينفع هالحكي ..

شوفوا العراق وش صار .. وين صدام ووين عزه ومجده وخضوع الشعب له ..

من زود طغاه حط له ( 99 ) اسم مثل اسماء الله .. الله يخسه ويقبحه .. وألزم العراقيين الضعوف يشترونها ويحفظونها ..

شوفوا وشلون الطغى ..

فيه كثير من الدول تشوي ولاتزال ويمكن تغظي على فعايل صدام .. ولكن الثور صدام مايعرف شيء اسمه ( بالخش والدس ) .. علنيه ويفتخر بها الله ياخذ عمر العدو .. يحسبها بتزيد الهيبه ..


لكن الحبايب الباقين يسوونها وبشكل لايتصوره عقل ولكن بدلوماسيه تقتضي وتتمحور حول .. انثبر وكل تبن ولاكلمه .. واجلد ياجندي ..

اساليب جاهليه ومفردات عقيمه حكتها في السابق الحاجه والفقر .. والان السيف والقوه والوصول إلى المجد بالتزلف واللسان المعسول والنفاق ... وإلا والله ماتعيش ولايدري عنك احد ..

حالهم مثل اللي يغنون الحين ..

كان رجال جب وراك اربعين بنات مفاصيخ ..وخلهم يرقصون تقل فيهم زيران .. وشف وشلون الارباح ..

وإن كانك بنت .. ماعليك إلا شف حركات ولبس هيفاء وهبي وطبقي زيها .. وكلما ماخففتي اللبس زادت الاراباح .. معادله عادله ..

وهذولي مثل .. اكذب ونافق وامدح بالكذب وقصايد وكلمات ومدري وش ..

وشف وش تصير ..

افتح الجرايد وشف ...

خل واحد من المسئولين الكبار ... الكبار يعني .. يفتح ملحق في مستوصف مستأجر .. في طرف الخاتله ..

يووووووووووووووه ... تقوم الدنيا ولاتقعد ..

ملاحق صحفيه .. وكلمات يرغمون أصحابها على إملائها وكتابتها .. غصب ورى مناخرهم وطويل العمر باني وهادم .. وقائد ومدري وش ... وكأنه صلاح الدين والضرغام الهمام ...

يعني إلى متى الاستعباد والخضوع والذل ..

وإلى متى عقولهم ستبقى متحجره ومتخلفه ومغلفه بغطاء السمع والطاعه مهما كان ..


اييييه الله يرحمك ياعمر بن الخطاب يوم يقول لعمرو بن العاص حين جنح ابنه ولم يعاقبه ..

( متى استعبدتم الناس وقد ولدتهم امهاتهم احرارا ) ..

وينك يابو حفص تشوف حالنا وحال الطراره الاصليه والمتزاديه علينا ..

شكراً طال عمرك على تحمله القراءه إلى النهايه ..

و















مالقى عندك وظيفه لو سمحت .. لو على بند التيوس .. اقصد الاجور ..



تحياتي ...
منــــــــــقووووووووول

[عبدالله المعيضي]

رعد ترا حالتك خطره بسم الله عليك !!

لا عاد تتابع الا تجاه المعاكس وراح تصير خوش ولد

تحياتي لك يا زعيم المعارضه رعد

[ابوتركى]

رعد الله يعطيك العافيه


وبعدين اخوى مافيه مقارنه بين العصر هذا

وعصر الفاروق رضى الله عنه الذى هو بالفعل

عصر الرجالوعصر الحق

[كويتيه]

يعطيك العافيه رعد.
مووضوعك خطير.. بس معروف والكل يعرفه بس ساكنتيين و محد يقدر يتكلم... بس على قولت اخوي عبدالله المعيضي لا اتابع الجزيره كلهاا عشان كل الالي فيهاا شي يرفع ضغط الدم..

[الجـــــــــادل]

سم طال عمرك يار عد


ولاهنت على الموضوع المعاااكس

[knzan]

قال تعالى {وخلقنا بعضكم فوق بعضكم طبقات} ومن خلقت الدنيا يارعد باشا وهي طبقات ان بغيتها على المستوى الشخصي او العامي في البيت عندك طبقات في العمل عندك طبقات في الدول طبقات في القبايل طبقات وهذي هي سنة الدنيا والحياة .والصحابه صفوة الخلق الي ابرك مني ومنك يوم اعتق بلال بن رباح رضي الله عنه وهو من عبيد قريش ودخل المجلس طلعو سادة قريش من مجلس الرسول صلى الله عليه وسلم معترضين على مساوته بهم لانه من عبيدهم وهم كلهم صحابه ولم يتقبلو .فمستحيل انك تجرد العالم من هالاشياء وانك بتواسي العالم ببعض فالملك ملك والشيخ شيخ والامير امير وروق الله يعطيك العافيه فما عاشة شعوب بلا قاده وماعاشت ممالك دون ملوك .... بعدين كلمة سم طال عمرك والشور شورك والشيوخ ابخص تقال من باب الادب والتقدير وهي ليسة للامراء والملوك محصوره فنحن نستخدمها من باب التقدير والادب فطبيعي ان يرد الانسان عندما يناديه شخص بما تحتمه عليه تربيته فمنهم من يقول سم طال عمرك لبيه ومنهم من يقول هاه شنو شتبي .ولما احد يطلب من احد شي منهم من يقول ابشر طال عمرك تامر الله يحيك ومنهم من يقول نزين ياخوي اذيتنا...وسلامتك

[المتلقم]

رعد نراك هنا قد خلطت الشامي على المغربي بهذا
الموضوع الذي نقلته لنا .

فأين هو الإستعباد الذي تتشدق به وتقول أنه موجود
في دول الخليج ؟

فهل أنظمة الحكم الوراثي التي بايعها أهل الخليج هي
أنظمة حكم إستبداديه بوجهة نظرك وأنها أنظمة حكم
تستعبد شعوبها ؟

وما وجه المقارنه بين نظام صدام حسين وأنظمة الدول
الخليجيه ؟

رعد هناك خاصيه في دول الخليج لا تجدها في غيرها من
دول العالم العربي وما عليك سوى أن تعمل مقارنه جاده
بين دول الخليج وما سواها وستعرف جيداً هذه الخاصيه .

[هند]

الأخ القدير .. رعــد
صح لسانك ،،

هي النفوس فطرت على كره من يستطيل عليها ويستصغرها، كما جبلت على النفرة ممن يتكبر عليها ويتعالى عنها، حتى ولو كان ما يقوله حقًا وصدقًا.
تواضع إذا ما رزقت العلا فذلك مما يزيد الشــرف



لك تقديري
السؤدد

[سعود العجمي]

يبدو ان الاخ رعد يحرض على الثورة في دول الخليج لكي يستمتع برؤية هذه الدول حطاما ورؤية اهلها مشردين إسوة بإخوتهم في الدول المجاورة لهم , وإلا ما معنى هذة الدعوه؟؟؟؟
يبدو انك تريد او تتمنى لو تصبح الكويت او الرياض او دبي او الدوحه او مسقط في وضع كوضع الفلوجة او كربلاء او البصرة لا سمح الله !!!!!
أخ رعد , نحن راضون بوضعنا ولا نريد ان نصبح ثوريين و تصبح دولنا مثل الدول المجاورة والتي أبتليت بالابطال ( الذين احالوها الى ركام واهلها الى مشردين ) .
ستقول ولماذا لا تنظر الى الدول المتقدمة وتصبحون مثلها؟ سنصبح مثلها بإذن الله ولكن ليس على طريق الفوضى والبؤس والتشرد !!!!! سيتم ذلك عن طريق السلم والامن والخطى الثابته والعقل والحكمة.
لا تنسى ان اعمار بعض دولنا اصغر من اعمار بعضنا نحن الموجودين في هذا المنتدى, ولا تنسى ان بريطانيا لم تصل الى هذا المستوى الا بعد اكثر من 700 سنة من تأسيسها, وأمريكا لم تصل الى هذا المستوى الا بعد اكثر من 270 سنة . وتريدنا ان نقفز مرة واحده حتى نصل الى هذا المستوى ؟؟؟
ام تريد ان تستمتع برؤيتنا مشردين في شتات الارض ودولنا محطمة , الداخل اليها مفقود والخارج منها مولود؟؟؟ ماذا تريد يا اخ رعد؟؟؟ يكفي اننا نأمن على انفسنا واعراضنا واموالنا !!! يكفي اننا لا نأمن على انفسنا الا في دولنا !! حتى في اوربا وامريكا لا نحس بمثل هذا الامن والامان ناهيك عن الدول التي تريدنا ان نصبح مثلها !!!!! يكفي اننا نستطيع ان ندخل على حكامنا متى ما رغبنا , وهذه العادة ليست موجوده حتى في اعظم الديمقراطيات !!!!
اخ رعد = خفف السرعة ففي التأني السلامة وفي العجلة الندامة
==================
مع تحياتي وامنياتي الطيبة لك
اخوك سعود

[رعــــــــــــد]

الله يستر منكم

وش فيكم عسى ماشر


لاتخافوا معكم الشيخ رعـــــــــــــــــــد


بسم الله عليكم

بسم الله عليكم