ريحة الدم العراقي

[ً ذكرى قديمه ً]

(( قصيـــــــــــدة ريحـــــــة دم ))

ريحة دم أشم بكل شبر بالگاع
وجناز يتعدى بكل دقيقة
شارعنا حزن والموت يفتر بيه
وأخذ كلشي أل يصادف في طريقة
صار أحمر رصبفة وبيه قطع سود
أنخطف لونه وخفت ذاك بريقة
قطع تنعى زلم ماتت بلايه اسباب
وأيدين أل جنت حرة وطليقة
هذا حسين مات بطلقة مغدور
وعمر مات بسبب جاره وصديقة
شجاهاالناس صارت سود الگلوب
وگبل چانت شگد طيبة ورقيقة
ومعقولة؟؟؟؟؟؟؟؟؟؟؟؟؟؟؟؟؟
معقولة أنتذابح وأحنا خوان
وحلم أعدانا يتحول حقيقة
مو عشنا سوى آلاف السنين
وأحنا اول حضارة بهلخليقة
مثل عش النحل عشنا بسلام وطيب
وصارلنا الوطن أجمل حديقة
واذا أحنا أختلفنا منهو ربحان؟؟؟؟
ومنهو اليفرح وينصب مزيقة
ألرابح عدونا وأحنا خسرانين
لابد نعترف هذي الحقيقة
خل أيدك بدي ونطفي هذي النار
وبدمانه الوطن نخمد حريقة
وخل ايدك بدي چلمتنا وحدة تصير
ونقاتل عدونا بكل طريقة
وخل نرفض الفرقة وفكرة التقسيم
ومشروع الفرس أحنا نعيقة
وصير بچفي سيف وأذبح الغاصب بيك
وشوف چفوفي بيك شگد رشيقة
وهاك أني رمح خلني بيمينك
وحرس أني بيسرتك وبيمينك
أذا طرد الغزو تقسم يمينك
يمين الله اتبعك للمنية
وخل نكتب عهد للوحدة أني وياك
وبدمنا نوقع هالوثيقة
وعد مني أوافي وياك وعداك
وأانتظرك توافي وياي وعداك
لاتسمع كلام أعداي وأعداك
وخل أيدك يخيي أبين أدية
وكلام أعدانة أتركه ولا تصدگ بيه
وغراب الفرس أترك نعيقة
وأحذر من مكر كسرى وفارس
وخلك للوطن جندي وفارس
طبع بينا الشجاعة والوفا رس
أبد منخاف نگحم عالمنية
أحنا أمة محمد عزنا الاسلام