مجموعة قصائد مميزهـ للشاعر للمبدع محمد العـزاام

[شيخة قبيلتها]

السلام عليكم ورحمة الله وبركاته ...



مجموعة قصائد مميزهـ للشاعر للمبدع (( محمد العـزاام ))

ما هقيت ان المحبه لها سيفن سنين=لين ما قامت بعظمي إاتسن سيوفها
يا سيوف الشوق خفي علي لا ترتكين=طالبش لا تذبحيني قبل ما اشوفها
كل ما جريت صوتي تلاحقه الونين=و كل ما هديت روحي تزايد خوفها
الشتا و الليل و الشوق سم العاشقين=و كل ما قامت بصدري اتدك صفوفها
و القلم ضم الورق لين بيح بالكنين=و القصايد مدميه بالغياب حروفها
يا خفوقي لو تميل الليالي و السنين=و انت خابر ضيم بقعا و جور صدوفها
عشرتن فيها الوفا والمحبه والحنين=لا غدى ممساي قبري يجور اعوفها
(( حبها طابع بقلبي و في عيني سجين=و وين ما لديت عيني اشوف طيوفها ))
(( يا عسى تسلم يسارن تلوت باليمين=و يا عساني ما اتوفى قبل ما اشوفها ))

...:...

الله مـن قلبـ(ن) لـه الـهـم حـاكـم=مشاعره شعـ(ن) مـن الحكـم مغبـون
راعيه شخصن كـل عمـرهـ عطاكــم=و له بالجفا و الغدر صرتو تجـازون
من عقب ما كنت القمر فـي سماكـم=غديت نجمن ضايعن في سمـا الكـون
اسري مع همومـي و ذكـرى هواكـم=و اتذكر الماضي و تدمي بي طعـون
بعتو الـذي بصـادق حنانـه شاركـم=و شريتـو اللـي للمحبـه يبـيـعـون
و الضامي اللـي مـا رويتـوه ماكـم=لا تــحسبـونـه بـيتـرجــى تحـنـون
يا كـم حرفـه قـد وقـف فـي حماكـم=شامخ كما راعيه لـو كـان مطعـون
ويا كم جرحن قد لقـى مـن وراكـم=و يا كم ما بيَـح مـن الدمـع مكنـون
الــبارحـه كانـت عـجولـه خـطـاكـم=و اليـوم و عـزاه قمـتـو اتخــطـون
الــبارحـه كـان الــوفـا فـي غــلاكـم=و اليوم خاب بذا الوفا ظنون وظنـون
مـات الوفـا و الله يــبيحـه وفـاكـم=و القبـر قلبـكـ و الــحنايـا يـعـزَون
يا جعل يحسـن فـي وفاكـم عزاكـم=و صعب الرجا لمن صار بالقبر مدفون
و كرامـة الخافـق تحتـم جفـاكـم=و من كان عالي صار بالقاع مطمـون

...:...

مانـي بلـوم الليـل يــوم يتـــشـرٌه=شفقـ(ن) على شوفتكـ بيـن آلسحآيـب
حتى آلنجـوم اللـي بوسـط المجـرٌه=هذا طفـآ ضيٌـه وهـذآك ذآيـب
و أنا .. مآ غير أقرآ قصيدكـ و أجرٌه=علٌ آلصدى يآصلكـ يآ أغلى آلحبآيب
يا مالكـ(ن) روحي و هي قبل حـرٌه=يا ثآمنـ(ن) طبعه لسبـع العجآيـب
آلـشـوقـ، فــي غيبـتـكـ لله درٌه=أبدع بحسبة صآحبكـ و أنت غآيب
و الصدر مستآجع و طيفـكـ يجـرٌه=ماهـوب متعـوٌد خفوقـه يغـآيـب
تعـالـ، لا تبطـي تـرآك بتضـرٌه=ضمٌه و لو تدمي الجروح العطآيـب
تعالـ، لا تبطي (تـرا العمـر مـرٌه )=( ابيكـ قربي ) .. لين ركز النصآيـب

...:...

آآآه يـآ كبـد آلـهـواوٌي آلمعـنٌـآ=وآه يآ خوفـ(ن) من الفرقآ سكنٌـي
اتمنٌى.. و كـل خلـق الله تمنٌـآ=مير مآكل آلمطآلب بالتمنٌـي
غبت عنٌـي و القمـر منـوْر وطنٌـآ=بس نوره من غيآبكـ..غآب عنٌـي
مآ دريت إن (الوله) بآلدمـع غنٌـآ ؟=و إن عيوني تعزف لحـزن آلمغنٌـي
مآ دريت إن حآلتي . غصن .. و تثنُآ ؟=و إن طيفك.. ليلة آلبـآرح زبنٌـي ؟
غبت منٌآ .. و جت سيول آلشوق منٌآ=و شف غيآبك سيٌل أشوآقي وفنٌـي
لا يطول آلبعد و تضحُّـك زمنٌـآ ..=و الله إن يبطي.. و لا يآخـذك منٌـي

...:...

لا تقول لي بعدك حرآم انت الذي قربك حـرآم=ماني مغيٌر كلمتي و ان بـان دمعـك ثـم جـرآ
و إن قلت لي بأن الندم ينهش محاديب العظـام=و ان قلت لي حالي من الاشواق يا محمـد بـرآ
يا للاسف حبك سرا ما عاد لك عندي مقـآم=وش له تنزٌل دمعتك و اقول لك حبك سـرآ
كنت الذرا لكـ من هموم الوقت يا زاهي اللثـام=ثم خنتني ياصاحبي وبيديـك قطٌعـت الـذرآ
كانت ( غلاتكـ ) في عيوني غير عن كـل الانـام=من شاف عيني فـي ( غلاتـكـ ) و بمكانتهـا درا
ذا جرح غدرك ذي جروحي له تعظُم بالسـلام=حييُت يا جرحـ(ن) بيبطي في ضلوعـي مـا بـرآ
تخون من يفديك فـي عمـره ولا همُـه مـلام !=يا لعنبو دارك شرا قربك و ليتـه مـا شـرا
لا تقول لي بسم الغلا... بسم الهوى... بسم الغرام=و انك تبي اسامحك علـى الـذي منـك جـرآ
((ماني بعجمي عزوته إليـا اعتـزى صبيـان يـام=إن كان بك لدٌيت عيني ورجعـت رجلـي ورا ))
هي كلمة(ن) من قبل لا اقفٌي و هي مسك الختام=أصل الوفي سابع سمآ و أصلك تحت سابع ثرآ

...:...

مع اطيـب امنياتي للجميـع ...

[ميـــاسه]

الله الله الله

ابداااع

وذووق فالاختيار

بحثتي فأجدتي

اعجابي

["..عـَـذْبـًة الأطْـبـَآآآآع.."]

.

قصـآئد رـآئعـه .ْ~
وذـآئقـه ــآروع ..~
صح لسسـآن العزـآمي ولاهنتي ..

[ديقول22]

لا هنتي يالشيخه ولكن الشاعر محمد العزام شاعر ظالم نفسه بنفسه . . .

[شيخة قبيلتها]

المشاركة الأصلية كتبت بواسطة ميـــاسه

الله الله الله

ابداااع

وذووق فالاختيار

بحثتي فأجدتي

اعجابي

حياج الله حبوبتي واسعدني حضورج العطر ...

[شيخة قبيلتها]

ولا تهونين ع الحضور العـذب حبوبتـي الغاليه ...

[شيخة قبيلتها]

المشاركة الأصلية كتبت بواسطة ديقول22

لا هنتي يالشيخه ولكن الشاعر محمد العزام شاعر ظالم نفسه بنفسه . . .

ولا تهون اخوي ع الحضور الطيب للابيـااااتــ ...،

[فيافي]

مبـــدعه دايماً ياشيخه تسلمـــين على نقلك .. وصح لســان الشاعر الجزل محمد العزام

تقبلي مروري

[تركي الميموني]

صح لسان شاعرنا المميز


قصائد مميزه ورائعه

وتسلم أيدك على النقل الرائع

تقبلي مروري

[شيخة قبيلتها]

المشاركة الأصلية كتبت بواسطة فيافي

مبـــدعه دايماً ياشيخه تسلمـــين على نقلك .. وصح لســان الشاعر الجزل محمد العزام

تقبلي مروري

الله يسلمك ويعافيك ولاهنت ع الحضور الطيب ...