العدوه ليتك ساكت

[الجنـرال]

السلام عليكم ورحمة الله وبركاته

اولا : اويد كلام العدوه ان رئيس الحكومه مايتحمل كل اخطاء الحكومه كلام صحيح لانه لم يامر بي بناء ام الهيمان ولا المصانع المخالفه ولا يتحمل اخطاء 30 سنه ماضيه

ثانيا : استغرب الهجوم علىالعدوه وتمجيد الطاحوس وغيره مع ان الطاحوس بس نسمع كلام ولا شفنا شي منه ولا من غيره ولا احد يقول كلام غير صحيح لاني راح انشده عن القسم الى من 5 شهور وقسمه هو مع اخوياه مده شهرين و استجواب الشمالي من اول مادخل وهو يقول جاهز صار سنه ولا شفنا شي

ثالثا : اتمنى من اخوانين اعضاء المنتدى تحديد ماطالبهم انهم يبون نائب خدمات ونائب موقف ولا احد يقول ابي نائب موقف ثم اذا جاء عند النائب وقال ماقدر لا يجي يشهر فيه في المنتدى

رابعا : لا احد ينسى ان اعضاءنا بشر
خامسا : ارجو احترام الراى الاخر ولا احد يقول اني اعرف هذا ولا ذاك الله يشهد على كلام اني ماعرف احد من الاعضاء

[صاحب حق]

الجنرال

تذكر تصريح العدوه يوم نجح على جريدة الراي ؟؟؟؟

قال الاستجواب مستحق وانا مؤيد لاخواني الطاحوس والحويله وسعدون ومعهم للمسائلة ؟؟

طيب وينه ماصرح قبل الطاحوس ؟

وليش ماحضر الندوه يوم سوها وتهرب منها ؟

يعني يوم ابومشعان حضر وتبنى القضيه تحقدون عليه ؟

والقسم الطاحوس قال طيبن منا ومن اهالي المنطقه صبرنا عليكم هالمده كلها خمس شهور

لكن الحين مافيه مجال اسبوعين تسحبون التراخيص ولا الاستجواب وراح تشوف بعينك وقتها

وعلى الاقل الطاحوس ابرك من العدوه انه ماجا الندوه ولاتبنى القضيه نفس ربعه وينه ماجا ؟

والشغله الثانيه الطاحوس لاقال فعل واستجواب الشمالي انت خابر صارت الاستجوابات الاربعه

وبعدها سالفة الجويهل وكان تقديم محدده نص خمسه والحين سالفة ام الهيمان طلعتله

اللي هي اهم لنا يااهل ام الهيمان من الماليه ؟

ليش حاقد عليه عشانه دايم يكشف النواب المتخاذلين ؟

طيب دامك ادافع عن العدوه ماتقولي شرايك بموقفه بجلسة الخصخصه ؟

يااخي خاف ربك بدل لااتكلم بالحق وشفنا رياجيل تكلمت وصرحت بفعل مو نفس غيره يصرح

حكي ولاجات الصادقه هون ؟

اعضائنا بشر لكن حنا بشر بعد لايلعبون علينا بوعودهم الكاذبه .

[الجنـرال]

السلام عليكم ورحمة الله وبركاته

اولا ياصاحب حق لاتتهمهني بالحقد ولانه ليس من طبعي بعدين احقد على شنهو ؟؟؟؟؟؟

ثانيا ليس مجبور ادافع عن العدوه ولا غيره بس انا رديت عليك لانك تحاول تمجيد الطاحوس و تعيب بالنواب الاخرين

ثالثا انا بانشدك ليه الطاحوس ما استجواب رئيس الحكومه بعد المهله الشهرين لاتقول صارت امور اخرت استجواب لو انه صادق بالاستجواب مارح ياخره شي وانا اتحداك انه راح يطلع سالفه بعد اسبوع قبل ما تنتهي المهله وهذا اذا قال جلسه الخصخصه هي العذر والايام تشهد

رابعا انا ماكنت ابي اقول الكلام هذا انا ملاحظ انك تكتب كل صغيره وكبيره من الاخطاء الحويله والعدوه اما اي موقف مشرف لا تكون اول من يكتبه اما الطاحوس مجدته الا درجه انك لا ترا اخطاءه وكن العجمان عندهم ثلاث اعضاء وليسو اربعه لان الصيفي نفس مواقف الطاحوس ان كان اراه افضل نوابنا اداء ومواقف عند القبيله وابناء الدائره ككل

خامسا اتمنى ان لا يكون كلامي زعلك

[صاحب حق]

يامرحبا يالجنرال

اولا خالد يوم مااستجوب عقب المهله الامور كانت ماشيه وصار فيه تحرك

من بعد ماكانت الامور مسكره وعطاهم فرصه وواعدوه بالاغلاق ونطر

ولا سحبو ولاترخيص عقبها صرح !!

وانا يوم امجد الطاحوس لانه كفو ابومشعان وبعدين لاتخلط الاوراق يوم تقول

الصيفي ابومنصور ابرك من العدوه والحويله بمليون مره ولاهوب متقلب مثلهم

ويكفيك ان ابومنصور وقع بعدم التعاون مع ابومشعان وموقفه معروف مع الطاحوس

وثق تماما لو الطاحوس اخطأ والله العظيم واقسم بالله اول من ينتقده انه انا والله

وحنا يوم انتكلم نبين للناس منو الانبطاحي ومنو الصادق شروى الصيفي والطاحوس

[الجنـرال]

اوكي انزين ليه ماتذكر العدوه ومواقفه من الاستجوابات الربعه وبعدين ابيك تنظر الى الروابط بعدين قل لي رايك فيها بكل صدق

http://www.youtube.com/watch?v=Y9LYu0C3V24

http://www.youtube.com/watch?v=SP-3y...eature=related

http://www.youtube.com/watch?v=jh5lI...layer_embedded

http://www.alajman.net/vb/showthread.php?t=90341

[صاحب حق]

الجنرال

يعني من كلامك العدوه مخطي بموقفه لانك اتناقشني عن مواقفه اللي قبل

وبعدين ماقلتلي شرايك بموقفه من جلسة الخصخصه ؟

وصدقني موقفه الحين مخزي جدا جدا تعال عندنا باام الهيمان وتعرف شنو

يقولون العالم عنع .

[عجمي زقرتي]

يا العدوة تعلم من اللي صارلك الانتخابات اللي سبقت اللي طافت


ما تعلمت من غلطتك

الانتخابات اللي طافت الناس عطتك فرصه ثانية وقدمت لك الفرصه
لا تغلط نفس الغلطة
لا تبيع ذمتك على الحكومة .. لا توقف ضد بني عمك وتوقف ضد صحة 45 الف مواطن


والله يا الصوت ان ما يجيك حتى لو تنجح بالفرعي الجاي ان وقفت ضد ابن عمك وضد صحة اهل ام الهيمان

[المبهم]

الجنرال انت صح


ولاهنت اخوي صاحب حق على فتح باب المناقشه

[صاحب حق]

المشاركة الأصلية كتبت بواسطة المبهم

الجنرال انت صح


ولاهنت اخوي صاحب حق على فتح باب المناقشه

ابوهادي

انا كنت من الناس اللي اعتبرك من الشباب المتفتح ويخاف على مصلحة اخوانه

بام الهيمان !!

لكن ماهقيت ان تعصب الفخذ يااثر عليك بنائب متقلب ؟؟؟

هل ترضى بالاغلاق المؤقت والضحك على الذقون ؟؟؟

والمساله مسالة 45 الف روح ؟؟؟

هل رضيت بهذه المساله بما انهم يسمونك بالقلم الوطني ؟؟؟

للاسف يابوهادي والله اخر واحد اتوقع منه هالرد انت !!

ولاعزاء لاهل ام الهيمان دام تعصب الفخذ موجود ولافيه احد

يحاسب النائب المتخاذل ؟؟؟

ليتك ساكن عندنا عشان تحس بمعاناتنا وتعرف انه غلط .

بالاخير عسى الله يخليلنا ابومشعان اللي ماارضى بهالامر

وطالب بسحب التراخيص .

[عجمي غيور]

مشكله اللي يدافعون لدوافع وأمور أخرى !

العدوه من سنة 96 وجاي وهو يستحق اللقب المطلق عليه

فارس الخديعه

وثانيا ياجنرال الخديعه ان كان الاخوان يمجدون في الطاحوس فهو اهل لذلك التمجيد

الذي لا يستحق ربعه العدوه ومن هم على شاكلته من فرسان وجنرالات الخديعه .

ليت بادي قعد كان يشيل عاره ولا علينا منه .