الشاعر : سلمان بن ضيدان (تفضل) .... !!

[محمد المنخس]

ما اقول الا عسى ربي يعز الدين والاسلام = ترى شدادي مثبت مانزل من معتلى ريمه
صدمت الحاجز الثابت وعور عندك الصدام = ولا يصلح مادامك مامعك مال(ن) ولا بيمه

والختام عندك يا استاذي ..

[سلمان بن ضيدان]

عسى الله يجعله دايم مثبّت . . والسلام ختام = بعد ما شفت أنا ويّاك ( سين ) القاف معْ ( جيمه )
ترى تبقى الجبال اجبال يوم أن الضعيّف نام = ما عنده غير هرجه من ورا النت و تعاميمه

[محمد المنخس]

صح لسانك ياولد ..

[سلمان بن ضيدان]

^
^

صح بدنك يا ولد

[ناصر بوجما]

آلله آلله ..,


صح آلله ألــسنتكم يـ شــعآرنـآ ..,

لــعبه كــآيــفه ..,

إخـــيكم : نآصر بوجمـآ

[محمد المنخس]

اررررحب يا ابوجما ..

والله يحييك ..

[%عــــــزوة %]

سلام الله سلام اليامي الي عند ربعـه يـام
عدد مالاح براق الوسامي في طرف غيمـه
يابوضيدان الومك وانت تبغى الصدق ماتنلام
تحسب اني مدير اعمالك اقيم لـك القيمـه



هلا يا مرحبا بك عد من صلّى وحـج وصـام
على نهج الرجال أهل الوفا والطيب والشيمـه
أنا يابو حمد مانـي معـرّض للمـلام اشمـام
ترى اللي يحسب احساب الغمامه يسلم الديمه !!


يايامي مالك الا درب واضح والوعد قدام
ترى الطقه ماتاتيلك بلاش اتجيب تعليمه
واذا انك ماتتوب ولا تخلي زرعة الالغام
ابا انفخ فوق خدك واسمه بالحال توسيمه


مدامك تعرف البير وغطاه إصحى تروح تنام
ترى اللي يعرفه يا صاح شد وربعه امقيمـه
ترى ما كل مرّه تسلم الجرّه علـى الهمّـام
ليا من جاب همّام العرب طرقه على ضيمه





ياسلمان اذكر الله لا تحاول تعبد الاصنـام
ترى المسلم بليا قصر يرجع داخل الخيمـه
كذا الموضوع واضح مايبيله نقطة استفهام
لا عاد تقدم الي ماصلح فالطيـب تقديمـه



أعَرف الطير لا منّه شلع في سرعته حوّام
وأعَرف الدين كان الدين تجهل في تعاليمه
توضّح ما توضّح مالكم غير الذحاح السام
لكم جغمه من المذكور . . والبلشه مرازيمه


ما اقول الا عسى ربي يعز الدين والاسلام
ترى شدادي مثبت مانزل من معتلى ريمه
صدمت الحاجز الثابت وعور عندك الصدام
ولا يصلح مادامك مامعك مال(ن) ولا بيمه



عسى الله يجعله دايم مثبّـت . . والسـلام ختـام
بعد ما شفت أنا ويّاك ( سين ) القاف معْ ( جيمه )
ترى تبقى الجبال اجبال يـوم أن الضعيّـف نـام
ما عنده غير هرجه مـن ورا النـت و تعاميمـه


لاهنتوا ياشعارنا أستمتعت بالشعر
صح الله السانكم تقبلوا مروري

عــــــــــــــزوهـ

[سعود آل حثلين]

^

شكراً جزيلاً

أختي عزوهـ على اللوحه

شعراء يستاهلون وأنا بصف المري هالمره

[مـحـسـن]

الله الله

صح السنتكم وبيض الله وجيهكم

ابوضيدان شاااعر مافيه كلاام وصح لساانك

غصااب المري صح لسانك

[سنجآر]

صح السان كلن من الشاعرين

وعلى فكره حلووو لعب الالغام يا شعار

سلمان وشووو المذكور ممكن توضح للخوان المشاهدين خلف الشاشات
ههههههههههههههههههههههههههههههه

غصاب يومك تقول صدمت الحاجز حلوه ههههههههههههههههههههههههههههه

ودمتم سالمين