فزعة الأخ لأخيه ((قصة وقصيدة جميلة))

[العماني]

في بعض المعارك هزمت قبيلة مطير، وذبحت فرس غنام بن بطاح العبيات، فصار أخوه غنيم ينخى بعض جماعته ويهيب بهم لإنقاذه إلا أن كل فارس مشغول بنفسه والعدو يقتل كل من أمسك به ،فهب غنيم لإنقاذ أخيه وجالد عنه مع أنه سمع العدو يعرض المنع وهو أن يستسلم المحارب بشرط النصف أو البندق أو الذلول أو الرقبة ويستسلم المحارب اذا صوت رجل باسمه وقال فلان بوجهي على ذلك الشرط.
ولما انقذ غنيم أخاه عنام قال هاذي القصيدة يخاطب طامي القريفه:

يا راكب اللي ما اتلفوه المداوير=راعيه يلحق شليل العباتي
ملفاك أخو طفله زبون المقاصير=على طريقه تشبع الحايماتي
ليته حظر يوم جرى به مخاسير=جاكم خبرنا والعلوم الثباتي
نخيت ناهس والربوع المناعير=(وتصرمن)ركابهن مقفياتي
ربع باثرهم يشبع الذيب والطير=لا واحسايف عشقهم للبناتي
رديتها ما عاد هي بالتفاكير=إلى غدى (غنام) تقمح حياتي
نادى منادي المنع له قلت ياخير=قال اركابكم بانصافهن سالماتي
طقيت سابق ناصر كنه الطير=طاحت وراعيها سواة الوقاتي
أخوي كافيني ليال المعاسير=ما كني إلا وحدة من خواتي
لا مات هموا بي طوال المناقير=يلقون فيه مثل فتق العباتي
أخوي أنا وياه بالشر والخير=أما الحياة اليوم ولا المماتي

وسلامتكم،،،

[واثق]

أشهد أن له أخو يعتزي به. ما قصرت يالعماني ولا هنت.

[الخريف]

العماني الاخ لي اخيهوهذا شي مو غريب

بين الاخوان .... يعطيك العافيه ولا هنت يالغالي


على الاختيار الافضل

تقبل تحياتي

دموع الشوق

[السلاطين]

أخي العزيز / العمـــاني

ســـلمت يداك من النــــار ، صح لسان القائل و الناقل

أخوي أنا وياه بالشـر والخيـر***أما الحياة اليـوم ولا المماتـي

أخوك الســـلاطين

[اطياف الماضي]

أخوي أنا وياه بالشر والخير *** أما الحياة اليوم ولا المماتي

صح لسانه ولسانك اخوي العماني

قصة جميلة وقصيدة اجمل

تسلم على هالاختيار

تحيتي

[محمد آل نصار]

بسم الله الرحمن الرحيم
السلام عليكم ورحمة الله وبركاته:ـ
رديتها ما عاد هـي بالتفاكيـر
إلى غدى (غنام) تقمح حياتـي
نادى منادي المنع له قلت ياخير
قال اركابكم بانصافهن سالماتي
طقيت سابق ناصر كنه الطيـر
طاحت وراعيها سواة الوقاتـي
أخوي كافيني ليـال المعاسيـر
ما كني إلا وحدة مـن خواتـي

ـــــــــــ
بيض الله وجهه ، فزعة الرفيق لرفيقه من سلوم العرب، فكيف فزعة اخ لخوه ، رحم الله موتى المسلمين ، الله من علم طيب وفزعه للبعيد قبل القريب.
تسلم يابو مبارك على النقل المميز .

[العماني]

واثق

حياك الله وتسلم يالقرم على الرد الطيب

تقبل تحياتي،،،

[هند]

الأخ الفاضل ( العماني )
بيض الله وجهك ولاهنت
قصة وأبيات رائعة


لك تقديري
السؤدد

[كويتيه]

يعطيك العافيه اخوي العماني على القصه والقصيده الجميله
لك مني كل التحيه

[العماني]

دموع الشوق

حياك الله وتسلمين على الرد الطيب

تقبلي تحياتي،،،