لاباس

[ليتني عجميه]

لاباس يالمحبوب روحي تفداك
لا باس يا مضنون عيني حبيبي

ياعل ربي يا هوى البال ياقاك
من كل شر وكل جرح عطيبي

يا لتني خذت المرض عنك ما جاك
وتصير من بد الخلايق طبيبي

ترى حياتي ما تهنا بلياك
ليتك دوى من عند عيني قريبي

ياليتني نسمة صباح بدنياك
ألثم جبينك عقب طول المغيبي

أو ليتني طيف يزورك بممساك
وأشاهدك وأقول يا نفس طيبي

بالحيل أحبك وأعشقك وأتمناك
يشهد على ما أقول دمع سكيبي

أنا دخيلك لا تطول بفرقاك
رد لعيوني نومها اللي حريبي