يــــــــــــــوم في العقيـــــــــــــلة

[كويتي]

السلام عليــــــــــــــكم

يوم في العقيلة

دق التلفون ,,, الو هلا ابو (.....) ماشفت شنو طلع على قناة السور !!
لا والله توني طالع من الدوام وماشفت شي شنو صاير علمني ؟؟
الكـ(....) الجاهل قايل كلام ماهو بطيب بحق القبائل وطب في ابو حمود مسلم البراك
اوف اوف اوف من صجك خلص البرنامج ؟؟
اي خلص وترى راح يعيدونه على قناة سكوب الساعه 6
اوكي اوكي بشوفه بعد شوي لاهنت حبيبي فمان الله
الساعه صارت 6
بلش البرنامج اوف اوف هذا ماخلى احد بحاله لالالالا قوية صاعقه نزلت علي يوم قال كلمته الوصخه
لا شعوريأ : تخسي العن ابو شارب ابوك يا البقار مابقى الى انت يا جبان
بعد شوي على الساعه 7
وصل مسج على التلفون ,, جمهور حاشد يتجمع عن ديوان مسلم البراك في الأندلس
قلبت على قناة الرأي الى خبر عاجل جموع يقارب 5 الف شخص امام ديوان البراك وعدد من نواب الأمه من بين الحشود
.. يالله سترك لا تقبع السالفه وتخرب
مسج خبر عاجل انقاذ وطن في ديوانية النائب خالد الطاحوس في العقيلة امام الجامعه الأمريكية يوم غدآ

كفو والله كلنا معاكم يا فرسان المجلـــس وراح نحضر والله لو فيه قصف طيران علينا عشان توصل الرساله الى المعنين وعشان يعرفون ان القبائل ما احد يقدر يشكك في وطنيتهم وان اهل الكويت طول عمرهم متلاحمين ويد وحده مهما اختلفت الطوائف والمفاهيم .
الو ابو فلان لا تخلي الندوة بكره ,, الوابو فلان بكره عند الطاحوس لا احد ينسى ,, الو فلان بلغ كل الي تعرفهم

طلعت من الدوام وانا اتنطر متى تصير الساعه 7 ونص على احر من الجمر طلعت الساعه 3 من الدوام قلت امر على الطاحوس اشوفهم على الطريق شنو يسون يوم مريت والى الاف الكراسي قاعدين يحطونها ,,

قلت في بالي الله يستر لا يفشلونــا عيال منطقتنا (الرقة) ويكون حضورهم ضعيــف عشان راح تكون الندوه عكسية علينا
رجعت الدوانية ولقيت الربع مجتمعين فيها ويتكلمون عن نفس الموضوع ويتنطرون متى تجي الساعه 7 ونص ويحرصون على بعض انهم يتواجدون قبل الموعد عشان يقدرون يلقون لهم كرسي بدو جويدين ماينخاف عليهم لووول
قاطعت سالفتهم قلت يا الربع ترى احتمال وزير الداخلية يحرك القوات الخاصة الي خايف لا يحضر قالو والله لو يرسل الوزارة كلها عشان تفرقنا راح نحضر ونجلس لحد نهاية الندوه .. هب والله الي يدورون المحقة لوووول

الربع في الدوانية وخلال نطرتهم لندوة صار كل واحد فيهم محلل سياسي وقام يفتي على كيفه لوووول قزروها الله يعين السقف مال الدوانية ذاك اليوم الربع يلعبون جو جو ومايعرفون اللعب الأرضي لوووووووووووووووووووووووول

بصراح انا خفــت قلت في بالي ما تسوى علينا ننسحب أمن الدولة والسبب الربع وصواريخهم وبعد تدرون هل يومين صارت امن الدولة حق الجميع ما يمديك تفتح حلقك الى وانت مصطور كف على عينك هنــاك قاعدين في العراق مو الكويت لووول

اييييييييييييييييية صارت الساعه 6 ولعت الدوانية واحد يقول مشينا والثاني يقول تو الناس والثالث يقول يا الربع خل نروح نحجز مكان قدام خاطري اشوف ابو عبدالعزيز (احمد السعدون) وهو يتكلم واحد منالرابع يقول ترى ماراح اطول هناك عشان بودي ولدي الطبيب مصخن لووووووووووووول دش عرض

المهم تصافينا على راي واحد انه نمشي الحين عشان نلقى مكان فاضي وقريب قدام واتفقنا نروح لطاحوس مشي على الأقدام عشانه قريب من بيتنا مابينا الى شارع الرقه والعقيلة
طلعنـا وكل الي في بالنــا شي واحد نقول يالله ياربيكون في حضور اكبر من حضور الأندلس الي عند ابو حمود (مسلم البراك)

عشان رسالتنا توصل واضـــــــــــــــــــــــــحه الى كل من يشكك في وطنيتنــــا ويحاول يضرب القبائل ,,

في الطريق افتحو موضوع البقار الجويهل وقامو يسبوووووووووونه سب ههههههههه عزاه اشهد انه العن جده من اهل الكويت حتى البنغالي قام يسبه هههههههههههه قزرة عليك يا الجويهل
يوم قربنا صوب بيت الطاحوس ولا عنده ما يقارب 300 سيارة قلنا شي حلو دخلنا في الساحه مكان التجمع والكراسي 60% منها فاضية لحد الحين بعد ساعه الى ربع بضبط التفت وراي على الكراسي الفاضية الى مالك مطب رجل الحضور 300% فوق المتوقع ب 3 مرات وصل الحضور 11 الف واكثر .

اشوي يوم سمعنا الميكرفون اشتغل الوو الوو الوو 123 في صوت ؟؟ قلنا اي فيه
رجع وقال يا شباب لو سمحتو ماراح نبدأ الى بعد ما تجلسون مانبي اي واحد واقف عطو مجال للي جالسين بالخلف انهم يشوفون ,, ماراح نبدأ اجلسو لو سمحتوو جلوووس جلووووووووووووووس يا جماعه

بسم الله ,, والحمد الله والصلاة والسلام على اشرف خلق الله
يا شبــــــــــــاب جلوووس لو سمحتوووو والله ماراح نبدأ وانتم واقفين جلووووووووووس لو تكرمتو ترى عندنا ضيوف كثيرين وكلهم بيتكلمون وانتم تضيعون علينا الوقت جلووووس يا اخوان والله قاعدين نضيع وقت

والله ذكرتني طريقة وهو يقولهم جلوس يا جماعه جلوس يا شباب بالله يذكره بالخير المعلق خالد الحربان في برنامج مع الطلــبة لوووول
المهم بعد طول عناء مع الجماهير الغفيره اخيرآ قررو يجلسون ويخلونا نشوف ,,
سمعنـــا صرخه تقووول هنااااااااااااااااااا الكويــــــــــــــــت هنــــــــــــا الكوووووووووووويت نعم هنا الكويت
صار الجمهور كأنه في ملعب ويصارخون ويصفقون ويصفرون كأنه دخل قوووول صراحه ومن غير مبالغه شي هز المكان شي كان الواحد يحس انه وده يصير هذا من زمان جمهور محتشد كان يبي يوصل صوته وألمــه ومعاناته الى من يهمه الأمر جمهور احتشد من جميع مناطق الكويت جمهور تجمع من جميع القبائل والحضر وجميع الطوائف جمهور احتشد عشان يقول هناااااااااااااااااااااااااااااااااااااااا الكويـــــــــــــــــــــــــــــــــــــــــــــ ـــــــــــــــــــــــــــت هنــــاااا اهــــــــــل الكويـــــــــــــــــت هنـــــــــــا الترابـــــــــــــــط واليـــــــــد الواحده مهـــــــــما تكلم العابثون ومهــــما فعل الحاسدون ومهم فعل كل من يهمهم العبث في امـــــــــن هذا الوطن ,, نعم هنــــــــــا الكويت

هدؤؤؤؤؤؤؤؤؤؤؤؤؤؤ عم المكان هنـــاك دخان زقاره طالع من فم مواطن مقهور وهنــاك دخان يخرج من زقارة مواطن مضايق على ما يحدث في بلده هنــاك دخان يخرج لكـي يفهم من يهمهم امر هذا البلــــــــــــــــــــد ,, ولم يطول الهدؤؤؤؤؤ غير ثواني وبعدهـــا ,,

انفجر عريف الندوة وصاحب بأعلى صوته وأدلى بمطالب الحشود

علي الحكومه أصدار بيانا سياسيا تعتذر فيه عن تهاونها وإقالة وزيري الداخلية ووزير الإعلام لتقصيرهما الفاضح في التعامل مع الفتنه

صــــــــــاح الجمهور وبدؤؤ يقولون كفوووو والله كفووووووووو كلنا معكم
وتكلم الاعضاء وتكلم الضيوف من ناشطين سياسين ومثقفين واعضاء الأمه
ولحظتها عرف كل ضيف وكل عضو امه قدره عند الشعب ,, منهم من اول ما قالو اسمه الجمهور وقف له احترام وتصفيق وينادونه بالقاب حلوه وكل كلمه يقولها يلقى لها رد وتصفيــق ,, ومنهم الي من اول ما اسمعو اسمه ما قاموله ولا صفقولة ولا اسمعو حتى كلامه ,, ومن بينهم عضو الله يذكره بالخيـر صوت مع وزير الداخلية وعطاه الثقـه من غير ذكر اسامي

بنسبه لــي اثار اعجابــي العضو الشريــف حســن جوهر والله والله اني ما كنت اعرف هذا الشخص الى بعد ما سمعته يتكلم حبيته ,, كلماته ذكرتني في كلمات انور السادات وهو يبحث عن السلام ,,

النائب الفاضل فيصل المسلم خرج الجمهور والحشود من موجت الغضب يوم قام يعلق على وزير الداخلية ههههههههههه بصراحه طلعهم عن جو الغضب وخلاهم يضحكون يوم قال يا حليلك ماعطوك حليب معاه لوووووووووووووووول والله وحش يا فيصل المسلم
في هذي اللحظات الكل كان ينطر ابو عبدالعزيز (العم / احمد السعدون) و ابو حمود (مسلم البراك) الكل متلهف يبونهم يتكلمون ولا قصــور في جميع الضيوف الي تكلمو ,,

سااااااااااااد الهدؤؤ ,, فجأه قال العريف نشكر اخونا العضو فيصل الدويسان على حضورة والميكرفون له ,, استغربت الحشود شنو جايبه هذا عندنــا

الدويسان مسك الميكرفون وعباله قاعد بتلفزيون الكويت برنامج لقاء الخميس مع نرفانه ادريس لووووووول ,, ما يمديه تكلم ولا قام واحد من الجمهور طمر من بين الناس وقـــال اقسم يا الدويسان اقسسسسسسسسسسسسسسسسسسسسم اقسسسم كل الجمهور قاله اقسم ,, وهو ما رضى يقسم وحاولو فيه لكن الجبان جبان وللأسف لقى الشي الي ما توقعه لى الجمهور يقوله اطلع بره بــــــــــــــــــــــــــــــــــــــــــر اطلع بره ,, حاول يتكلم ما قدر حاول يسحب المكرفون ما قدر وعرف انه مجرد حشرة بين هذي الحشود وعرف قدره عدل ,, حاول الوشيحي تهدت الحشود لكن ما نفع فغادر الدويسان الله لا يرده البقمه لووول ,,

سحب الميكرفون العميد وقال هذاااااااااااا منبر الأفعال وليس الأقوال
صااااااااااااااااااااااااحب الجمهورررررررررررررررررررررررررررررررررررررر صاحب وصفق على خذي الجملة
بالفعــل هذا منبر الافعال وليس الاقوال وهذا التجمع لشرفاء الكويت فقط فقط ,,


وللأســف تكلم غانم الميع وياريته ما تكلم ويحمد ربه انه ماصار فيه ماصار مع الدويســــــــــــــــان قالوله اقسم وقام يتحاوص يلف ويدور لحد ما اقسم ,, وللاسف كان المفروض يقسم من البداية لكن شنو نقـول ,, لكــن بنسبة لنـــا الصواغ كان يكفــــــــــــــي كان يمثــل كل قبيـــلة العوازم في هذا التجمع .

شوي الى يوم قامت القيامه يوم الجمهور قام يقول حيوووووووووووووووووو حيووووووووووووووووو ابو حمود عاش البــــــــــــــــــراك عاش البــــــــــــــــــــــــراك عاش ابو حمــــــــــــــــــود ,,

اثر ما انتبهت ان مسلم البراك اخذ المايكرفون وتكلم ,, اتوقع لو مسلم البراك رئيس اركان الجيش بكلامه يخلي اي جيش في العالم يهجم ومن غير خوف (وحـــش يابو حمود) تكلم ولا رد على لباس العمــامة طب في الصغير والكبيــر وتهدد على كل من له يد في هذي الفتنــــــــــــــه وهذا شي ماهو جديد عليــــك يا البــــــــــــــــراك ,,

اشوييييييييييييييييييي يوم سمعنــــــــــــــــــا العريف يقول كلمـــــــــــة (الزعيــــــــــــــــــــــــــــــم) العم احمد السعدون ذكرتني هذي الكلمة بدواوين الأثنين يوم كانت كل شوارع الكويت تعج بالحشود يوم كنا نسمع (وحده وحده وطنيــة .. مجلس مجلس حريــة) الله يا بو عبدالعزيز الله يا احمد السعدون ما نسينا مواقفك يا اسد المجلس

للعلم بس الي مايعرف دواوين الأثنين يسوي عليها بحث
وهذا فلم عنها والافلام كثيــر http://www.youtube.com/watch?v=R7rRTctXZwU
دواوين الاثنين كانت دواوين تلاحم الشعب كانت دواوين الاتهاض والظلم دواوين الوحده والوطنية وكلنا يذكر الي صار في الجهراء في دوانية احمد الشريعان ,,

التاريخ ما ينسي ومثل ما ذكرنا وشفنـا وعشنا حشود الطاحوس قبلنا عاشو وشافو وحسو في دواوين الاثنين ,,
تكلــــــــــــــــــــــــــــــــم ابو عبدالعزيز وقال للجمهور :

هل انتم راضين عن الي يصير في الكويت ؟؟ قالو : لا ,, هل انتم راضين عن الي صــار ؟؟ قالو لا ,, هل انتم راضين عن اداء ناصر المحمد ؟؟ فردت الجماهير لاااااااااااااااااااااااااااااااااااااا ,, فقــال :
«هذه رسالة واضحة يجب ان يكون لها اثر ونتيجة ولاتكون فقط بإقالة الوزراء»

وبعدهـــــــــــــــا طلب العميد الخروج في مسيرة سلميــــــــــــــــــــــة وكان السعدون والبراك وكل رجالات الدولة الشرفاء الذين حضروك كانو في وسط الحشود داخل المسيرة ..
وكانو يوجهون الكلام لمحمد الناصر :

ارحــــــــــــــــل ارحـــــــــــــــــــل يا ناصــر الأستجواب باجر باجر
نعم ارحـــــــــــل يا ناصـــــــــــــــــــــر نستحق الأفضــــــــــــــــــــل
وحــــــــــــــــــده وحــــــــــــــــــــــده وطنيـــــــــــــــــــــــة مجلــــــــــــــــــــــــس مجلـــــــــــــــــس حريــــــــــــــــــــــــــة

وبعدهـــــــــــــــــــــا وجه مسلم البراك كلمه الى افراد وزارة الداخلية يعذرهم على الموقف الي حطه فيهم وزير الداخلية الي قال عنه : اعذركم يا اخواني افراد الداخلية والسبب وزيركم الكذاب المظلل .. عاش بو حمود بيودينا بداهيه لووووووووول
10 دقايق وبدت الحشود تنحسب بسلام ,, وللاســـــــــف ازعجني منظر غريب على اهل الكويت حتى ايام الغزو ما شفنــاه .


وزير الداخلية محرك القوات الخاصــــــــــــه بجميع ألياتها وافرادها ومدرعاتها والهمرات قسم بالله منظر الواحد ماعمره شافه في الكويت حتى ايام الغزو الغاشم ,, الحين يا وزير الداخليه طلعت محمد الجويهل تحت عينك من المطار وطلعت علينا قواتك ليــش مجرميـن ولا ارهابيـــن ؟؟ احنــا اهل الكويـــــــــــــــــــــــت اذى انت خايف على امنها احنـــا نخــــــــــــــــــاف اكثـــــــر منـــــــــــــــــك ,, ولا يمكن الجويهل قالك هذولة البدو ارهبين دير بالك منهم الظاهر قالها لك يوم يجيك يسير عليك في مكتبتك مو تدري مكتبك يستقبل كل طيب وردي وجاهل ههههههههههههه ياريتك ساكت ولا تطلع منك هل جملة

رجعنــا انا والربع مره ثانيــــــــــــــــــــــه في طريقنـــا الى الدوانية بعد يوم كان حافل وملئ بالاحداث الغريبة والفرحه بهذا الحشد وصارت سوالفنا عن الاعضاء ونمدح هذا ونسب الدويسان ونعقب على بعض الي ماكان لهم داعي يجون ويتكلمون ويفشلون نفسهم تدرون كويتيــــــــــــن يموتون بشماته هههههههههههههه ,,
بصراحه لي يومين وانا اكتب بهذا الموضوع عشان كل الي كتبته كان في خاطري من يوم الندوة واذى في أي شي يضايقكم سامحوني عليــه واعتبروني اخوكم الصغير ,,

وفي الختـــــــــــــــــام اقــــــــــــــول هل بيتين الي قالهم الشيخ الراحل / صبــاح السالم الصبــاح

أنا وشعبي كلبونا جماعة=الدين واحد والهدف أخدم الشعب
لو ضاق صدر الشعب ما استر ساعة=اضيق من ضيقه واستر لاحب

الله يرحمك يا الشيخ / صباح السالم ,, عز الله انك صدقــــــــــــــــت

فمــان الله وسامحوني على القصـور

كويتي

[شِقاوَي]

الله لايهينك ياكويتــي على الطرح الراقــي

[جراح بن حجاب الحيان]

الأخ : كــــــــــــويتي الله لايهينك علي الطرح الطيب ( يوم في العقيلة )

وهذا المفروض يصير من مبطي لاكن الله يكتب الي فية الخير لنا ولديرتنا

تقبل مروري وشاكرلك !

[بنت الوطن]

مبدع ياكويتي ولاهنت على هالحديث الوافي و المفصل عن احداث العقيله

والله يحفظ الكويت وشعبها و أميرها

[جابر بن عبدالله الفايز]

كويتي لاهنت على الطرح الراقي ,,,

[كويتي]

تسلم اخوي خل نتفاهم على مرورك الكريم

لاهنت

[كويتي]

لاهنت اخوي جراح على المرور الكريم

[كويتي]

يا هلا والله اختي كويتية وتسلمين على مرورج الغالية

كل الود

[كويتي]

جابر بن عبدالله

لاهنت فديتك على مرورك الغالـــي

كل الود