أش أش وشوشو على كيفكم *~^

[لا أعلم]

مرحبا ,, كيفكم

طبعا هذي اول مشاركه لي في المنتدى وبصراحه هذي اول مره احس اني مبسوطه اني عجميه لاني صرت بين اهلي في المنتدى وبديت احس واعرف قيمه اني عجميه

المهم ,, طبعا انتو لاحظتوا العنوان كلنا عارفين ان احنا العجمان كلامنا كله اش اش << يازين كلامنا
بس للأسف صار قليل تسمع احد يحكي كذا الا عاد جداتك ولا اذا كانو في مناسبه بدو يتلغوطون في الحكي وخاصه عندنا هنا اهل السعوديه يعني تصير تلتفت تقول هذا صوت جدتي بس هذا مو حكيها ,,
وذا انبسطت انك رايح لديرتك عند اهلك في قريتكم وراح تشيل الكلافه بين بعضكم وتكون على طبيعتك لقيت الناس غير الناس وتسمع
الشين صارت كاف وكل مفردات العجمان صارت حجازيه شوي ويمدون في الكلمه بعد وهذا كله ليش ينقالي تطور وهو هياط في هياط يعني سبحان الله تحس نفسك جالس مع ناس ماتعرفهم من تصرفاتهم هذي ,,

ياعالم ياعجمان احنا كذا هويتنا راح تضيع وموروثنا بينقرض لاتقولونلي>> لا عاد مو لهذي الدرجه
الا لهاالدرجه ونص يعني قولولي لو انا حكيت مثل القصمان في لهجتهم او الحجز في لهجتهم
الناس شلون بيدرون اني عجميه اكيد راح يقولون هذي والله مستعره من اصلها وقامت تلغوط في الحكي مع احترامي لكل اللي ذكرتهم بس انا كذا راح اصير كأني مالي اصل مضيعه اصلي وقمت اتلصق في عادات غيري على شان يصيرلي هويه ومرجع ,,

يعني شوفوا كلامي شلون صار اكيد راح تلاحظون ان فيه شوي من كل منطقه وهذا طبعاً لاني صرت مثل التايهه بين اهلي وجماعتي الواحد يروح لجماعته يجلس يشكك ويقول هذولي عجمانا اللي حنا خابرين ولا غيرهم يعني انا رحت ولا جيت عجميه عجميه ليش التنكر ياناس يعني كلاً خابر البير وغطاه وحافظوا على كل شي يخصنا احنا العجمان وخلوا الهياط منكم ترى الهياط يضيع ,,

ياليت تشاركوني في موضوعي وكل واحد يقول رايه وهو شلون صار شايف الوضع من عنده

وطبعا خلونا كلنا نقول مع بعض :

اش اش وشوشو على كيفكم *~^

[((أقدار))]

أهليييييين حبيتي وحياااااااش الله بينا

وتو مانور المنتدى

بس انا اعارضش في نقطه مثلا انا ما أوش لما أتكلم يعني بس لما أكتب اوش بس لما أتكلم مو شرط وأنا موقصدي كذا يعني اتبرى من اصلا لا بالعكس ومو هاذي طريقه تعبير الانتماء بس كل مافي القصه اني مو متعودة يمكن لان ماسمعتها حييييييل واذا طلعت تطلع كم كلمه وتلقائيه وينبهوني عليها رفيقاتي لانهم مو عجميات فيصيدون كلامي

وبس

تقبلي مروري

أختش : أقدار

[لا أعلم]

ياحلوش يااقدار
انا مااقول انش راح تنكرين هويتش لانش تحكين برى عند الناس بللهجه غير بس المصيبه انش تكونين بين اهلش ومو قادره تتعايشين معهم بالصوره اللي تعودتي عليها هنا اكيد راح يكون فيه تنكر للاصل وللذات في المرتبه الاولي انا نقطة النقاش اللي حابه اطرحها مو احنا برى مع الغرب لا بين انفسنا واهلنا اللي صارو ,,,,,,,,,,, ماادري وش احكي بس الله الله في اش اش حقتنا ,, وشكـــــــــــــــــــراً

[((أقدار))]

ابشري

ههههههههههههههههههههههههه

حبيبتي مدامش جديدة لازم أدليش درب المجلس شوفي حبيبتي روحي منتدى الاسرة والمجتمع تلقين في موضوع مجلس بناتي بحت حياااااش

[امل العجمي]

الا لهاالدرجه ونص يعني قولولي لو انا حكيت مثل القصمان في لهجتهم او الحجز في لهجتهم
الناس شلون بيدرون اني عجميه اكيد راح يقولون هذي والله مستعره من اصلها وقامت تلغوط في الحكي مع احترامي لكل اللي ذكرتهم بس انا كذا راح اصير كأني مالي اصل مضيعه اصلي وقمت اتلصق في عادات غيري على شان يصيرلي هويه ومرجع ,,



هلا والله بأختي لا اعلم

حبيت اوضح شغله أنه يوجد عجمان من القصيم وهم حضر العجمان

فطبيعي كلامه يتغير حسب منطقتهم الي مايعرفون غيرها

وعاشوا فيها طول عمرهم أقصد هنا الرس ديرة حضر العجمان

إذا أنا لهجتي قصيمية لاني عمري ماتربيت إلا بالقصيم

وحتى أهلي وأجدادي

وهذا أبد مو معناها أني اتنكر لاصلي لا والله أنا وغيري يفتخرون أنهم عجمان

بس مثل ماقلت لك هذهِ لهجتنا حتى حنا ومستحيل نغيرها

[جلوي بن سبعان]

اللي يبي الوشوشه على اصولها

يا خذ له كورس في الوادي من الشيبان والعجايز الله لا يحرمنا منهم ويطول بعمارهم

[شِقاوَي]

اي والله صااادق ,,, ((جعل ابيـش مايبعث ))هه لاحوول

[لا أعلم]

أمل العجمي نورتي موضوعي والله وكلامش كله صح
بس يمكن اللي ردو علي فهموني من جهه ثانيه يعني انا قصدي انه في عجمان في القصيم واهلنا وحبايبنا بعد وفيه في البحرين والامارات يعني وين مارحتي راح تلاقين عجمان واكيد راح تكون لهجتهم من لهجته المكان اللي تربوا فيه وعاشو فيه بس انا نقطتي الاساسيه ان العجمان مع بعضهم البعض يعني في اي مكان هم فيه صاروا يتنكرون للهجتهم ويحكون بلهجه غير اللي هم تربوا فيها يعني اللي الناس عرفوهم فيها للتوضيح اكثر ( انا اكون جالسه مع بنت عمي او خالي او اي احد من العائله طيب ,, تكون والله قبل فتره جالسين مع بعض وهات كلام وكل حكينا اش اش وفجاءه تلاقين البيت في المره الجايه صارت تحكي بلهجه غيير وكأن اللي جالسه جنبي مو صاحبتي اخر مره ) انا من هالمنطلق احكي ياليت مااحد يفهمني غلط وفي الاخير كلنا مسلمين واخوان سواء كنا عجمان او غير ذلك