هلا بك يـــــــاأم الذوايــــــــب
ياعين الخشف اللي هايب
يامن تسبي قلب الشايب
وترد العــــــود لماضيـــــــــه
العب لك طاروق الدحـــــه
يا أم الصوت اللي به بحه
ياقصر الليل وياشحـــــــه
مع مثلك يالغشمريــــــه
يابنت الدحــه تطـــــــــور
عن اصل بناها تحـــــــور
ماكنــــا يوم نتصــــــــور
نسمع عن دحه عصريه
يلعبها من لايعرفـــــــها
عن مبتغاها يصرفـــهــا
يبغي يكحلهـا ويطرفها
ويعطيها صوره عكسيه
اسمع ياجواد العلـــــي
الدحـــــــه ورث لاهلي
عليها رضايه وزعلـــــي
ماهي ياعين الموليــه
الدحه هذي دحتنــــــا
والناس تميز بحتنـــــا
ما اسفينا ولا تحتنــا
نتقنها ميه بالميـــــه
الدحه ماحرفنــــاهــــا
لنا بحنتها وغناهــــــا
نجيد ونفهم معناهـــا
دحتنا ماهي دحيه
نعرفها قبل الهواره
والدلعونه والمزمـــاره
والكمنجه والقيثــــاره
والحان الروك الغربيـــه
فيها من ريحة جدانــي
يعرفها القاصي والداني
تسوى يادان ويادانــي
والفيديو كليب وراعيه
09-09-2009, 02:08 AM
العرض الشجري