بسم الله الرحمن الرحيم
السلام عليكم ورحمة الله وبركاته
اليوم جايبه لكم قصيدة محزنه
لصاحب موقع عندما توفت زوجته .. الله يرحمها
قال فيها هذي الابيات.
...............................................
رشفة وهم فحة ظمأ نفحة هيام
احساس مدري بالشعر كيـف أقولـه
الله وكيلـك امـتـلأ صــدري الآم
من موتي الآخر سنيـن الطفولـه
دمعه أمل جفت على ارض الاوهـام
جفت قبـل كـف الثـرى لاتطولـه
دمعة ندم وآقفت على رمش الاحـلام
صمله شجاعه بخوف نفسٍ جفولـه
دمعة قهر سالت علـى خـد منظـام
اصدق من اللـي مايكّـذب رسولـه
جمرة سهر ترمد واذا جيـت آبنـام
شبت تقـول الويـل نـوّخ ذلولـه
قلت أنطِفي ماني على خبرك العـام
اصعب من اللي مستحيلـه حلولـه
واللى على خلقه فرض دين الاسـلام
ان الحزن في داخلـي صـار دولـه
من يوم ماتت كن ماقبلـي ايتـام
اشوف حلمي لكـن ازريـت أطولـه
اخطتني اسهـامٍ وصابتنـي اسهـام
قـولٍ يترجـم ماتمنـيـت قـولـه
ليثٍ ولد ليـثٍ ولـد حـر ضرغـام
والقول تلقـى شاهـده قبـل أقولـه
والله يالـولا حلـم بعيـون الايتـام
والوقت الاقشـر يحتوينـي ذهولـه
جيتك مثل ماصخر الشعـر الالهـام
أحساس شاعر مايجـي بالسهولـه
أن جيت اعاني من صواديف الايـام
ماجيت ابوصف طرف (سلمى وخوله)
وأن أصّـور بالقصايـد 100 عـام
ماجيـت أدوّر بالقصايـد عمـولـه
هذا أنا ميـت ظمـا وانـزف هيـام
ارقـى بحلمـي ويتّعثـر حصولـه
هذا أنا رغم احتظاري مـن اعـوام
مازلـت حـيٍٍ يستثيـرك مثـولـه
الشاعر طلال العازمى
27-08-2009, 07:45 PM
العرض العادي
