مــآآآعــــاد صــاروا يستحــون

[الناقدة]

بسم الله الرحمن الرحيم






الحمدلله والصلاة على اشرف المرسلين سيدنا محمد صلى الله عليه وسلم

اما بعد ::
هذه اول مشاركه لي في قسم ((القلم الحر))

ماجئت هنا الا لان خطواتي قادتني لها لكي اسطر لكم بعض الحقائق
بقلمي المتواضع المبتدأ...



>>ان لم تستحي فافعل ماشئت

بما اني طالبه فالجامعه حبيت اتكلم عن بعض الظواهر الشاذة اللي نشوفها هناك<<طبعا مو الكل

يعني لااحد يحكم ع كلامي اني قاعدة اعم عالكل بس انا ماكتبت هالموضوع الا لان قلبي معورني عليهم , ومااحب اشوفهم يستمروون على هالطريق اللي هم ماشين عليه والرسول صلى الله عليه وسلم يقول((لايؤمن احدكم حتى يحب لاخيه مايحب لنفسه ))



كل صبح اشوف اشكال عجيبه غريبه انصدم منهم بس يكسرون خاطري بنفس الوقت لما اشوفهم واقول بنفسي <<شلون رضوا ع عمرهم انهم يسون كذا
الله يهديهم بس.............



||مدخـــــــــــل||

كم بنت همها تغري الشباب ** تتبع الشيطان والرب تعصيه
الحلا لو ينكشف جاه الذباب ** ولـو يـقـدم مـحدن يـشتـهيـه





انا بحطها ع شكل اسأله وانتم لكم حريه الاجابه عليها <<ماراح اجاوب انا بخليكم انتوا اللي تحكمون


**ليش بعض البنات اذا طلعت من البيت لازم الميك اب يكون اوفر<<كنها توها طالعه من عرس ماكنها رايحه دوام؟؟
<<بصراحه هالسؤال محيرني حيل انا ابي افهم متى يلحقون يسون كل الوان قوس قوزح ع وجيهم اتوقع يقومون من الفجر!!!

**ليش بعض اللي يلبسون عبايات كتف لازم اخر العبايه مفتوح <<يعني ادرو ياناس اني لابسه بنطلون!! حي اللي تلبس بنطلون الموت من اللي يلبسون ليقنز!!!

**وليش البعض يحطون الشيله زينه ومنظر ونص الشعر طالع هذا اذا موكله <<يعني ادروا اني صابغه وشعري ناعم!!! <<قطي الشيله اريح

**ليش البعض اذا مريت عليهم ريحة العطر واصله لاخر الممر؟؟ <<والله ندري عطرش ماركه!!!

**ليش بعض المنقبات جزاهم الله خير يلبسون النقاب فتنه العيوون كلها طالع والجبه والخدوود؟؟ <<عن الحلال والحرام سترت الخشم والفم!!ولابعد اللحين بس صاروا يستروون الخشم!!النقاب يوصل لي حنجها!!

**ليش بعض البنات الله يصلحهم اذا دشوا الكليه على بو انه بنات قطو النقاب وعبايه الراس؟؟ <<ليش الدكتور مهوب رجال لاسمح الله!!!

**ليش البعض يلبسون الكعب طوله يكسر الظهر؟؟<<والله القصار يبيننون حتى لو لبسوا ايش !!!

**ليش بعض المحجبات الله يهديهم يلبسون البنطلون السكيني الضيق
والبلوزة ماشالله من طولها ووسعها بس تتحرك شوي بتنشق <<يمكن من كثر مايغسلونها كشت وصغرت!!!

**ليش البعض فالصيفي الله يصلحهم مايلبسون الا ميني جوب او شورتات؟؟<<ليش بس انتوا تحسون بالحر!!!


**ليش الاغلبيه يلبسون عبايات راس ووقفازات؟؟<<يعني هذيله يحافظون على بشرتهم والا شنو!!! ((طبعا هذا شي ايجابي

**ليش البعض لا مشوا فالممرات تسمع ضحكهم وسوالفهم لي اخر الممر ؟؟ <<ادروا اني اسولف!!!


**ليش قبل كنا نقوول ان هذا كله ابدا مستحيل يصير عندنا؟؟ <<شنو اللي تغير ووصلنا لها المرحله!!!


اقول اتقي الله يااختاه وراقبيه لتفوزي غدا بجنته

ورضاه,واجعلي بينك وبين الله عذاب جبار

السموات والارض وقايه,فالزمي اخيه حجابك الشرعي وحافظي عليه,فأنه والله , وتالله ,وبالله شرف عظيم لك وتاج قد البسك الله, وستر كساك الله اياه, فاحمدي الله واشكريه على هذا التفضيل والاصطفاء,فنساء العالم كثير, فلا تغتري بحلم الله عليك, ولا بالصحه التي وهبك اياها,فان الله يغار على نعمه, ويغضب اذا انتهكت محارمه,واعلمي انه عظيم قوي شديد الانتقام,فلاتبالي بكثرة الهالكات والساقطات والمستهترات والمستهزئات,
فهن لسن قدوة لك, انما قدوتك امهات المؤمنين , والصحابيات,فلاتتساهلي بحجابك,ولاتفرطي فيه,ولاتتنازلي عنه قدر انمله,فحجابك هو عبادة وقربه الى الله_جل جلاله.....

شمووع مضيئه::

1-فلا تلبسي العبــــــــــــــاءة على الكتفين
2-لاتلبسي العبــــــــاءة الضيقه ولا المطرزة
3-لاتلبسي الملابس الضيقه التي تصف حجم جسمك
4-احذري كشف وجهك او جزء منه لغير محارمك
5-احذري النقاب الواسع الفاتن , واللثام
6-احذري لبس البنطــال , والتشبه بالرجــال
7-احذري نمص الحواجب وكذلك الوشم<<لان بفعلها يطرد العبد من رحمه الله
8-احذري العمل مع الرجال , والاختلاط معهم
9-احذري جليسات السوء فهن سبب الضلال والضياع
10-احذري كثرة الخروج الى الاسواق , وليكن خروجك للاسواق للحاجه الماسه , وليكن معك احد محارمك ,ولاتخرجي مع السائق لوحدك , ولاتخرجي واتني متعطرة متبرجه سافرة, بل كوني مستترة ومحتشمة
11-احذري الكبر والاعجاب بالنفس
12-احذري اللباي الشبه عاري كالقصير والمفتوح من جوانبه , والذي ظهر انتشاره في الآونه الاخيرة في المناسبات وغيرها

**ولاتخادعي الله فانه يراك ومطلع عليك فاحذري انتقامه**ولاتجعلي الله اهون الناظرين اليك**

||مـــخـــرج||

اعلمي رحمك الله _ ان جمالك في حيائك , وعفتك , وحجابك , وسترك , ورجاحه عقلك....
واخيرا وليس اخرا وفقك الله لما يحب ويرضاه , وجعلك مباركه اينما كنت , ونفع الله بك الاسلام والمسلمين , وجعلك من نساء الجنه انشاء الله , ورزقك الفقه فالدين.....



قال الله تعالى((ولاتبرجن تبرج الجاهليه الاولى))

انا اقبل جميع الانتقادات من جميع الاعمار والفئات , بس جد هالموضوع محزني وانا ادري البعض اللحين يقول بناتنا والحمدالله ستيرات وهذا الشي مايصير عندنا<<معاكم حق لاني ماحب اظلم الكل والله ثم والله ان المكان اللي انا فيه والله العظيم الوحدة من الستر ماشالله <<الله يتم عليهم
ماتشوف منها حاجه بس تبين بؤبؤة عينها السوداء
يعني بالعكس في بنات واااجد مستترين <<بس انا اتكلم عن فئه معينه
وطبعا لكل قاعده شواذ

وموضوعي هذا ترى مايقتصر فئه معينه دون فئه ((يعني لاحد يقول اني قاصدة فئه فالمجتمع انا اتكلم عن الحال اللي اشوفه كل يوم

ترددت فالبدايه اني اكتب هالموضوع <<بس من اللي اشوفه الصراحه
احس بغيرة تجاة خواتي وضميري يحتم علي اني اتكلم.....




ملاحظه::
لاحظوا اني من البدايه وانا اتكلم عن البعض يعني مو الكل





لكـــــم احترامــي وخالـــص تحيــاتي

الــنــاقــــدة

[مغتـــــرب]

الله يصلح الحاااال


في ذا الزمن تشوف العجاااااااااايب


والله يستر على بنااااااااات المسلمين ويصلحهم ويهديهم



الناقده موضوعش قمه


لاهنتي والله يعطيش العافيه


تقبلي مروري

[صوت القلوب]

النــآقده وربي قلبي يوجعني لا شفت هالمناظر حولي

المشكله انهم يعمون علينا

بقولش موقف صار عندنا

جاتنا قبل فترة دااعيه أول ما جات بتتكلم بكت انصدمنا

قالت انا انصدمت فيكم

من كثر ما سمعت عنكم توقعت كلكم ملابسكم اي شي

وما فيه أحد مستتر

اللي صدمني ان اغلبكم متغطيات وغطاوي وكذا

وصلت في بعض البنات انهم يتحرشون بالدكاتره

والداعيه تقول انا جيت لأن الدكاتره يشتكون من تحرش البنات فيهم تخيلي !!

استغفر الله الله يهديهم بس

انتي تقرين افكاري وربي عندي موضوع جااااااااااهز من زمان بس ناقصه التنسيق عن اللي قلتيه

وكلنا ان شــآء الله هدفنا الإصلاح بإذن الله

الله يجزاش خير يارب

في ميزان حسناتش

[‏وَتـے ـيــنْ]

هالموضوع لو بنتكلم فيه للصبح ما راح نخلص

مع الأسف تعتقدين ليش وصلنا لــ هالحال ؟

ليش بناتنا وصلوا لــ هالمرحلة ؟؟

من رأيي انه أول شي قلة الوازع الديني عند البنت

ومثل ما قلتي صدق ما عاد يستحون ..!

طيب اذا البنت طايشة ، أهلها وين عنها ؟

ما يراقبون بناتهم ..ما يشوفونهم لما يطلعون شنو لابسين وشنو حاطين ؟

لا واللي يقهر تدرين شنو ؟

انه اذا بغيتي تنصحينهم كان الرد : مالج شغل ..

إنتي شكو ..

حرية شخصية .. ليش محترة إنتي ..!

ومن هالردود اللي لا تسمن ولا تغني من جوع

الناقدة

انا احيي غيرتش على خواتش

لو كل البنات نفسش كان الدنيا بخير صدقيني

تقبلي تحيات اختش

[نبراس المراجل]

السلام عليكم ورحمه الله وبركاته


الله يهديهم ويستر عليهم ,,,,


والله انا اشكرش يااختي ((الناقذه))ولاهنتي على الموضووووع الي اكثر من راااائع ,,,,

والله انش صادقه واذا بنتكلم علىهم بنقعد لي بكره ,,,, الله يهديهم ويصلح بالهم ,,,,

تحيــــــــــــااااتـــــــــــي
تقبلي مروري

[الغرياف]

الله يجزاك خير

مع احترامي لراي الجميع لكن ارجو عدم التعميم في عباية الكتف اذا كانت واسعه وبدون زينه ماهي حرام ياما من وحده عباية راس وقفازات وعبايتها وربي كنها فستان هالحركة شفتها عندنا وعنكم

الرقابة الذاتيه اقوى من رقابة الاهل اعرف بنات تطلع من عند اهلها بشكل وتشوفينها برى بشكل شنطتها مليانه مكياج وعدسات وعطور

وكيس فيه بنطلون وعباية!!!!!!!!!


كل ممنوع مرغوب لانه انجبرو على الحشمة بدون اقتناع لانهم قالو لهم تسترو عيب ماقالو حرام وما يجوز

لو زرعت فينا وزرعنا في الاجيال الجايه القناعة والرقابة الذاتيه كان ماشفت ولا شفتو هالاشكال

نسأل الله العافيه ونقول عسى الله يثبتنا ويعينا على انفسنا ودائما يرجى الخير من جميع بنات المسلمين دامهم يشهدون بشهادة الحق (اسال الله الهداية لي ولكم ولجميع بنات المسلمين)

[@بنت العز ما تنهز@]

تصفيق حاااااااااااااار مني لش

ابداع ابداع يالناقدة وماهو غريب عليش هالغيرة لخواتش فالله
دوم تحبين لغيرش مثل ما تحبين لنفسش
وعسى الله يكتب لش الاجر انشالله..

وانا اؤيد بعض ماقالتة اختي الغرياف
اللي هو الرقابة الذاتية هذي اهم شي بالموضوع كلة
لو انعدمت لو يربطون البنت بسلاسل بتسوي اللي في راسها !!!
هذي شغلة


والشغلة الثانية
البنت تضيق او تعصب وتسوي لجة اذا تعرضت للمعاكسات طيب انتي اللي جبتي لنفسش هذا الشي
لية مسوية كل هالاغراءت بنفسش وما تبين احد يتعرضلش .. مستحيل ..



وما اقول الا عسى الله يهديني ويهدي جميع خواتي المسلمات

ولش جزيل الشكر يالناقدة على هالموضوع الرائع

واصلي مواضيعش الرائعة ولا ترددين
لش متابعينش

[الظبيه العنزي]

الناقده موضوعج يذكرنا بأخطائنا السابقه وحتى الحاليه منها.......انا واحده لاأنكر ان لي بعض الهفوات في ما ذكرتي ,,,وأسأل الله العفو والعافيه فهو الرحمن الرحيم..,



شكرا نقووود على التنبيه

[Her Majesty]

والله كلامش صح و ياليت بعض البنات يقرونه و يتوبون لله

جزاش الله خير , والله يجعله بموازين اعمالش

شكرا

[راعي المشعاب]

سمعت مقوله من أحد كبار السن لازال صداها يرن في أذني
قال : ( الزمن يتغير .. ولكن الحياء هو هو لا يتغير )

والقصد من الكلام السابق أننا لو نظرنا إلى حياة الفتاه في السابق لوجدناها
أفضل حالا وستراً منها في هذا الزمن .. وليس الفتاه فقط بل الشباب ايضاً .

وهذه الأخطاء تكون متعمده من غير قصد
وما راح اشرح أكثر لأنها واضحه واللبيب بالإشارة يفهم .

الناقده
موضوع هادف ورائع بارك الله فيكِ ووقاكِ من النار