الأمل ...شايب ضريرٍ متعبه هز الصميــــل //

[المديونير 23]

نور خافت والدرايش فاتحه والوقت ليـل=والهواء يلعب على اطراف الستاير لعبتـه
والقلم بين الاصابع يرتجف مافيـه حيـل=كيف يجمع من شتات انسان ضاع بسبته
كان يعزف والسطور اوتار والدفتر شليل=شايب(ن)ربعه قصيد وراس بنـدر شبتـه
كان مثل المويه اللي ذوبت في البن هيـل=فوحت ريـح المعانـي والدفاتـر صبتـه
كان بيزا في عيونه واقف ولا فيـه ميـل=من طموحه لـو ينـادي للمقابـر لبتـه
الامل عنده صلاح الدين والهاجوس خيل=يطعن برمحه على صـدر الزمـان وثبتـه
كن كسرى في زمانه يلتجي عنده دخيل=ونار ماجوسه شموع(ن)تحترق في رغبتـه
ومن بعد ذاك المكان اللي ملى دربه صهيل=شوفه اول من تساهل في طعونه حربتـه
مابقى بوجه الطموح الا حفر وآثار سيل=راح يربط في طعونه مابقى مـن جبتـه
والامل شايب ضرير(ن)متعبه هز الصميل=كل ماضاقت عليه تضمه اقصـى غربتـه
ياوجوده وجد من ضاع لبرائتهـم دليـل=وياوجوده كل ماشاف السعـاده كبتـه
ضاع مابين امه اللي جابته من بعد ويـل=وامه اللي بعدها حنـت عليـه وربتـه
نبش جروح القصايد مابقى غير القليـل=وانتبه من بعد غفله يوم ضاقـت كربتـه
نور طافي والدرايش قفلت وقـت المقيـل=والهواء خلى الستايـر ساكنـه ومثبتـه

[^فتي الوادي المطنوخ^]

حلوة يالمديونير 23



لاهنت

[ali777]

لااااااااااااااااااااااااااهنت والله

[المديونير 23]

المشاركة الأصلية كتبت بواسطة ^فتي الوادي المطنوخ^

حلوة يالمديونير 23



لاهنت

حلت ايامك يالمطنوخ

[المديونير 23]

ولا انت ياعلي 777