ماذا قدمت لنا ياعبدالله البرغش؟؟واين وعودك؟

[راكان الفارس]

السلام عليكم ورحمة الله وبركاته....



عجمي صريح


بما انها مشاركتك الأولي...وهذا وقتها لأنها وقت أنتخابات..وهذا حقك بالمشاركه...

لكن كنت اتمني أن يكون كلامك كأسمك وهو الصراحه...وخلنا نستوضح بعض الأمور منك

خصوصا من يدخل هنا بمشاركات جديده...ويكتب مايكتب لأجل مصلحه أبعد ماتكون من الحرص

علي توحيد الكلمه..والصف..وحسن النوايا..فهي تدخل بباب............الله أعلم فيه...ونستدل بها

من خلال كلامك...ومادام ذكرت أسم الأخ عبدالله البرغش..كشخصية عامه...وانتقدته..سوف

نوضح الصوره ووضع النقط علي الحروف..لبعض الأقلام الجديده..التي لاتعرف هذا المنتدي...الا

بهذا السلوك....

ارجو من لخوان ان يفهمو صلب الموضوع وهناك شعار يردده الكثير من بعض من يجهل في امور لنتخابات

وهو استجواب رئيس مجلس الوزراء .... الم يقدم الاستجواب النائب هايف المطيرى

أنا واحد ممن اطلقت عليهم الأخوان فهمت صلب الموضوع..وهو ضرب عبدالله البرغش بالانتخابات

والشعار الذي يردده الكثير...وهم يجهلون..فكيف بالقليل الذين يعرفون...يعني كثير يردد هالكلام

ومقتنعين فيه...لكنهم جهله..بأمور الأنتخابات..وانت يالقليل..اللي تفهم وتدرك وتعلم..شنو

هالمنطق..وشنو وجهة هالنظر..أحترم عقول الكثير...وقناعاتهم...وأسئل نفسك ليش هم كثير؟؟؟

ومادامك تفهم بأمور الأنتخابات..ترا مو بس محمد هايف المطيري..ولي الشرف كعجمي ان انتخبه

بالرابعه...هناك وليد الطبطبائي...يشاركه بالأستجواب...

الم يذكر النائب عبدالله البرغش انه تمني ان يكون من الموقعين عليه وبعد انسحاب المقدم الثالث دخل عبدالله برغش ....؟ السؤل هناماذا حصل بعد ذلك ...؟

قدمة الحكومه استقالتها.....وبعد ... ظهر لنا النائب عبد الله البرغش يثني على رئيس مجلس الوزارء ويمدح فيه ويثني عليه ويعتبره رجل دوله من الطراز الاول .....مالذي حدث.....؟؟؟وبعدها رجع مقدمين الاستجواب في تقديم استجوابهم...؟هل هناك من يناقض نفسه ام هو التيار الذي بدي بتحريكه يمين شمال شمال يمين ...الم ينطوى فى بدت دخوله تحت عبأة خالد السلطان ...ماذا حصل من خالد السلطان بعد ذلك في قضية القروض.....هناك من يتأأرجح ...لو رااجع كل منكم هذه الاحداث بقليل من التفكير لعلم ان صاحبنا المصون لاايتحرك وفق هواه ولكن هناك من يسيره

أيه ذكر انه يتمني أن يكون من الموقعين..والتزم..بكلامه...وثبت علي موقفه..بعد الأستقاله لسمو

الأمير.الحق بتسمية رئيس مجلس الوزراء..وعبدالله البرغش...ومحمد هايف...ووليد الطبطبائي

أصدروا بيان بأن عودة ناصر المحمد هو ألتفاف علي مادة الأستجواب..والدستور..ومشروع تأزيم

لكن بالمناسبه بما أنك صريح...وعبدالله البرغش..اتخذ هالموقف..أنسجاما مع قناعاته...

بغيت أسئلك...الأخوان الأثنين..من العجمان...شنو كان موقفهم من الأستجواب...وشنو سووا

ومن أستجواب المليفي..أتمني تكون صراحتك عليهم...مثل صراحتك علي عبدالله البرغش

لأني انا من الكثير اللي نجهل الأنتخابات..وأنت من القليل..اللي يعرفونها...وبهالمقال اللي كتبته

صدقت..حنا نجهل امور الأنتخابات اللي أنت تعرفها؟؟؟؟؟؟؟؟؟؟؟؟؟؟


أما التيار..وكلامك عنه...والله صراحه..أشكرك لزرعك الأبتسامه علي وجهي..شلون يحركه وتياره

واقف مع رئيس الحكومه...وتصاريحهم ضد المستجوبين..وخالد بن عيسي بالذات أكثر واحد

هاجمهم..ويكفينا كلمته لما قال المستجوبين وحدهم يتحملون المسؤوليه...وبالمناسبه

شلون يحركه يمين ويسار..وعلي العمير ومحمد الكندري...مصوتين علي رفع الحصانه عن عبدالله

البرغش..فسرها لي..ولا يمكن أحنا ااكثير اللي نجهل...وان هالكلام موصحيح..وأن التصويت

اللي صار بالمجلس..عشان يكذبون علينا احنا الكثير...؟؟؟؟؟؟؟

وليش عبدالله البرغش يتحمل موقف خالد بن عيسي من القروض..هذا نائب وله رأيه...

وأذا كان ترا خالد بن عيسي..صوت مع أزالة الدواوين..أكيد ان عبدالله البرغش يتحمل هالذنب

حسب منطقك...خالد بن عيسي مساهم بشركة تبيع خمور ولحم خنزير بلبنان..أكيد أن

عبدالله البرغش..يتحمل الذنب..لأنه عبدالله البرغش فقط..فليحمل كل الرزايا...دامه سلفي

خلنا نحمله..كل ذنوب من يحمل هويه سلفيه...نسيت لاتقول أن تصويتات أحمد باقر يوم

كان عضو يتحملها عبدالله البرغش..وهو المذنب..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أتمني ان لايكون التجني..وهوي النفس..هو مقياسك لهذا الأمر..لأني من الكثير اللي يجهل

التجني..والعنصريه المقيته...وهوي النفس...وعدم الأنصاف؟؟؟؟؟؟؟؟؟؟؟؟؟؟؟؟؟؟

- وعد النائب عبدالله برغش بمسأألة وزير الداخليه على ماحصل من مداهمات وافراط في استعمال القوه واحداث الفرعيات...السؤل هنا اين ذهبت وعود عبدالله البرغش

لم تذهب وعوده...أسقطت عنه الحصانه..يوم غيره تمتع فيها...أستجواب المليفي...وأستجوابه

يوم غيره..راح أجتماع الخرافي..عشان يضرب الدستور..وراح لسمو الأمير..تسمع صوته..بالمواقف

يوم غيره..لاذكر..ولاصوت..يجيك صوته الحر الشجاع بأول الهييه..والموقف..وغيره..لاطارت الطيور

انطلق صوته..وصوت ضعيف...وعاجز...وبعدين أذا احداث الصباحيه شي كبير بنفسك..من دون

وعود عبدالله البرغش..غيره بالدائره 9..أثنين منهم عجمان..وينهم عن هالامر الكبير..ولا هم ينطرون

من عبدالله البرغش...وهذا دليل...علي ان الـ9...مايتجرؤن...علي هالشي..مع الأحترام

وكلامك..دليل ضمني علي أن عبدالله البرغش..قادر أنه يفعلها...


-

اين موقف عبدالله البرغش من تجااوزات البدر الذي وعد وعد فى نداوته ان يفعل ويفعل

لم اراى من النائب انه حريص بتقديم استجواب لوزير البلديه او فرق الازاله بل كأن الامر لم يعد يعنيه

والله صراحه..شي عجيب...عبدالله البرغش..أوضح موقف..بهذه المسألة بالذات..وارجع لموقع

أي صحيفه كويتيه..لتري تصاريحه بها من هذ القضيه..وأستغرب منك..كيف وأنت من القليل اللي

يعرف امور الأنتخابات..ماتعرف هالشي..واحنا الكثير اللي نجهل..عرفنا وسمعنا وشفنا....عجييييب

-عبد الله البرغش لماذا لم تتقدم بستجواب لوزيرة التربيه التى حدث في وقت جلوسك علي الكرسي خمس عمليات اغتصاب في المدارس ؟

والله مو عبدالله البرغش...سوبرمان كل شي عبدالله البرغش..ليش والبشوات اللي موجودين

معاه بالدائره شفيهم...ولا مازالوا يمارسون حق الوكاله بالسكوت...بصراحه كلامك انا اؤيدك فيه

لأن كلامك يؤكد لثاني مره..أن الدائره الخامسه بأكملها..هي عبدالله البرغش..مع الأحترام

ولازم صراحه نسنسخ منه..9 غيره بالدائره..واذا ممكن نبي 3 أو 4 عندنا بالرابعه...لأنك توجه له

كل امر..وهذا معناه انه واضح وبارز..وكاشف عن راسه..ماهو مختفي..ولابس قناع..متخاذل..

ولأن يقدر يفعل..ويتحمل الكلفه السياسيه لمبادئه..وغيره لامبدئ...ولاحضور..ولا أهميه..

وجوده وعدم وجوده واحد...

4-لماذا الغياب عن تحديد جدول للجان في وضع الاولوات في مسألة القروض لماذا غاب العضو مع بقيت الاعضاء. .... طبعن قيل لى انه كان في وفد خار ج البلاد وهذا كلام مرفوض اعتقد انهو يوجد لديك علم مسبق في هذه الامور وامر القروض يهم شريحه كبيره من المواطنين؟

أحنا الكثير اللي نجهل امور الأنتخابات..نقول للقليل..اللي يعرفون امور الأنتخابات..أن الأولويات

يحددها مكتب المجلس..ومن ضمنهم بعض الوزراء..واتحداك...اتحداك..ان يكون عبدالله البرغش

غادر خارج البلاد بوفد وبصفته النيابيه...شوف غيرهالسالفه تتجني فيها علي أبن عمك...

أما اللجان..ياللي تعرف أمور الأنتخابات...فالدور الأول لم يشارك بأي لجنة...والدور الثاني

يترأس لجنة الداخليه والدفاع...وهذا تقدير كبير له من زملاءه..ولجنة العرائض والشكاوي

والتي تنازل بدوره لأبن عمه...محمد العبيد..ولجنة البيئه...

أما القروض..فالتاريخ الي تكلمنا عنه امس..يعني عايشينه..فأحترم شوي عقولنا..ممكن...

وقع علي طلب جلسه خاصه للقروض...صوت مع شراء المديونيات..وهذا الكلام..دامك تعرف

أمور الأنتخابات...أسئل معارفك القليل..بمجلس الأمه..او أدخل قوقل الله لايهينك...وشوف موقع

مجلس الأمه الكويتي...لكن..أنت ماتبي..لأنك من القليل اللي يعرفون..واحنا الكثير اللي يجهل؟؟؟




-

هذا سؤل من ابناء القبيله لماذا عدم الرد علي اتصالتهم وكثير منهم يقول عبدالله البرغش وصل الي الكرسي واصبح يتجاهل اتصالات ابناء القبيله وكأنهم ليس لهم فضل عليه بشي وبدا يبني له قاعده من السلف داخل المنطقه....مع العلم هناك من الاعضاء معك عند الاتصال عليهم فى اى وقت نجد رد وانت يا اخ عبدالله يتم عليك الاتصال لمدة اسبوع كامل متتاالي وبعث مسجاات استغاثه ولا حياة لمن تناادي.....هل اكتفيت ام تر ا ان الحاجه منهم قد انقضت

ماشاء الله...أبناء القبيله..كلهم...يا ماشاء الله..وقالولك هذا سؤالهم..؟؟؟؟

بس أي أبناء قبيله...الكثير اللي يجهل..ولا القليل اللي معاك ويفهم...وما ألومهم..اذا كانوا من الكثير

ووجهوا لك السؤال..لأنك من القليل اللي يفهم...وقادر علي أنك تسمع أبناء القبيله..كلهم!!!!!!!!!

أسطوانه مشروخه...لضرب أبن عم...يالبئس المسلك...لعظيم التجني...عنده ديوانيه كل احد ترا..


-

ماذا قدمة الابناء القبيله من خدمات.......مع العلم انك قدمة لمن هم خارج القبيله الكثير من العلاج في الخارج والتوضيف.......وانت تعلم بذلك...؟

صراحه انت ظاهره...نفس ناصر الدويله ماكان ظاهره..بس الحمدلله ان ناصر الدويله قص الحق

من نفسه وأعتزل..؟؟؟

أذا ماتعرف شنو قدم لأبناء القبيله..شدراك عن اللي قدمه لخارج القبيله..خصوصا بالعلاج

والتوظيف؟؟؟؟؟؟

أنت منت من القليل اللي يفهم...شلون مافهمت خدمته لأبناء القبيله..وفهمت خدمته لغير

أبناء القبيله؟؟؟؟

أفدنا جزاك الله خير..ترا انا من الكثيرين اللي يجهلون بأمر الأنتخابات اللي أنت تعرفها..وهذا فضل من

الله..ويزيدنا جهل أن شاء الله..؟؟؟؟؟

ارجو الاجابه بشكل وافي وارجو من من اراد الرد ان يكون له رد مقنع ولا تكون مجرد تطبيل او مهاترات

والله حنا جاوبناك..بالرد المقنع..اللي أستشعر..أنك بعيد عنه...لأمر خاص فيك..ولايلزمنا...

أما التطبيل والمهاترات...فأرجوا ان تقرأ مقالك..خصوصا انها المشاركه الأولي..اذا فيها هالصفتيين

ولا لا...خصوصا أنك من القليل اللي يفهم...ماشاء الله...

فمن قال لي انهو مقفل عليه من المعاملات فهو واهم فالمتعارف لدى الكل اى عضو معارض تفتح الابواب امامه حتى يتم تسكيته وكذلك نرجع للعضو مسلم البراك وكلنا يعرف موقفه وينجز الكثير خارج وداخل دائرته وقبله النائب وليد الجرى وغيرهم الكثير

الحمدلله...يافرج الله..سبحانك..يارب..أخيرا..هناك اعتراف..بأن عبدالله البرغش معارض..شلون

فهمت انه معارض..شنو المواقف الي خلته بنظرك معارض...فهمنا حنا الكثير اللي نجهل...

واذا كان بالطريقه هذه لأنه معارض يسكتونه بفتح البيبان..ليش غيره مايصير مثله..بدال ماهو

ساكت..ولا متخاذل..ويفتحون لهم الأبواب؟؟؟؟؟؟؟

ولا هم لهم شأن ثاني غير شأن عبدالله البرغش..ياسبحان الله..كيف تحكمون..ألا ساء ماتحكمون


عموما..هذه مشاركتك الأولي..وماكان لك قسم بالأسم الي اخترته..من الصراحه..أنك تتعرض

ولد عمك..بهالطريقه..والتجني الواضح..ويكفيه منك ومن غيرك..انه هو الوحيد اللي يذكر..من الأعضاء

لأن الناس محبين ومبغضين..يذكرون الفرسان بس..ولا يعرفون غيرهم...وهذه شهاده لأبن برغش

ولايضيره..كلامك...أو حتي كلامي..لأنه كاسب النوماس...والعلم الغانم..لأنه طبع فيه.ماتصنعه...

بالنهايه..أتمني ..وهي اماني..انك تكون مقتنع..ولا تدش علينا بنك ثاني تطعن بولد عمك بهالطريقه

..والله سبحانه..يقول(ستكتب شهادتهم ويسألون)..اللهم أحسن شهادتنا عندك..وأغفر لنا....