قصة وقصيدة للجيرة الحسنة بين السبيعي والشدّادي

[راعي البل]

الشيخ سعد بن قطنان المرغاني السبيعي أمير المراغين من الزكور من سبيع الغلباء وخواله هم آل قرمله شيوخ قبيلة قحطان العزيزة ويعتبر من رموز الكرم والسخاء في قبيلة سبيع وأحد مشاهير كرماء العرب وفرسانهم

له قصة مع قبيلة الشدادين من بني الحارث وأميرهم/ مبارك بن مهرس حيث تجاوروا في إحدى السنين وكانوا على طيب ونقاء وعلوم رجال وعندما رحلوا جيرانه الشدادين قال فيهم هذه القصيدة

وا جـاري اللـي كـل يــوم ٍ جـديـدي=ولا كثـر حسوفـه علـى فايـت ٍ فــات
راعـي دلال ٍ مــا شغلـهـا الزهـيـدي=ونجر ٍ لأهل عوص النضاء يرمي الأصوات
أبـو سعـد حـامـي عـقـاب البلـيـدي=زبـن القحـوم الجاذيـه فـي المـثـارات
خيّـال شـول ٍ مـا يكفـكـف رديــدي=وأليا أعتزى مـن دونهـا راحـوا اشتـات
يـا ربعنـا شـوف الشـداديـن عـيـدي=وظعونهم لا اقفـت يجـي القلـب حسّـات
ويـا طـي قلـبـي طيّـهـم للشـديـدي=والبيـض فــي غبطانـهـن امخبـيّـات
يـبـون بــرّاق ٍ مـزونـه بـعـيـدي=يرعونهـا فـي شـف لـقـح ٍ وخلـفـات
وألهـم علـى النقيـان رسـم ووعـيـدي=وميرادهـم عــد ٍ هضـابـه منيـفـات
وأنـا مـع الغلـبـا كـعـام الضـديـدي=نتـبـع مشاهيـنـا بلـيـا خـســارات
علـى النقـاء الـوضّـاح والله شهـيـدي=وكـل ٍ يبـا يلقـى حسابـه ليـا مــات
ودقلاتـنـا منـهـا يلـيـن الـحـديـدي=مثل النهـار اللـي غطـى خشـم أبانـات
ياليـت قلبـي مــن همـومـه يهـيـدي=ويـا مرحبـا يـا دبـرة الله ليـا جــات