اجيك شامخ وشوقي تفضحـه عينـي ~~ واصوم عنّك ودمعي يجرح صيامـي ... ( حبيبتي )

[سالم العظيمان]

الســـلام عليـــكم ..!!


هذه إطلاله جديده ...

واتمنى ان تنال استحسان ذائقتكم .. .. ..

حبيبتـي ويـن ماتبغيـن وديـنـي=يا اغلى مكاسيب حظي واجمل ايامي
حبك بقلبي ويجـري فـي شرايينـي=وخيالـك منيـن ماوجهـت قدامـي
وديني هنـاك ولا هنـاك وانسينـي=بس اذكريني وزوريني مع احلامـي
وروحي وشوفي انا وينـي وجيبينـي=وخلي مقـام المحبـه بيننـا سامـي
مـدري اغنّيـك ولا انتـي تغنينـي=مدري يطوّل غيابك او كـذا هيامـي
اشبّهـك لاقسيـتـي واستبحتيـنـي=بالقايـد البعثـي المخلـوع صدامـي
واشبهـك لاولهتـي لـي وجيتينـي=بأعذوبة اروع قصايد فيصل اليامـي
انتـي كتبتينـي جـروح وقريتينـي=واهيم في كل وادي وانتـي اللهامـي
ياكبر حجـم العلاقـه بينـك وبينـي=تزعل على شانك اوراقي من اقلامي
اظما وبعد الظما وينك وانـا وينـي=العد عـدك وذودي صوبـك حيامـي
يمكن اكابـر كـذا وانتـي تظنينـي=اقدر اخليك وارحل والغـي ارقامـي
بس الحقيقه ياليـت انـك تشوفينـي=وانا اتخيل بدونـك جرحـي الدامـي
اجيك شامخ وشوقي تفضحـه عينـي=واصوم عنّك ودمعي يجرح صيامـي
ياما ويامـا حلفتـي انـك تحبينـي=وياما وياما رفعتـي رايـة اعدامـي
كنّـك تداويـن قلبـك لاجرحتينـي=ويرضي غرورك شقاي وعنوة اقدامي
غرورك وكبريائك مـا اثـرو فينـي=الشوق نامي وحبـك داخلـي نامـي
تقسيـن ايـه ولكـن ماتركتيـنـي=اجيك ظامي واعـود مانـي بظامـي
تدرين لو بتركـك ماعـاد يمدينـي=صرتي معي في الحياه مرافق ألزامي
لاصار عقلي بيدينك ويـش بيدينـي=لدي النظر لي وداوي باقـي ألآمـي
وغمي عدوينـك وغمـي عدوينـي=وجيبي اعلامك ورزّيها مع اعلامـي

وسلامتكم ....

وفي الختام تقبلوا ودي وفائق احترامي .. !!