كيف تخبر زوجتك بزواجك الجديد؟

[واثق]

قرأت في أحد المنتديات سؤالا يقول فيه كاتبه:
كيف تخبر زوجتك بنيتك في الزواج من امرأة أخرى؟ وما الطريقة الأمثل لإخبارها بأقل النتائج سوءا (طبعا هناك تبعات سيئة ولكن كيف تقلل منها)؟

أرجو من الجميع المشاركة, أما أخواتنا فسنستفيد منهن في معرفة ذلك, إضافة إلى شعورهن والكلمات تتابع من فم الزوج حول هذا الموضوع.

السؤال موجه إلى العزاب أيضا, ولذا عليهن أن يتخيلوا الموقف ويتقمصوا شخصية الزوج الذي قرر إعادة الكرة مرة أخرى ولو للحظات.

[غنواوى]

اقولها ديننا حلل اربع تجين انتى تقولين مو عاجبش

واذا هالرد مو عاجبها هذا شى ثانى

[كويتيه]

انا اولله لي قالي بيتزوج.. و انا كنت مقصره بحقه.. بسكت عشان مالي حق اعترض.. بس لي كان بيتزوج علي وانا مو مقصره بشي.. كيفه خل يتزوج.. بس انا ماا اقعد عنده.. مستحيييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييل







من بعد اذنك بنقل الموضوع لديوان الاسره و المجتمع..

[اطياف الماضي]

مهما كانت طريقتة في نقل الخبر لي

بقوله عادي الله يوفقك

مالك الا من يرقص على عرسك بس الله لايهينك تطلقني قبل تعقد عليها

من باعنا بعناه


يعطيك العافية اخوي

[ابوتركى]

ابلغها وااقول ان الواحد اذا تزوج يكمل نص دينه

واذا اخذ الثانيه يكمل دينه كله


بالعكس الموضوع عادى والمره العاقله والفاهمه واللى تحب لزوجها الخير

تكون راضيه بالشى هذا واذا مارضت عاد كيفها تزعل وعقبها ترضى

واذا مارضت ماتشوف شر بعد الشرع بغيرونه اى والله


لك الشكر اخى

[فيصل بن حجرف]

السلام عليكم

موضوع جميل اخي الواثق
نفهم من موضوعك انك ناوي ومتردد يعني؟

على العموم بما اني مازلت عزابي لكن بحاول اتخيل الوضع واعتقد لو كنت مو مقصر معاها ومعاملها معاملة حسنة مالها اي درب واعتقد راح اقولها اني ناوي اتزوج وهذي سنة الحياة والاسلام حلل لنا اربع

بس انا لفت نضري كلام الاخوات اللي يقولون بنطلب الطلاق,, يعني حنا في وقتنا البنات تارسين البيوت والمطلقات اكثر والعوانس واجد بعد ومع ذلك زوجك ماعمل عملة تستاهل انج تطلبين الطلاق

[كويتيه]

انتوا دكتاتوريين وايد والله.. زين اذا انا مو مقصره بشي كلش ليش يتزوج علي؟؟؟؟؟؟؟.. ماله حق اصلا ماله ويه يقولي بتزوج..
و لو يبي يتزوج على قوله اطياف من باعناا بعناه.. .. مو شرط زوج.. اللي مايبيني ما ابيه والله ابيعه لا ما ابيعه اهديه بلاش .. ولا افكر ارجعله.. ..

[اطياف الماضي]

ووووه كويتية لبى كلتتتتتتتس والله ماعليك منهم

هم يتكلمون من فراغ

[نوف اليوسف]

كويتيه
اطياف الماضي
ليش زعلانات منهم ؟؟

خلو اللي يبي يتزوج يتزوج ..
عادي
عادي

على قولت كويتيه من باعنا مو مبايعينه راح نهديه بلاش

[واثق]

غنواوي, كويتية, أطياف الماضي, أبو تركي, العجمان, ونوف اليوسف شكرا للمرور والتفاعل وما قصرتوا.

كنت أجزم بأن هذا الموضع سيثير البعض خاصة أخواتنا, ورغم أن الموضوع حساس إلا أنني كنت أتوقع وجود ردود ساخرة ومضحكة.

الأخ العجمان: تصدق ما أخرني في الرد على تفاعلكم إلا أني كل ما جيت أبفتح الجهاز إلا المرة بجنبي.
طبعا ما لها تصريفه إلا أتصفح الجرائد اليومية عبر النت