الشيب ياخالد بدا قبل حلّه ((( فلاح بن راكان )))

[محمد أبو زيد]

قصيده للأمير فلاح بن راكان رحمه الله

الشيب ياخالد بدا قبل حله = فإن كان ذا كبرٍ فلاني بجزاع
مدري بلاه مفارق الخل خله = ولا البنادق يوم ناتي لها انصاع
ياما نطحنا من جموعٍ امظله = وياما عشقنا من حسينات الاقناع
وياما خذينا دق ذودٍ وجله = ماعاد ينفع فيه صايح وفزاع
تشعاه قومٍ صبّحت منزلٍ له = مثل السباع اللي مضاريم واجياع
ولحقوا هل البل مانوونا بذله = على ظهور مجاذبت كل مصراع
وقدها ورانا واحتما الهوش كله = ثم اعترض بالسوق شاري وبياع
وردوا بني عمي بخلٍ وسله = ترجف حوافرها ويرجف بها القاع
اليا اقبلت كنها القنوف المظله = ولا زعزعوا مرزوق ياتنك ارياع
ترمى الجنايز مثل رمي الاجله = يشبع بها ذيب الدويّه ليا جاع
اقفا كبير القوم كونه يشله = اما قدم ولا صويبٍ ومرتاع
من ضرب ربعٍ للمقاتل امدله = عجمان لامنّه وقف عابر الصاع
نواسة الحربي ليا شان دله = لينه يجي عقب الصعاطير مطواع
خصيمنا جمعه غدا فيه خله = لاهو ب للجه ولاهو ب للقاع
حربٍ مشينابه على كل مله = بفرنجيٍ ضربه يجي له تنيزاع
وان بكّر الوسمي بحسب الاهله = نرعى الخطر غصبٍ على كل طماع
حريبنا يقفي وكبده مغله = اليا ذكرنا في حلا النوم يرتاع
واليا عقد عقدٍ لزومٍ نحله = واليا ذرع ذرعٍ جزيناه بالباع
وان صاح صياحٍ على راس تله = جينا على قبٍ سريعات الافزاع
والطير الابرق ماينجيه ذله = لاجاه حرٍ لابرق الريش شلاّع
ونستاهل الفنجال لامال ظله = في دلةٍ يعبالها خمسة انواع
في مجلسٍ راعي الشرف مايمله = وسوالفٍ يطرب لها كل سمّاع
ونارٍ تواقد ماحطبها بجله = ونجرٍ يصوت كنّه الذيب لاجاع
هذي طراة الروح من قبل حله = والاجل ماله غير مولاه دفّاع
مع لابةٍ تسقي العدا كاس عله = لبّاسة الجوخ المشكل والادراع
وان عاش راسي والسعد مقبلٍ له = اني لافضويهم على كل الاسناع
اعزهم وادمح لهم كل زله = عزي وزرعي لاحصد كل زرّاع
وكلٍ على فعله لسانه يدله = وقولٍ بلا فعلٍ مثل ضايعٍ ضاع
وصلاة ربي عد وبلٍ يهله = على نبيٍ للمخاليق شفّاع

وسلمتـــــــــــــــوووا

[ابوتركى]

ياااسلام عليك على الاختيار الجميل

سلمت يمينك اخى شديد الباس

[هند]

الله يسلمك

إختيار رائع ياشديد الباس



لك تقديري
السؤدد

[حبيب]

لاهنت ياشديد الباس

اختيار موفق

تحياتي

[محمد أبو زيد]

ابو تركي حياك الله

ويمينك سالمه , ولاهنت على المرور

[محمد أبو زيد]

مرحبا يالسؤدد


سلمتي , ولاهنتي على المرور

[حسايف]

الله الله

صح لسانك ولاهنت

وننتظر جديدك

تحياتي

[محمد أبو زيد]

مرحبا بك ياحبيب

وانت ماتهون , واشكرك على المرور

[محمد أبو زيد]

ارحب ياحسايف

صح ابدنك , ولاهنت على المرور

[ابوحمد الشامري]

لا هنت يا الجزل على الاختيار الجزل صح لسانك يا السنافي وهاذي القصيدة قيلت بعد معركة الوفرة وانتصار العجمان على قبيلة مطير وقحطان يوم نزلوا على ماء الوفره وهو تابع للعجمان.

ابوحمد الشامري