هذه قصيده بين الشاعر الكبير لفى الهفتاء والشاعرالكبير مانع بن شلحاط

[مري كووول]

لفى الهفتا

يا هجوسي نفّدي جزل المعان وصرّي><لين ما تدبح لي خْيول الكلام الوافي

يوم أبو تمّام عوّد بالزمان مْعرّي><أجمعوا كل الملا ساعة حصل يا كافي

شفت (إبن شلحاط) عبر العيلمان الدُرّي><مقتدي عادي كذا بمعمّر القذافي

ساعةٍ ما قال لا رايم ولا متبرّي><عن ظلال الشجرة اللي تتعب الخرّافي

الله الله . يا مدوّر للمزاج البرّي><لا تقول إنك تواكب عالم النسكافي

شر قلبي صدق واللي عاد زوّد شرّي><كلمةٍ وش لون جت ضمن الجواب الشافي

ليت بن شلحاط عن بعض الحكي مدّرّي><ما طلع به عن مجال الغي والغريافي

كيف يدخل عالم الذرّة ولا هو ذرّي><شاعرً لأرض الشعر عدّه سحابة قافي

ينحسب مع راشدٍ والغيهبان المرّي><كوكبه خارج حدود الموقع الجغرافي

يسبح بحور القصيد وفي وغاه يكرّي><عمدة العجمان وقت القاف والميقافي

ما يجيب إلا القصيد الباذخ المتورّي><ينقشه نقش الذهب فوق الحرير الصافي

خابره هاجم قصيد العالم المجترّي><إحتمى الموروث عن سيف الكلام الهافي

يوم قال : الله يرحمني ولله درّي><إنتهض تكفى يا مانع كسّروا مجدافي

قلت والله لأفلجك يالخافق المحترّي><وأرفع أعلام النصر في قمّة المشرافي

عاد ودّوها لمانع بالبريد السرّي><ما تشيل إلا فقط بصمة لفى بن لافي
مانع بن شلحاط

هجرعت صوتي إليا أدوت طار كل الفرّي><من شجر ذاك الشعيب اللي تحت مهيافي

بحتي بالساحة العميا إتبيّح سرّي><لين ثرْت لكل شاعر من حدود إنصافي

مرحبا بالشاعر اللي قالطن متجرّي><قو قلبه يوم يمشي بالفتيل إخلافي

مير ما دامه تجرّا مرحبا لا طرّي><بن غيام إلا الفراوي أو لفى بن لافي

عاش بي عصر القريفة والقصيد امغرّي><غرّني لين أعتزيت بعصرنا العوّافي

يا لفى بعض الكلام اللي يقال مزرّي><مير برخي كتف بشتي لجل عين سنافي

مد كفك لإبن مبرد والقصيد مسرّي><وإلتفت للخس وأدخل فيلق الأشرافي

وصد عن شعر (ال...) والشعر لاعرّي><ما يغطي عورته بشت الأمير الضافي

أنت في ساحة قتال وبين كر وفرّي><أقلط بسيف الفغم يومه غزى الأسيافي

أنت لامست النجوم وكم بشتك زرّي><أحتم حدودك وانا اعرف وش مدا محرافي

وعقّب اللي ما فهم للدرس يومه قرّي><فاهي الأفكار عرّض سمعته للسافي

يا لفى دامك على سبك الدرر متضرّي><وصّل المحالسة شوقي وود إنجافي

قل لأبن حبيب نايف في غلاه مصرّي><ووصّل الهفتاء سلامً يشمل الأطرافي

من هبط لعكاظ يجلب والرجال تشرّي><فرق واضح بين أديب عكاظ والندّافي

ولأبترم روليت لعبك قل لبقعاء قرّي><أنت يا أخطل مطير أسرت كل شعافي

تحيااتي لكم أخوكم:عبدالرحمن المري

[ليوناردو دافينشي]

صح لسان لفى وصح لسان ابن شلحاط


ولاهنت ياعبدالرحمن على النقل الطيب


وبانتظار الجديد

[gravity]

صح السان الشاعر لفى وصح السان الشاعر ابن شلحاط

الله لاهينك اخي المري على النقل الرائع ...

سجل خالص الاحترام

[فلاح بن ملبز]

صح لسانك ولسان الهفتاء وابن شلحاط

ويعطيك العافيه على هالنقل الجزل

ولاهنت

[الراعي الرسمي]

شعار كبار وقصايدهم زينه ونقلك اطيب ولاهنت

والله لايحرمنا من اعضاء مثلك نقل جميل واختيار اروع


تقبل مروري,,,,

[غروك يا صغير]

صح لسانك ولسان لفى وابن شلحاط

ولا هنت علي القصائد الرائعه

تقبل مروري

[نايف السبيعي]

الله لايهينكـــ,




أرق تحياتي