وتعلـم التعشيـق قبـل السـواقـه ^^^ لآ تحسب أنك بالدرقسـون سـواق

[قبلةالعجمان]

سر يا قلم مالي على الصبر طاقـه=صبرا تعدى الحد مـا عـاد ينطـاق




اكتـب لـمثلـي قصتـه وأشتياقـه=في خطك الواضح على بيض الاوراق




قصة حزين(ن) صافي المـر ذاقـه=وليا ذكر ما صار له خاطره ضـاق




باقوبـه الاصحـاب والوقـت باقـه=أصبح ضحيـه بيـن بايـق وبـواق




يمشي وهو ما حس في كسر ساقـه=أمسى على ساقين وأصبح على ساق




وهاذي سوات الوقت شين اصطفاقه=الوقـت لـو يصفيلـك أيـام دراق




أن شان قطع معـك كـل العلاقـه=وأن زان خلا لك مع الناس عشـاق




ومن شان معه الوقت قلـوا رفاقـه=وراحت حياته كلهـا هـم وأقـلاق




والله خلـق خلـق يحـب اللبـاقـه=كما خلق له خلق ماعندهـا أخـلاق




أحـدٍ يعيـش بخيـر وأحـد بنفاقـه=وأحدٍ يعيـق أيـام و أيـام ينعـاق




وأحدٍ معه حكمـه وصبـر ورواقـه=سبحـان منهـو للمخاليـق خـلاق




لكن يامـن معـك عقـل ووثاقـه=أبنصحـك كانـك للأمثـال تشتـاق



لآ تنخـدع بأهـل العلـوم الرقاقـه=اللـي سوالفهـم توهـق تـوهـاق




صـادق رجـالٍ يعرفـون الصداقـه=يقفون صفك يوم يبسـات الاريـاق




من رغب في فرقاك فأرغب فراقـه=جاز ..الذي يجزيك بفـراق بفـراق




وتعلـم التعشيـق قبـل السـواقـه=لآ تحسب أنك بالدرقسـون سـواق




ورزقك يجيك بدون تحضـر بطاقـه=عنـد الله المعبـود تقسيـم الارزاق




يقولها اللـي جايـر الوقـت عاقـه=ولازال في غيبوبـة الهـم مافـاق




مـن أنعزاقـه بــادي بأنعـزاقـه=واللي يوده صار شوفـه بالأشفـاق




ولاقال هـذا القـول قصـده طفاقـه=ما قال هذا غير من نـار الأشـواق

وسلااااااامتكم وتعيــــــــشون ...






** عبد الله الرشيدي (( او )) بندر سرور ...

[محمد أبو زيد]

تسلمين وتعيشين ياقلبلة العجمان


ولاهنتي على القصيده



القصيده لبندر بن سرور , بس فيها كم بيت زايد


مدري منين جبتيها


على العموم لاهنتي وتقبلي التحيه

[السنـــــافية]

قبـــــلة العجمان

صح لسانج على الاختيار الحلو هذا


تحياتىىى

[سعــود المهــان]

صح لسان شاعرها ولسانش ياقبله العجماان

وتسلمين على الاختيار الموفق

[قبلةالعجمان]

شديد الباس



لاهنت على المرور الكريم ....



بس هذي القصيدة كانت منشورة باحدى المجلات باسم (( بندر سرور ))
وباحد المنتديات باسم (( عبد الله الرشيدي ))


وهذي القصيدة كاااااااااااملة بلا زيادة ولا نقصان ....

ولاهنت يالسنافي على التوضيحاااات ...

[قبلةالعجمان]

السنافيه



لاهنتي يا شعلة المنتدى على المرور الكريم ...

[قبلةالعجمان]

سعود المهان



صح بدنك ..
ولاهنت على المرور الكريم

[جلوي بن سبعان]

صح لسانك يا القبله ولسان الشاعر بندر

وتسلمين على القصيده الحلوه

م ل ك
ال اح ز ا ن

[قبلةالعجمان]

ملك الاحزان



لاهنت على المرور الكريم