قصيدة النعيرية للشاعر / سالم بن جخير

[ولد المرازيـــق]

الديره اللي ياعل السيل يسقيها=== وشلون ماحبها واحب طاريها

احبها حب ساكن داخل اعماقي=== ومهما يجور الزمن مانيب ناسيها

فيها ربيت وعرفت ان الغلا فطره=== واحبها من صميم القلب واغليها

من عادني في صفوف الابتدائيه=== ومن عادني العب الكوره بناديها

الين قدني كبير وفاهم وعاقل=== واكتب قصايد تشرفني معانيها

تصدق اني لو اجيها وانا مغمض=== ادل حتى شوارعها وكبريها

واسوق روحي لها من شان عمدتها=== واحبها من محافظها لشرطيها

ديرة هل العرف والوقفات والفزعه=== فيها القبايل تفاخر في عزاويها

الله جمعهم على العز وعلى الطاعه=== صاروا على قلب واحد وسكنوا فيها

الديره اللي لها فقلوبنا ===موقع نعيش فيها وندفن في اراضيها

فيها الحضاره وفيها العلم=== متقدم غطت خدماتها على ضواحيها

اشياء واجد تبين لك تطورها=== واكبر دليل التطور في مبانيها

صارت عروس الربيع ومقصد السايح ===الناس من كل حدب وصوب تاتيها

اذا سألت اي واحد وينك مخيم=== تلقى خيامه ورى الديره مبنيها

خدمه وفرقة دفاع ورقم مجاني=== من كثر ميزاتها ماعاد نحصيها

شعارها(ربعوا معنا) وحياكم=== الله يرحب بها والله يحييها

تلقى بها العشب بشكاله وبنواعه=== اما نبت وسطها ولا حواليها

وتلقى بها الحمض والحوذان والربله=== وانواع واجد ماتحظرني اساميها

وتلقى بيوت الشعر والكيف والفله=== وتلقى بها الذود ترتع في مفاليها

وتلقى بها كل شيٍ يبهج الخاطر=== ان قلت ياحليلها ولا يالبيها

الله عليها من اولها الى اخرها=== والله من عيون بعض الناس يحميها

ويالله عسى مزنة الرعاد والبارق ===تملى ملازيمها وتملى محاجيها

واللي ماركز معي في مبتدى القصه=== فل يستمع زبدة القصه بتاليها

انا تراني مابالغ في محبتها=== وشلون ماحبها وامي وابي فيها

هذي قصيده على شان النعيريه === تقدير لمحافظ الديره واهاليها

[ابوجراح]

سالم بن جخير متمكن وانت احسنت الاختيار لا شنت

[بنت الوطن]

الديره اللي ياعل السيل يسقيها=== وشلون ماحبها واحب طاريها

احبها حب ساكن داخل اعماقي=== ومهما يجور الزمن مانيب ناسيها



صح السان ابن جخير و على هالجزله والراائعه


وتسلم يدك ويسلم فكرك ياولد المرازيق على هالنقل الجميل ولاهنت

[ولد المرازيـــق]

لاهنت على الرد
بوجراح
وتسلم على ردك الطيب

[ولد المرازيـــق]

لاهنتي على الرد كويتية وافتخر
وتسلمين على ردش الطيب