قصه من صفحه ذكريات

ر1كان الناجعي · #1 06-11-2004, 08:23 PM

سلاااااام عليهم

في سنة 2001 في الربيع كنت في زياره للديرتنا المهم كنا سهرانين في مزرعه- داخل البر يمكن حول ال 30 كيلو ......و ومستانسين اخر كلام و يوم خلصنا و كلن راح من الشباب ما بقى الا انا و قريب لي ... اخر من مشى .... و حنا نمشي في البر تونى طالعين من المزرعه لنا شوي يمكن مشينا 10 كيلو قدمنا مشور حليو لين نمسك الزفلت (تقريبن 30 كيلو الزفلت عنا) ... عاد البر كله خطوط بريه لو ما تركز و تضيع تجيب العيد ... و المنطقه ذي مشهوره كلها جرابيع و ارانب و قطاوت بر و ثعالب(حصاني) ...و انا اسوق و اسولف مع خويي و الا الي ينقز قدام انوار الونيت (ونيت موديل 80 مكينه 454 .. ونيت المزرعه) ارنب ... الحق ما تلحق ياولد و عينك ما تشوف النور ... و طردي و تخميس في هالبر ورى هاالارنب ...في الليل يمكن الساعه 2 ما غير اجيه يمين يروح يسر و وراه ...المهم و يودينا لجرف سيل ...(شعيب) يوم مدرينا الا قدامنا الشعيب وجه لوجه نشوفه بنوار الموتر ......فر الموتر ياولد رجع نمره قوم القير شفلك حل بس لا تطب .... و الله ما حولك احد الوانيت رايح للشعيب عرض ... و نطير و نطب فيه ...... والله و حنا نطير انا بالنسبه لي مر شريط حياتي كله في ثواني ... تخيلت اهلي و اني بفقدهم و ربعي وكل شي شفته في ثواني ... المهم و نطير و الله و نطب فيه و الحمدلله ما جانا شي بس طبينا طبه جامده حيل ..تفحشت كفرات الموتر و راحت مقصاته و جنبيناته.......
يوم ركدنا و حسينا ان حنا عايشين ..

انا : فلان انت بخير ...
فلان : ايه الحمدلله على السلامه و ين راح الارنب ؟.....
انا : كخخخخخخخخخخخخخخخخ حنا بحال ارنب او بحال ورطه
فلان : و الله ياخي ما ادري بس من جد كني سكران احس الدنيا تدور .....وش العمل ؟
انا : اقول قم بس خلنا ننسدح و نريح بالصندوق لين الصبح يصير خير ... البر هذا كله مزارع و نعرف اهلها لصبحنا يصير خير ...

المهم تسدحنا بالصندوق ما غير نضحك على انفسناو على هالارنب الي وهقنا و نكد علينا ...نبي ننام ما قدرنا بدت الاوجع تبين موب صدمت بس شد عضل في اجسامنا تقول واحد ماله بالتمارين و خش جامد في رفع الحديد ...

خويي : ياخي اتخيل الارنب الحين قاعد يطل علينا و يضحك من فوق ....اخ يا حلات الشوزل الحين ..

انا : كخخخخخخخخخ الله يقطع سواليف ترى كل جسمي يعورني اسكت ياشيخ خلنا نريح

المهم و يطلع النور علينا ... و نقوم (ما نمنا ما غير غطات و صندوق الونيت ناشف على انه ملبس بلاستيك)

يوم طلع النور و نتفقد الموتر الا مفحشه كفراته لكن فيه روح جامده ..... الشعيب رفيع و مافيه امل نطلع مع طريقنا الي طبينا منه ..... و الله و ندق سلف الموتر و نمشي بالشعيب لي لقينا محل سهل شوي ... و نطلع ما بقى من روح في الونيت مع القص و نطلع .... و نعرف وين حنا فيه .....و نمشي و نرجع المزرعه اقرب لنا ...و ندخل فيها الا الصعيدي العامل ....
الصعيدي : الله مشاء الله رجعتو من بدري انتم ما نمتو ( حلنا مبين اننا محيوسين)...

حنا : اي تكف بس كل تبن و جب فطور اذا عندك..

و الله و يجيب خبز و جبن و مربى و ندق فيه و نشخر ننااااااااام في بيت المزرعه لين حول العصر و يجون ربعنا على العصريه و نقص السالفه و ما غير ضحك على ها الارنب .....
و نرجع سوى للديره و ندخل الونيت الورشه و نطق له جنبينات و مقصات جديده (دبلنا المساعدات زياده) غدا احسن من اول ...... و من بعدها ما نلاحق ارنب ولا شي الا اذا في امه خير يطلع لنا في النهار هههههههه

وفي قصه ثانيه انشاء الله اقولها لكم وهي قصتي يوم في ايران هذيك عاد سالفتها سالفه مو طبيعيه..

سلاااااااام يا صااااحبي