رحت اصيح الصبح وينه , والعرب ما رد احدها=ما سمعت الا صدى صوتي يقول الصبح وينه(دره)

[فهد بن مطلق]

السلام عليكم ورحمه الله وبركاته


درهــ/لــ/أبو نــايف


صلوا على النبي
.
.
.
.
.
.
.
.
.
.

الله اللي راد والعقده قضاها اللي عقدهــا=لا على الدنيا سلام ولا للباقي العمر زيـنه
الفضا ما كنه الا خيمةٍ طاحت عمـــــــدها=والفرح ما كنه الا شيـــــــخٍ انقصت يدينه
والعمر قطعة زجاج انكسرت ولا طال مدها=والعرب فالعيد , بدموع اليتاما مســـتهينه
والشـــــوارع لفها ثوب الظلام اللي هجدها=والبيوت اطلال من عقب المحبه والسكينه
والشتا والليل والبرد وسما يصرخ رعدها=والعيون اللــي ورا الشباك مذعوره حزينه
طولوا بالكهف الاصحاب وبقت روحي وحدها=كنها في كوكبٍ ثاني خـــــــــــــلا من ساكنينه
والوداع اللي بلا رجعه علي امـــــر وادهى=والله انه غرغرة سم وسكاكينٍ ســــــــنينه
والعنــــود اللي جفيت الناس والدنيا بعدها=مدة الفرقا لغاليها وهي تعطـــــــــي الثمينه
وينها ليـــه اتركتني ليه ما جت في وعدها=والقمر لا طل خــــــابرها تجي بيني وبينه
رحت انادي واتلمس في مهب الريــح يدها=كني احصان بلا صاحب طوى البيدا حنينه
رحت اصيح الصبح وينه , والعرب ما رد احدها=ما سمعت الا صدى صوتي يقول الصبح وينه
كنهم من يوم ذيك الشمس غابت عن بلدها=طلعوني في النفود وصكوا ابــــواب المدينه
كنهم من يوم ذيك الذاهبه محدٍ وجـــــــدها=كل رجالٍ من الشــــــرهه دفن فالدرب عينه
اثــــــرها ماتت وماتت كل فرحه في مهدها=والربيع اقفت به اللـــــي كنها التاج لجبينه
جاورت عقب الحدائق حفرةٍ مقســـى لحدها=حفرةٍ ماني مصدق كيف ضمت ياســــــمينه !
للحزن فيني مثل ماللطهاره في جســــــــدها=ويش اسوي لا فتشت اللي لها وسط الخزينه
زخرفت حلم وبنت له مسكن وســـمت ولدها=آه ه ه لو غرد ولدها فــــــــي خميلة والدينه
عاهدتنـــــــي واحلفت يمينٍ اقوى من عهدها=والصبي لا خيـــــــر فيه ان كان ما نفذ يمينه
ما اتتقى في رثاها عرقٍ اكتض بشــــــــهدها=ولا تتقى خلف قضبان الحزن عذرا ســـجينه
كيــــــف عند العالم ايام العزا محصى عددها=والا انا طالت شهوره والله اعلم كم ســــنينه
لا الثرا فيها نبات ولا المشـــــــي خط بنكدها=ولا الســـما فيها طيور ولا البحر يمه سفينه
لا القمر هذا مســـــــــاه ولا الاسرهذا رغدها=ولا الزهر هذا شــــــذاه ولا الذهب هذا رنينه
قالوا الشيخ الفلاني مرجع القوم وســــــندها=قال يبشـــــــــر بالعوض والعلم جينا ناقلينه
ساق لك بدر البدور اللي نشدها من نشـــدها=جادلٍ هــــــزت عروش وخيبت روسٍ ذهينه
قسمها في رسمها في جسمها الا في رشدها=واسمها ان جاء للغضب قومه على الالسن رطينه
اترك الناي , وعطية شيخنا غن لســـــعدها=وانبسط ياعم وانسى اللي ورا التربه دفينه
قلت ولصدري تناهيدٍ تروع من شـــــــهدها=آه واويلاه من يجلب عــــــــــلى قلبي ظنينه
خلوا اغلا ذاهبه تـــــــرعى ربيع اللي فقدها=والعطا راعيه محدٍ صـــــــــوبه الله لا يهينه
لو ضمنت الجنه وتفاحةٍ القلب وشـــــهدها=قلت من بكره عسى مجنونها تاقف ســـنينه

[الـ ـشـ ـقـ ـا ويـ ـه]

روووووووووعه الكلمات واللي يغنيها

صح ذوقك يالعود وحجز اول


تقبل مروري

[لبى كبدك]

لاهنت
وهاذي القصيده لناصر القحطاني
وجعلك تسلم

[بندق]

الله الله


العود

والله مدري وش أقتبس من القصيده كلها روووعه


لاهنت على النقل وصح الله السان شاعرها

[بــ ــــــــرق]

العود



لا هنت على النقل



تسلم يمينك



تقبل مروري



بــ ـــــــــــــرق

[فيـــصل الشمري]

العود


مبدع في اختيار القصائد الرائعه

لاهنت وتسلم يمينك

[Najla]

قلت ولصـدري تناهيـدٍ تـروع مـن شهدهـا=آه واويـلاه مـن يجلـب علـى قلبـي ظنينـه

::..

مبـدع دآيم بإختيااراتك يـ / العوؤد ..

صـح لساان شااعرها ..

وصـح نقـلك ..

تحياتي لكّ!

..::

[فهد بن مطلق]

المشاركة الأصلية كتبت بواسطة الـ ـشـ ـقـ ـا ويـ ـه

روووووووووعه الكلمات واللي يغنيها

صح ذوقك يالعود وحجز اول


تقبل مروري

الشقاويه

تم تأكيد الحجز


لاهنتي على المروور الطيب والاطراء الجميل


لش تحياااااتي

[فهد بن مطلق]

المشاركة الأصلية كتبت بواسطة لبى كبدك

لاهنت
وهاذي القصيده لناصر القحطاني
وجعلك تسلم

لاهنت على المروور والتذكير بأسم الشاعر


لك تحياااااتي

[فهد بن مطلق]

المشاركة الأصلية كتبت بواسطة بندق

الله الله


العود

والله مدري وش أقتبس من القصيده كلها روووعه


لاهنت على النقل وصح الله السان شاعرها

بندق

مروورك الروووعه

لك تحيااااتي