نبذه و قصائد لسعد بن جلان الاكلبي~~اسطورة الشعر~~

[الوضحه]

مرحبا هيــل..اعداد السيــل,,




الشاعر سعد بن جدلان الأكلبي
شاعـر فــذ وعلم من أعلام الشعر في الخليـج
شــهـــد له الكثير والكثير من كبار شعراء الخليج والجزيرة
عندما تستمع إلـى سعد بن جدلان
تستمتع حقاً بما تسمع لأنك أمام رمـز خالد
وشاعـر عملاق ..قوي....جزل...مبدع...مميز
لــن أطيل عليكم فأنتم متذوقين للشعر
ولا أعتقد أن هناك أحد من متذوقي الشعر
لم يسمعوا عن سعد بن جدلان أو يقرأ لــه
من بـــاب الإعجـاب بهذا الشاعر وبكل ما يكتب
أترككم أمام العديد من قصائد هذا الجزل
ذلك الشاعر الذي أحتل جميـع المراكـز في ذاكرة التاريخ
إليكم سعد بن جدلا الأكلبي...بقوته المعهودة..وجزالته المعروفـه
وتركيباتـه الرائـعـه...وتصويرهـ الساحــر..وشعرهـ العذبـ

ديــوان الشاعر سعد بن جدلان الأكلبي
شــاعـــر الإيــــجـــاز والإعــــجـــــاز

هذه نبذه عن هذا الاسطوره في الشعر الشعبي


هو الشاعر الكلاسيكي /سعد بن جدلان الاكلبي


القادم لمحيط الشعر بقوه من واحات بيشه حيث موطن قبيلته قبيلة اكلب التي تعد من اعرق قبائل جزيرة العرب قاطبه والتي لم يتغير اسمها اوموطنها منذ العصر الجاهلي حتى يومنا هذا

ولوجودها في قلب الصحرأ فان لهجة هذه القبيله لم تدخل عليها كلمات اعجميه قط بل مالت الى البداوه مما يظهر ذلك بوضوح في شعر سعد الاكلبي



وبما ان الشاعر في كل عصر هو عباره عن صوره لواقعه الزماني والمكاني فهو ينقل لنا ويصور اللهجه المحليه لتلك القبيله والمنطقه وظروف الحياه فيها ويسجل كل مايدور حوله من حالات كرم وشجاعه وعشق ووفا وكذلك الظواهر الذي لايحبذها المجتمع

كما دعا الى الفضائل وطالب بسمو هذه الحالات الى اعلا درجات الكمال..







واليكم بعض قصائد هذا الشاعر

وهذه القصيده رائعه جداً ولها معاني عظيمه وحكم

ون ابن جدلان من لايعٍ لاعه= كن في كبدي دوافير صناعي
العب المنكوس واحب روباعه =ممنٍ في الوقت والوقت خداعي
مادريت ان ضحكة الوقت خداعه= شفت مدخالي ولا شفت مطلاعي
لا بغيت اسج والا انبصط ساعه= دق قلبي من ورا حدب الاضلاعي
كن من بين الضلوع آلة طباعه =تشتغل لانمت واقوم مرتاعي
هم قلبي ما يفرق تجمّاعه =غير جر الصوت والناس هجاعي
فاقدٍ لي سلعةٍ واكبر أبضاعه= سلعةٍ تشرا ولاهيب تنباعي
رفقة الطيب ليا غير اطباعه= اشهد انها كيةٍ توجع اوجاعي
راكب اللي صممه صاحب أصناعه= جمس بيك اب من حديثات الانواعي
الغريب الي جديدٍ من انواعه =حوض رفرف مايبي شد وشراعي
لا أنس البنزين عجلٍ تفرقاعه =مخطرٍ من سرعته يقلع اقلاعي
لا تحرك شفت في القاع مشلاعه =والتواير تظهر الما من القاعي
ينعش القلب الحزين ابتهملاعه= لامشا قام يتهملع تهملاعي
لا وطى الارض العتش كن تهزاعه =بنت شيخٍ طامحٍ من ولد راعي
في رجا الغايب تحرا لمرجاعه= تنقد العشاق وتطق الاصباعي
نفسها من جملة الناس منصاعه =ماتبي الا واحدٍ ذكره ايشاعي
ينحر اللي ياخذ الطيب بذراعه= الصديق الصافي الصامل الواعي
الوفا والطيب ساسه ومنباعه =يوم بعض الطيب تقليد وصناعي
لا وصلتوا فأخبروني عن اوضاعه =واخبروا راعي السمارا عن اوضاعي
انشدو ويش السبايب بمهزاعه= لاعلي ناقص ولا أبيه فزاعي
ودّنا نرضيه ونحاول اقناعه= كان بن مهمل بعد يسمع الداعي
كان يبغا حق للحق قطّاعه= نقنعه والحق ماعنه مجزاعي
وكان مبغضٍ في الرياجيل بتّاعه= لايجي ناقد ويلحقني ارياعي
لصديق نخلي النفس خضاعه= مانوريه الجفا والتمطّاعي
الصداقه عندنا ذخر وطماعه= صحبةٍ ماهيب صحبه تمتاعي
حد جدتها على البرق لمّاعه =وان خذت يومين مفعولها ضاعي
فإن تليمنا على العز والطاعه= وان تفرقنا فجوج الله اوساعي
ماأطرد المقفي ليا صفط شراعه= مخبل اللي للمقفين تبّاعي
من يحط اذنه على كل سماعه= جاه فرقاً مابعدها تجمّاعي
والزباد اختام هرجي ومطلاعه =يدفعه من ريحة المسك ذعذاعي

هوى الخدرات

مل قلبٍ من هوى الخدرات عيا=باقيٍ له من هوى خلي بقايا
لابغيت اسج من سمح المحيا=شفت من وصفه على غيره حلايا
فز قلبي وانتبه عقب النسيا=وانحرف فكري وجارن الكوايا
راح يشفني على نور الثريا=لين وردني على حوض المنايا
وان بغيت اجيه وصله ماتهيا=صارو العربان من دونه حمايا
ياوليفي لاتسويبي كذيا=الخطايا لا تلحقها الخطايا
مايبور بصاحبه عقب البغيا=كود ناسٍ مالها بالله عنايا
كل شي اعمله كود الجفيا=الجفا يزعل وسيعين النهايا

ياصباح الخير

ياصباح الخير يسعدك ربي من صباح=الصباح اللي تهيا به الوجه السميح
يالطيف الروح بعدك على سمٍ ذحاح=ليت نضراتك تعلمك عني بالصحيح
ياقراح البيض كان البني فيهن قراح=اشهد ان زولك مليحٍ ونطوقك مليح
كل شيٍ قد جمعته على الدنيا وباح=غير حبك يااريش العين لايبيح

سمان الهرج

انا وين ابلقا يلاجاويد فاعل خير=حريصٍ على سر المحبين لرسلته
امنول لواصبر عام مابان بي تاثير=وهالحين حتى صبر يومين ماحتلته
انا مثل صقار ٍ تولع بحب الطير=ولف قلبه فروخ الصواريم وهبلته
تولعت في فرخٍ قضيبٍ يتل السير=ابي لمحةٍ من نظرة الحر واسبلته
صغير بسنه غير عندي ماهو بصغير=يامغلاه في قلبي وياكبر منزلته
اجمع له سمان الهرج خوفٍ من التقصير=ولاجيت بشرح له كلامي تهيزلته
يجيني منه هيبه سحا تقدير=اقابله عندى علم واروح ماقلته

لزوم الطيبين

ياوجودي يالله انك تزينها تزين=كلما ظنيت لي ظن خابن الظنون
والله اني مااعتذر من لزوم الطيبين=وان عسرني فالمطاليق دايم يعذرون
لانهم زد حدهم وقتهم ومجربين=مرةً يلقون ومرار مايلقون لون
في الخلا عندي زباد ٍ ونيمة ياسمين=خير من ترحيب ناسٍ ماغير يجاملون
اتلذذ بالخلا من عدات الغايبين=واجتماع الي يقولون ما لايفعلون
مرخصين انفوسهم وابخلا مستكبرين=دايم من دون في دون حتى ينفدون

انا ابدوي

اناعشت بالشدات ماعشت بعنايه=وصحيح اني بدوي لياقلتوا ابدوي
عطاني زماني من تجاريبه اكفايه=وعرفت الخطا والصح والنقص واللوي
وبرق لي على الضيحه كما برق مرايه=ووردني سرابٍ من طمع فيه ماروي
وبراني كما برى القلم وسط برايه=ونزع مني اخلاقي وخلاني بدوي
فترى الناس ماكلٍ يبي ينوخذ رايه=ولاكل من جاب المواريد ماغوي
ولاكل حيدٍ تنقله يصلح بنايه=ولاكل جدرٍ لاتراكيت به قوي
ولاكل من صادقت تبدي له الغايه=ولاكل من يضرب فجوج الخلا خوي

الجهاله

الجهالـه فـي ابـن آدم توليـه الدبـور =لوطريقـه غـاوي يحسـب انـه متجـه
عنده ان مامثل شوره مع الاشوارشـور=مادرى ان لـه مـزاج ولنـاس امزجـه
يمكن ان تلقى مـزاج يبادلـك الشعـور=لو على فلـم الشطـاره وفلـم الدبلجـه
واخر المشوار اليا حصلت مافي الصدور=كل زور فيـه شوراليـا فـاق اهرجـه
القمر والشمس كنها تسلـف منـه نـور=والجبال اتصير تحتـه خيـول مسرجـه
يحسب ان معه افضليـه توليـه العبـور=ان لقاءالملح ازعقه ون لقاءالحلواسمجـه
السماء عجزت تنوشه جناحيـن الطيـور=ماوصلـه الامحمـد ابليلـة معـرجـه
يا ابن آدم يلعن اللة كل مختـال فخـور=من تواضع تحـت ربـه يعليـه ادرجـه
لجل ماتدخل جهنم على شـان الغـرور=للعرب حاول تواضـع وتعطيهـم وجـه
من لقا عذب المشارب ومثمرة الزهـور=ما قعديغرف من البحرويسـوق احدجـه

انت ممرضني

ياوليفي دمعكم في غيابي ردّ لي = وأدري انّ دمعتك خوفٍ عليّ ومن غلاي

أنت ممرضني وأشوف المرض فيكم وفيّ = الهبوب البارده منّك هبّت في حشاي

والله انّ كبدي عليكم عراويها أضميّ = والمشارب غير هرجتك ماتقطع ضماي

كيف تستغرب بطاي ومجييّ يوم أجيّ = منك اجيك أبدون رأيٍ وأروح ابدون رأي

ليلي أسهر به والا جاء النهار أشلى شوّي = مرتٍ أشلى ومرٍ يعاودني بلاي

وأنت سبّة كلّ شي ولا داويت شيّ = كيف ياقادر على داي ماتقدر دواي

بعد ما شتتوّ الفكر وأخليتو يديّ = كثرت أعلوم الشماميت وأفرحتو عداي

مابعد جاني من يوم التقو بي والديّ = ولابعد مرّ المحبين منّ حوّاء وجاي

لوّ خبر به حيّ يبكي على فقدان حيّ = كان يمدي من عرفني يشاركني عزاي

جعل يسقى يوم كان الهوى ماغير غيّ = فأول الرحله مثل مبتداك ومبتداي

قصيدة ياكبديّ الليّ من الحرمان منهشمه

ياكبديّ الليّ من الحرمـان منهشمـه=فيها مـن العـام نجـارٍ بشاكوشـه

والليّ هشمها شفاتٍ دونهـا حشمـه=أرهى على الليّ تبي نفسي ولا أنوشه

حجزٍ يرّد الرجاوي من ورى خشمه=وأنّ رده الحجز والاّ ضاع فالطوشه

عمّر بيـوتٍ علـى بيبانهـا رشمـه=وبطونها بأفخـم الشيـراز مفروشـه

بنا بيت حبه فالحشا

لامنه اشتغل موضوعها داخل الصدر= تقلّ فايزٍ وسطه فريـقٍ يصفـقّ لـه

على الصاحب الليّ مانويناه بالغـدر=شفوقٍ عليّ وانا ماغير أتشفـقّ لـه

بنا بيت حبّه فالحشا واسس الجـدر=وخلاّ معاليق الضماير تخافـق لـه

كمّ مفرقٍ كلّ ماجيته تعديته

كـمّ مفـرقٍ كـلّ ماجيتـه تعديتـه=اشوف خطّه ولا أقراء ويش لوحاته

ياكود مفرق رقبة العطـف لاجيتـه=يفرض علـيّ الألتفاتـه والتنهّاتـه

فيّ حشمة الليّ مصافيني وصافيتـه=من خلقتي ماحدٍ سوّى بـيّ سواتـه

مايسمح البال لين أقف علـى بيتـه=وأضرم له أضرامة الزيدي على قاته

يالجّ صدري مثل لجّة حيام الطرش

يالجّ صدري مثل لجّة حيام الطـرش=على عيلمٍ فالقيـظ ميرادهـا فـرزه

على الليّ بحبّه بارشِ الضماير برش=وحبّه بصندوق الضماير طبع حـرزه

حياتي بدونك يالغضي ماتساوي قرش=تكلّم على المكشوف فالنيّـة الجـرزه

محبّة نظيفين الظماير نظاف الفـرش=مايحتـاج فيهـا لاتخفـيّ ولا بـرزه

عسى دعوتي يفتح لها الله باب العرش=يعاقب عبـادٍ ماعرفنـا لهـا خـرزه

روس الصناديق

ياصاحبي شوفتك عقب التشافيق=تحيي ضميرٍ دنا منـه اليباسـي

من لامني جعل تفجاه التفافيـق=والكلّ منهم محقـق ومتواسـي

بقصيرات العدن روس الصناديق=عكف الأصابع رهيفات الكراسي

شعاني حمام فوق روس النوامي خلج

شعاني حمامٍ فوق روس النوامي خلج=تغنّي على روس النعانيـع منسجمـه

الاحيه من فرقاك يابو خـدودٍ بلـج=عسى لايم الميلاف عقرود ابو نجمه

محبتك حطّة في محاني ضلوعي فلج=كما فلج سيلٍ الواديٍ ضكتّه عجمـه

الا واعيون الليّ كشف برقه راعيه

ياتـلّ قلبـي تـلّ غـربٍ ربـع سانيـه=ماعيّن منه غير العراقي بـراس أرشـاه

على أبو دليقٍ فوق دمث النحـر كاسيـه=حمار وبياضٍ يشبـه النـوّ مـن منشـاه

أتشعشع أخلـوم البـدر لافرقّـه بيديـه=يشادي الضباب اليا تعدى القمـر غطّـاه

على عود موزٍ جاريّ الما مـع ساقيـه=وزدٍ علـى زمّـة نباتـه قـراحٍ مــاه

الا واعيون الليّ كشـف برقـه راعيـه=يتلّ السبـوق وقـام راع الولـع يشعـاه

الا يارسولـي بلغّـه ماقـدرت أجـيـه=سلملي عليـه وخـذّ سلامـه وعطنيـاه

لاقالـو تحبّـه قلـت ماعادنـي بأبـيـه=وأنا أشفق له أشفا من سقيم المرض لدواه

أقويّ عزومي كـنّ معـاد عنـدي فيـه=وأنـا والله انّـي مونـسٍ البـلا وأكنـاه

عروق الحشى ماتنبت الاّ علـى طاريـه=تنامى على قربه وتهجـر علـى فرقـاه

فترى من يعذل مولعٍ من هـوى غاليـه=مثل من يحاول يعدل السيل مـن منحـاه

فأنا شفت ناسٍ صلحوّ فالهـوى تشويـه=لا عيّن وليفه مخلـصٍ كـلّ يـومٍ جـاه

لوّ انّ الهوى ذالنوع محـدٍ تعـذّب فيـه=الكل أهتنى فالحبّ حتى الطلـي والشـاه

ادخل على امّك وأبوك من التزلافه

ياإليّ ليا جيت شيٍ تكمل أوصافـه=وإلّي بلا أياك ماتهـواه الأخلاقـي

ترى صوابي لجا وابطيت بسعافـه=يامنجّح الكيّ لاتلحق علـى الباقـي

عامين والحال من فرقـاك ملاّفـه=لوف أشهب الال عشبٍ نبته أدقاقي

كمّ ليلةٍ من سببـك العيـن ذرّافـه=من غيبة الشمس لين الصبح ينساقي

ياعين حرٍ على العسرات مشرافـه=عيطٍ لحاليحها تصعب على الراقي

والعنق عنق أدميّ عـاود لميلافـه=متذيّرٍ عقب ما أروّح ريـح تفّاقـي

مالك من الجسم غير المتن وأردافه=زاويه خصرٍ عليه الشبر متلاقـي

لفيتني لـفّ سيـرٍ فـوق حذاّفـه=وصرفتني من هوى تلعات الأعناقي

فأدخل على امّك وأبوك من التزلافه=تبتنّي بالعـذاب وتقطـع أرزاقـي

البرق لجا المشعّـف زوّد أشعافـه=وأنا مشعّف غرامك وأنت برّاقـي

تراني دخيلك ياوليفي مـن الهـزم

الا واعيون موحـشِ مابعـد لـزم=عدا كلّ صقـارٍ بشبكـه ولا لزمـه

على القلب نارٍ ولعّت في قرى حزم=وحطوّ عليها من دقاق الحطب حزمه

يقاويك بن جدلان فالصبـر والعـزم=لكن حبّك الصافي تغلّب على عزمه

تراني دخيلك ياوليفي مـن الهـزم=تموت الغزو ولا يقولـون منهزمـه

جعل أبو من لامني حمر المناير

ياعيون مرقـبٍ فعـل الجدايـر=في صعانين الطوال المستديـره

صاحبك يعطي على شوفك بشاير=ديرةٍ منتـو بهـا ماهـي بديـره

من خذا منكم خفيّـات السرايـر=والله انّ يبطي ولعكم في ضميره

لبـةٍ بيـن المعنّـق والزرايـر=مثل شمس الصبح قدّام السفيـره

ويتفرشها من الخمـري ستايـر=ذيل شقراّ شعشعت قدم المغيـره

جوهرة قارون غاليـة التجايـر=أشهد انّك بهجة العمـر الكبيـره

واحدٍ حضّك مع حضّـه يسايـر=شايفٍ القدر فالعشـر الأخيـره

جعل أبو من لامني حمر المناير=في محبّة واحـدٍ مالـي بغيـره

~~سلموك الحسن من باب صنعا للعرق ~~

ويش أسوي ياعيون الوحش عنق الغزال=لاحصل طاريك يفتح على قلبـي أرواق

لي ثلاث سنين بين الحقيقـه والخيـال=وأخر اشهر ذالسنّه تكمل الرابع غـلاق

شبه وضحاّ فالمخاضير زاويها الحيـال=من غلاها عند أهلهـا تبـارى ماتسـاق

تيهّت من صغرها بيـن ثنتيـنٍ هجـال=مهتويها راعيّ البل وعاشقهـا عشـاق

عنديّ إنّك ماخذٍ تـاج ربّـات الجمـال=سلموّك الحسن من باب صنعاء للعراق

~~ياعيون اللي على المرقب تعلا~~

ياعيون اللي على المرقب تعـلاّ=مايرب الا المراقيـب الطـوالا

طرتّك منها غثاء البـال يتجـلاّ=نعـسٍ مابينهـا بيـضٍ تــلالا

تذهل إلّي في جواهرهـا تحـلاّ=واهني من ذاق من ريقـك زلالا

لا وجاه الله ومنّ زكّـى وصـلاّ=مانبيك الاّ علـى السنّـه حـلالا

مايرّد الجوع شخبٍ في المفـلاّ=ولا يخضّ السعن من ذوده هجالا

أنـت غالـي ياوليفـي لا تغـلاّ=يثبت اللـيّ بيننـا ايـامٍ طـوالا

واللهّ انّي ميسٍ مـن وصلـك الاّ=فزعةٍ مـن ربنـا جـلّ وتعـالا

أدخل الضولات من شان أتسـلاّ=كود جرح القلب يبرى ويتشـالا

والمجنّب مـن الأوادم مايخـلاّ=لاسلم من شرّ ذولا ..جـوه ذولا

~~ خارطة الطريق ~~

يا ذا الجلال اللي عروشك فوق واملاكك حدر=ومهماً تسامت به عروشـه مستحيـل يطولهـا
يـا حـي يـا قيّـوم يـا ذا الأنافـة والكبـر=ا نافسك في عظمتك مكـر العبـاد وهولهـا
وما نافسك من عمّر بيوته على سطـح القمـر=واللّي ترسي فـوق اقاليـم الميـاه سطولهـا
ما انته بحاجة من عبد ولا بحاجة مـن كفـر=ولا بحاجـة ثـابـت الدنـيـا ولا منقولـهـا
أنت السميع لمن حمد وأنت المزيد لمن شكـر=اللي ما يشكر نعمـة المنعـم عليـه تزولهـا
ياذا الجبروت العظيـم ويـا القديـر المقتـدر=تفزع لنا في معضـلات مـا نريـس حلولهـا
تلعب بنا خلاّن فرغتنـا كمـا لعـب الكـور=أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر=شهب الليالـي مـن ورانـا يسحبـن ذيولهـا
أنت السلام اللي لك الإسلام وانت المشمخـر=اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر=وسلام يا روح ملائكـة السمـا صلّـوا لهـا
سلام يا بو بكر يا عثمـان يـا علـي وعمـر=وسلام يـا سبـع الآفـاق أطلالهـا وسفولهـا
سلام يا صدق النوى سلام يا وسـع الصـدر=سـلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر=وتشرق على كـل الديـار جبالهـا وسهولهـا
وسلام يا غر السحاب اللـي تبجـح بالمطـر=وشم الجبال اللـي تبجـح بالسحـاب قذولهـا
وسلام يا هوج الرياح اللـي عطاهـا مستمـر=مهما خذوا منها من الحسنـات مـا ردوا لهـا
ليت الرحاب اللي لنا بوجيههـا حـق وقـدر=ما تضمحل من الزمان ولا نشـوف سمولهـا
و ياليتنا لاما سرحنا اليوم الأبيض مـن فجـر=تبطي عبات الليل ما تضفـي عليـه سدولهـا
ولاّ ليامنهـا ضفـن سدولهـا يطلـع بــدر=ا صل ضياه اللي على الكوره تطـق طبولهـا
المعتبر يآخذ على الدنيـا دروس مـن العبـر=والنـاس يكسبهـا معاملهـا بـقـد عقولـهـا
أحيان تصدف لعبة الشاطر مع غلطـة عمـر=مره .. لكن لا عدت الغلطة مـا عـاد ينولهـا
حنا عرفنا كلنا ما طـال مـن شـيء قصـر=والأحلام ماتوا قبلنا شرهين ما وصلـوا لهـا
حتى الجمال اللي تحمّلهـا الهقـاوي بالصبـر=يالله بحملتهـا تـقـوم وتــدّرج بحمولـهـا
والحـب سيسـان العبـادة والعبـادة بالجهـر=ان ما قدرت تقولها وجـه الصحيـح يقولهـا
يسرون عميان المحبة تيه فـي غـدرا الغـدر=للـي تحـد سيوفهـا واللـي تعـن خيولهـا
ولا تفكـر فـي غنـاة ولا تفكـر فـي فقـر=وتشفع لبيضان الصدور احضوضها وفعولهـا
واهل التكلـف بالمعرفـة والتصنـع بالبشـر=والله ما هي حول الصحيح ولا الصحيح بحولها
اللي يفضّل ما يقيم بو ميـه مـن بـو عشـر=حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر=واللي تخبره بزر يصبح لحيتـه ذا ..طولهـا

~~ الآدمـــي ~~

يالله ياحـامـل مفـاتـيـح الارزاق=المعتنـي فـي رزق نفـس خلقهـا
عن الخفايا مـا علـى عينـك رواق=واذنك عن الاسرار ماهـي بصقهـا
تجعل نفسي من غضب وجهك اعتاق=وبيديـك علـق الامـور ووفقـهـا
اغسل قلوب اهل التباغض والاشقاق=وهـون مسالبهـا وريـح شفقـهـا
سبـة مروجـة النمايـم بالاسـواق=اللي ما يملى الناس غيـض شلقهـا
خيل النزاهة ما ورا الغايب سبـاق=وان قابلـه فهـو عليهـا صفقـهـا
وقام يتمذلق قـدام وجهـك تمـذلاق=واليا نشدت في جنب غيره لصقهـا
مطيتـه مطـلاع تحـدى وتنسـاق=وتركب عرو وان شد حمله وثقهـا
ومعمر روض التسالي لـه ارفـاق=ترفـع كباريهـا ويحـفـر نفقـهـا
سبّايـة الغـرات قطّاعـة الـسـاق=اعراض خلق الله ليا غابـت هتكهـا
وعشّيق للروضة مغـرم ومشتـاق=بئس العشيق وبئس باللـي عشقهـا
مايلتهم لا التفـت السـاق بالسـاق=وتقـسـم الارزاق والله فـرقـهـا
احـد يقـدم لـه حميـم وغـسـاق=واحد بروضـة سلسبيـل وغدقهـا
ما قالـه القايـل الا بـواد طقـاق=لو صكت ابواب العرب ما طرقهـا
منقـاد للعالـم مقانيـص وسـبـاق=ثـارت شوازنهـا وهـدت سلقهـا
اهديت باقة ورد من ضمن الابـواق=ولا اقول لحد خذها ولا اقول ذقهـا
تجيب الانفس كلها اصحاب واصداق=ولا اخشى عقايبها ولا ارجي مذقها
الآدمي لـولا المكـارم والأخـلاق=كالحنظلة من عرقهـا ليـا ورقهـا

~~ حب الخشوم وحب الأقدآمي ~~

الا يالله ياللـي تحـت هيبـة سلطنتـك اسلمـت=لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت=تزودني وفا قدر العشيـر ووصـل الارحامـي
ولجك الفجر ياليل الذهول اللي علـي اضلمـت=يعرضك واقع الماضي بعيني عرض الافلامـي
ولهتك يالنديم اللي على صافي وفـاك اضرمـت=بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت=بان السيف سيفي والعصـا والمحـزم احزامـي
عطتني عزلة اخلاصي معك نسيان مـن نادمـت=كتبتك وانطوت صحفي عليك ورفعـت اقلامـي
اباهـي لا ابالـي واتبيسـط كــل ماقـدمـت=اشـب النـار قـدام العـرب واشيـد اخيامـي
نهاري حر شمسه يستحي منهـا لسـان الشمـت=وليلي ترقب نجومـه ملامـة كـل مـن لامـي
على ضو الكلام اللي كشف عنا ستار الصمـت=عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت=واثر ما انت بورايه في الطريق ولانـت قدامـي
مصيبه لاتدنت قيمتـك فـي عيـن مـن قيمـت=يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت=فجر صدري حنيني واتعـب الاقـدام درهامـي
عيون الصد وعيون التجافي حول مهما اكرمـت=تشـوف المجتهـد كسـلان والبنـاي هـدامـي
مدام ان جانبك شام لجنابي وانت عنـي شمـت=كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت=مرور اكرام تربطه الكرامـه عنـد الاكرامـي
على شان الخفوق الليِ على عرشه قعدت وقمت=حجب عنك الدجى لين اشرقت لك بيض الايامي
ختام السالفه ياطيـب العشـره كرمـت ودمـت=هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت=يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت=وشفت الفرق في حب الخشوم وحب الاقدامـي

~~ سلبي وإيجابي ~~

لا إلـه إلا القديـر المعطـي الوهـابـي=الخضـوع لسلطنتـه وكبريـاه ونوفـه
كل ما تحته على وجه التراب .. ترابـي=المعـزه والمذلـه مـن رجـاه وخوفـه
تب علي وأنت الـودود الغافـر التوابـي=وأحمني من كل زلـه منطـقٍ مزهوفـه
في السوالف والقصايـد سلبـي وإيجابـي=وفي ردود أفعالهـا محمـوده ومأسوفـه
والطبايـع فـي الأوادم للحيـاة أغرابـي=والتصادم في مفاهيـم العـرب مسلوفـه
في طرفها المرء لا يسعـد ولا يرتابـي=والمنافـع والضررعفويـه ومهـدوفـه
يعني ما تحكم على الصادق من الكذابـي=من عدم صدق النوى والغايـة المكشوفـة
أحداً ما يدخـل الحسبـان بـأي حسابـي=وأحدٍ يؤخـذ كلامـه وصفـةٍ موصوفـه
والسهوله للنفوس أقـرب مـن الصعّابـي=والطبيعية مداهـا أبعـد مـن المزيوفـه
طارق أبواب العرب تفتح عليـه أبوابـي=من فتح باب الضيافة يكثـرون ضيوفـه
وفالنفوس اللي لا تشبع بي ولا تروا بـي=ليل هقواتي طويـل وشمسهـا مكسوفـه
كل ما ضنيت ضناً فـي كنفهـا غابـي=ندها أوهامي ضحاياها ضحايـا الكوفـه
أحسن أجيها زهابي في ظهـور اركابـي=لا تكلفني وهـي عنّـي ماهـي مكلوفـه
لأجل ما يسبب قلق فكري وحرق أعصابي=وإنشغالي من قوييـن الدهـر وضعوفـه
والوفاء والصـدق للصدّيـق والخطابـي=والظفر لإبن الوليـد بعزوتـه وسيوفـه
والجناب اللي وداده جهـر ماهـو غابـي=تصلح ضروف الدهر والا تشين ضروفه
من وجودي يسفهّل .. وينشغـل بغيابـي=كل منّا غايتـه مـع صاحبـه معروفـه
فيه بسطـي الأحمديـه إمتـداد إرحابـي=والطموح الماجـدي والفطـرة المألوفـه
الإنبساط والإنسجـام وقمّـة الإعجابـي=والله أن كنّـه يقدمهـا علـي بكفـوفـه
تكثر أصحابي علي والا تقـل أصحابـي=المهـم إن مانـي بمرتـاح ليـن أشوفـه

~~ الهبوب البارده ~~

الا يالهبـوب البـاردة عجـلـي هـبـي=على جاش من قامـت هواجيسـه تلوبـه
انـا مـرةٍ اصـحـى ومــره يغيـبـي=واسـرح معـا كثـر الطـواري بغيبوبـه
الا يادهـر مـا هـو بـحـقٍ تلاعـبـي=وخليتـنـي لمـقـرد الخـلـق لعبـوبـه
عـبـادٍ مغفلـهـا الـزمـان وتعجـبـي=يحسبون قـل المـال فالرجـل عذروبـه
وانـا قانـعٍ باللـي علـي كاتبـه ربــي=ومؤمـن بمـقـدوره وقـانـع بمكتـوبـه
ولا ابغى عمـى الاريـا برايـه يجربـي=وهو ما عرف ماجوب ربي ومـا جوبـه
هدور المجالس راعـي المـدح والسبـي=وهو بالخلا لو جـاه بنـتٍ خـذت ثوبـه
يقولون لي تـب مـن تصرفـك وتحبـي=وهي توبتي مـن مجتمعهـم هـي التوبـه
ديـار الوبـا مـن طبهـا راح متـوبـي=وقرابة الجربـا علـى الحـول مجروبـه
انا عارفٍ منصـاي ليـا مـن بـدا نبـي=وعارف طريقـي والـذي باتجـه صوبـه
وانا اعرف من اعادي وانا اعرف من احبي=وبـه نـاس لاتعـرف ولاهـي بمحبوبـه

~~ الشدايــــــــــــــــــــد ~~

الشدايد يا جميلـه بالازمـات اختبـار=ينعرف فيها الظلال الطويل من القصير
كل ما اذكر حالتك بين غار وبين نـار=راحت الدنيا بعيني عبـوسٍ قمطريـر
تحسبٍ حبك محاه التشـدد والحصـار=التشدد فالمحبـه هـو الشـر الشريـر
شغلهم ضدي وضدك يعمّر لـك وقـار=في ضميرن ما سكن فيه قدامك عشيـر
زارعٍ لك بخشةٍ من الزرار إلى الزرار=نبتها بالمسك والعود الازرق والعبيـر
شد حيلك لا يصيبك فشل والا انهيـار=لا تصغّر قيمتك وانت في عيني كبيـر
لذة صبّار الهوى مثل لـذة الانتصـار=لا تصدّق من يقول الحسد مافيه خيـر
لا تغيرب ما جرى من قنا مثلك يغـار=كل شيٍ ينشفـا فيـه ميصالـه عسيـر
الذهب دونه حراسـه وبيبـانٍ اكبـار=والدرر من دونها هيبة البحر الغزيـر
غير لا تيّس وتكتب على نفسك قـرار=يدفعك سوء التصرف إلى باس المصير
لولا شحّي فيك جيتك اجهار من النهار=غير ما يصلح مقـامٍ بـلا رايٍ بصيـر
فرصتي ويقت حرارٍ على ماكر حرار=ما يعوّد فالمكـان الربيـب الا البعيـر

~~ مركب الأوهـــــــــــــآم ~~

عيوني على سهر آخر الليل حدتنـي=تولع بها سهـر الليالـي وضريتبـه
همومي عن الرقده من النوم جزتنـي=وقلبي هواجيسه مـع الهـم لعبتبـه
وليّ حركت دقات قلبـي تشاوتنـي=وغنى لها الشيطان صـوتٍ تلاحتبـه
على مركب الاوهام والهـم شالتنـي=وعلى سيف بحر الياس ركّت ورستبه
ولي صورت خلي على الطيف نبتني=ولي قمـت مغيـر الخيـال اتلفتبـه
الا يـا وليفـي سيطرتكـم تولتنـي=كتب حبكم في القلب وموضحٍ كتبـه
اشهّد على حبك ملوكٍ علـى متنـي=ويشخط ضميري من ونيـنٍ تنهتبـه
اراعيك بالذكـرى وذكـرك يقوتنـي=ولي غاب ذكرك ويش عاد اتقوتبـه
ولامن بغيت اسج عن صورتك جتني=مع الطيف والا علمك الناس ما جتبه
عليك الضمير مهايمٍ وانتهـا حتمـي=هبوب الشمال مـن المعاليـق هبتبـه
احيى على ذكرك وبعـدك يموتنـي=ولا لي بغيـر لا معـاشٍ ولا رتبـه

~~ ابن عـــــــــــــــــــدلآن ~~

يا راكب إلي صممتهـا الولايـات=الـي أمريكـا فالمصانـع أتصبـه
تصميم شركة كلهـان الخواجـات=ومورده من يـون يـرك ونصبـه
أكبر مكينـه صقطـت للونيتـات=خمسه صفر واحـد ودبـه ودبـه
ما يصدر إلا عن طريق الوزارات=حتى أسبيراته تجي فـي صطبـه
بالجدول السري خذتـه الوكـالات=مديرهـا وقـع وعـاهـد بـربـه
صدفه طلع بالواصطه والحيـالات=ثم قيل يـا سواقـه أخـذه وغبـه
أذهن تراه أمخصـصٍ للقطاعـات=نوع أسبشل ما كـل خبـلٍ لعبـه
فتش عليه إلا الطيـس والمرايـات=تحت المراتب قـال يسعـدك نبـه
ساعة فتح بابه عطـوه السويكـات=شغل وللماء مـع أقـزوزه يكبـه
قام أيتسمع وش تقول القـزوزات=لهي تقـول أبغـاك مامـه وببـه
داس السريتر والتفت في المرايات=لهت تقول أصويحبك ويـن مربـه
طلع يقول الزين هي هات هي هات=العلم لا يدرون بعض العـرب بـه
الله رزقنـي بالذهـب والجنيهـات=لكن أنا هالحين ويـن أهـرب بـه
وقلنا تعال أحمل كـلام وتحيـات=محلا الكلام إلي يجي في مصبـه
يا شوق خشفٍ ذيره كثر الأصوات=يرعى نبات القفر في وسـط خبـه
عاف البشر ما يبغي إلا أنت بالذات=أبـو خـديـدٍ بالقـلـم ينكتـبـه
نصه زبـون الجاذيـه والوليـات=اللـي إربوعـه فاللـوازم تحبـه
ثم قل لبن عدلان جانـي محسـات=الوقت كبـر قـدم خطـي مطبـه
إليا بغيت أرقد من الليـل ساعـات=لو هو يجيني فـي منامـي أمنبـه
وليا انتبهت إلا الهواجيـس لمـات=على مثل مـوج البحـر مطلحبـه

~~ الرفـاقــــــــــــــــه ~~

البارحة عنـزت للـراس كفـي=ونيت من باب الشرس والحماقـه
حبيت ابين من خفوقـي واخفـي=ملامحٍ عن الاصدقـاء والرفاقـه
صديقي الي للـي لسانـه يرفـي=وليا صملت مني نـوى لنسراقـه
احسن يقفي عن طريقـي واقفـي=مستغنـيٍ الله والا ذي الصداقـه
ورفيقي اللي ما يوقـف بصفـي=لا يمتكـن بينـي وبينـه علاقـه
فرقاه ربـح وجيتـه مـا تشفـي=الا الذي ماله على الشـي طاقـه
والا بعضهـم للعلـوم متلـفـي=لي جاه علمٍ حط فوقـه وساقـه
كبير قلبٍ فـي الحيـاة متعفـي=راسٍ خلقه الله فـي جسـم ناقـه
لا مولعٍ نـارٍ ولا هـو مطفـي=من حيث ما يصفق به الموج ساقه

~~ الـجـمـيـحـــي ~~

يازين الجميحي لاسرا والعباد أخفوت=يبي لازم متغانمه قبل لايفوته
لامنه أنعس السالي وسجوا هل البيلوت=وقم يتمخلص تحت رجلك تقول حوته
يقوس مع الهويات كنك تشوته شوت=يشادي المظلي لانزل في براشوته
حماره تحت نور القمر كنه الياقوت=يداوي القلوب اللي من الحزن منحوته
لادقت هواجيس المعنا وجر الصوت=يعد النجوم المرقبه فوق كبوته
وخوة صديق مخلص معك حتى الموت=ماهوب ايتسمع هرجة فيك مشموته
يداري على سمعتك من هرجة السربوت=وخطاياك عنده داخل البحر مزتوته
يعرف الذي يخطر بقلبك لو كان اسكوت=ولا منه غنا يجلي الهم من صوته

~~ اكبر طاغـيـــــــــــــه ~~

الله يرحم بوك و امك و يلحقك بهواك=كلنـا للـي تقوليـن آذان صاغـيـه
أنت مطغيك البها لين حدد مستـواك=يعني أكبر مجرمة حب و أكبر طاغيه
شوفتك للي فؤاده مريض في حـراك=جنة ما ينسمع فـي طرفهـا لاغيـه
أنا يوم أغليك و اجيك وادور رضاك=باغيه نفسي و لا أدري و شنهي باغيه

~~ الــدهــر جــحّـــاد ~~

ودنا بالطيب بس الدهر جحـاد طيـب=كل ما تخلص مع الناس كنـك تغشهـا
يدك لامدت وفاء لاتحرى وش تجيـب=كان جاتك سالمه حب يـدك وخشهـا
كل ماشبيت نار المحبـه مـع حبيـب=قام يسحـل فـي مشاهيبهـا ويرشهـا
وكل ما واجهت لك فالزمن وجه غريب=مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب=جعل قشاش الحطب لاسـرح يقتشهـا

~~ فرحة صلاح الديـــن ~~

لعل ربٍٍ جمـع يوسـف ويعقوبـي=يلّمنـي مـع وليـفـي واتهنـابـه
اللي من اجله ما غير احسّب اذنوبي=والقلب كنّ الدبـا الحنّـان يرعابـه
احتل طيش المشاعر واخلف اسلوبي=وجميع مـا مرنـي منـه اتهجابـه
الكلمـه الطيّبـه لا قطهـا صوبـي=والا نظرلي بنظرة عطـف جذّابـه
فرحت فرحة صلاح الدين الايوبـي=ساعة تولّى على المقدس وصلابـه

قصيدة الــV.X.R والمعذرهـ لأنها ناقصـــه/

ياهـل الvxrحطمـتـوا كيـانـه=بالفرنجـي والكمنجـة والزلافـي
لاتهينـونـه عسـاكـم للاهـانـه=ياهل التفحيـط ياصفـر الكوافـي
كل منكم حـاط فـي فمـه لبانـه=خطكـم واحـد ماقبيـل مقـافـي
كل سلعـه غاليـة تحتـاج امانـه=والعسل لا جا على الصافي يعافـي
الشرايينـي طلـع خيـرة اخوانـه=خص الاحمر راع الابواب الخلافي
فتحه اسبيريـن مكـره واسطوانـه=يستوي وافي الخصايل عند وافـي

~~ الروض الخضر ~~

يا زين المشي فالروض الخضر لا شعشع المخضار=يا زين الديره اللي مـن حقـوق الوسـم ممطـوره
يريح البـال سيـح فالفيـاض الخضـر والمسيـار=سعـادة للقلـوب اللـي مـن السلـوان مسـروره
متى عيني تشوف اللـي علـى قلبـي ربيـع ودار=أشاهـد للسعـادة فـي حيـاة المجتمـع صـوره
لا هلـت مزنتيـن فوقهـن تنعومتـيـن صـغـار=على ذيك اللباب اللـي مـن الرضـوان مغمـوره
لا منه اصحى سما غر المزون وشعشـع النّـوار=ورجـاه ادلـى سدولـه والقمـر متجلّـي نـوره
اشاهـد لـي بـروق دونـهـا ربانـهـا تـنـدار=تقـول اكبـاس غـاز مـن ورا شـلال نـافـوره
سبـح ماهـر خيالـي فالخبـاري والبـر والنـار=وأشوق الجمـر فوقـه دلـة الرسـلات منحـوره
هذاك المنظر اللـي مـا تشوفـه فالحيـاة امـرار=علـى شوفـه سبابيـح الخيـال تمـوت مقهـوره
حـرام إنـي مـا أهنّـي راع المليـون والمليـار=ولا أهنّـي عربسـات الفـضـا دوره ومـقـدوره
اعيـش بعالـم طـول المـدى يبقىلهـا تـذكـار=عليّـه بالحـرام انهـا حيـاة ٍ مالـهـا جــوره
هذا وجه الصحيح ولا على وجه الصحيـح غبـار=حقيقـه ويمتنعهـا اللبـيـب بكـامـل شـعـوره

~~ بنات الفكر ~~

ياللي تطلبون الشعر غيبه عليّ صعيـب=لولا خوفـة النقـاد طاوعـت عشاقـه
أسرح بنات الفكر منـي بكـل شعيـب=وتضوي عليّ بالخُرج ما جات بشلاقـه
أحسب أني إلي لا قنصت السّمان أصيب=وأعيّن علـى روس المشاريـف تفّاقـه
من المال يصلح كم خراب ويرفع عيـب=يجرّي ضعيف العـزم ويزيّـن أخلاقـه
لكن الضّمير إلا خرب مستحيل يطيـب=لو تحلب ديود الطيـر وتبيـض الناقـه

~~ هبوب الود ~~

يأمـل قلـب هبـوب الـود لاهبتـه=كثير الهواجس تقبل به وتقفـي بـه
عليك يـا عـود أبـان ناعـم نبتـه=يامسك يا زعفـران الهنـد أبوشيبـه
اشفي لك أشف من المذهب لذاهبتـه=وأشفق له أشفق من الوالد على صبيه
فإن كان غيري عميـل قـد تقربتـه=مانيب بوّار بين أصحيب وأصحيبـه
أنا ليـا شفـت لـي مقفـي تجنبته=ما بيه لو كان يفرش لي على جيبـه

~~ يا جميله ~~

كل دار أرجعت وأنـا سنـاوي=عزتي للي سواتي عزتـي لـه
زادت الحمى فرحنـا للمـداوي=والمـداوي زود الحمـى مليلـه
ياجميله كن يطوي الحال طـاوي=والله ان كبدي على شوفك عليله
والله ان قلبي على شوفك شفاوي=غير لا بيدي ولا بيديـك حيلـه
سجليني في بحر حبـك فـداوي=انا مجنونك بعـد مجنـون ليلـه
يارقبت الخشف ياعين النـداوي=ياسراجيف الذلـول المستحيلـه
يامناة تنقصـر عنهـا المنـاوي=ياخيار الدهـم يالقبـا الاصيلـه
لعن بوك انتي مكاسر عود جاوي=ملبسك سندس شرابك سلسبيلـه
لو تمرين الشيوخ اهل الفتـاوي=عودوا مثلي يجـرون الطويلـه
من هوا شرواك والا لايهـاوي=التقيد من بعض الاشيـا فضيلـه

إحـــدى قصائــــده الجميله
بدون نقط ....

مع الهم والوسواس والسهر والولـوال=ادله هموم الصـدر والصـدر مادلـه
سهوم الوساع السود لأهل الهوى سلال=لاسلهـم سلهامـه سهـوم مرسـلـه
أحاول على حلو الحلا وهـو محـال=وحاول ودار الحـول وعملـه عملـه
هو اللولوه وهو الدراهم ورأس المـال=وما لاملك لـه لولـوه لاحـلال لـه

{والله إن يبطي وهو غالي}

اللي على شان معكازي تبيـن‏ لـي=رجلي على حالها وانا علـى حالـي
والكسر ماهوب في رجلي على كلي=وأنت السبب في الغرابيل اول وتالي
تكفى مراسيلنـا العجـلات ياخلـي=عن مخذ الأخبار والا شوف الأزوالي
قلبي وقلبك توصل لك وترسـل لـي=والله انها اشد من موجات الإرسالـي
ردن سلامي عليك وجن وقالن لـي=انك ترحب و ا نا في خاطرك غالي
ليت الغرابيل جتني مـن عـدو لـي=اماتقاضيـت و الا بيتقاضـى لــي
لكن من واحدن ذكـره غناتـن لـي=ما زلت أحبه و ابا حبـه ولا بالـي
لامر طـرف بخدراتـه سـلام لـي=كنه يسلـم علـي بصوتـه العالـي
خلوني اسج عن موضوعه احسن لي=والا الغلا و الله إن يبطي و هو غالي

وهذي بعض القصائد بالصوت..


قصيدة ( ون إبن جدلان )

==

قصيدة ( الايالله )

==

قصيدة (( يازين الجميــحي ))

==

قصيدة (( خــارطة الطريق ))

==

قصيدة (( الروض الخضـر ))

==

قصيدة (( الجهاله ))

==

قصيدة (( البارحه يوم الأوادم خواشيع ))

==

قصيدة (( حامل مفاتيح الارزاق ))

==

قصيدة (( يالله وحنا لك عبيد ٍ ملاكا))

==

قصيدة (( بيضان الوجيه ))

قصيدة ((والا الغلا والله ان يبطي وهو غالي))
خلوني اسج عن موضوعه احسن لي-للتحميل


ومن عنده زياده بقصايد يهالاسطوره,,فلا يبخل علينا فيها..

وسوالم,,

__________________

,

محدن خسرني فالحياه .. الا ثنين=اللي جحد / واللي تكلم في قفاي
ومحد كسبني غير وجه" ما يشين=لا ولعت رمضا القهر فآيه .. ذراي