وباع امه لاجل يرضي نسيبه - قصيدة عن الام

[الهملان]

الأم المسكيــــــــــــــــــــــــــــــــــــنة

أشوفك بالزمن حاله غريبه = عقوقك باخر ايامي مصيبة
لقيتك يا وليدي ما تبيني = وانا امك كنّي انسانه غريبه

أنا أم من بعد ما شاب راسه = طلع قرد الولد ماهو نصيبه
تنكرلي عقب ما بان عجزي = شربت المرّ وابني ما دري به

نسي حملي ودمعي واجتلادي = وطول الليل مانه معتني به
نسي وشكثر في صغره حصلي = يضيق الصدر لو ينقص حليبه

نسي حضني منامه بالليالي = وانا ليلي يمر وما اهتني به
نسي كثر المصاعب و المطالب = جميع اللي تبي نفسه نجيبه

نسي كل اللذي سويت لاجله = جفاني عسى المولى حسيبه
بعد ما صار رجال تركني = وباع امه لاجل يرضي نسيبه
لها عني بالاعمال الكثيره = وانا امه كنّي امه بالغصيبه

يمر العام والعامين واكثر = وانا اعد الدقايق في مغيبه
وحتى باتصاللاته قطعني = يحسبه لا سمع صوتي يعيبه

دري عن حالتي قاصي وداني = ومن غاب الولد شفت الغليبه
اطيح من المرض ما حس فيني = واعاني قسوة اوقات عصيبه

ياليته لو يطق الباب مره = واحس بريحته ثم التقي به
ابي جرح بقلبي لا لمحته = تشافى ودوا القلب وطبيبه

عسى مولاي يهديه ويرده = لعين ترتجيه وتقتدي به
يا ربي ردي مضنوني عليا = الهي محد غيرك يجيبه

الهي يا ولي لمي شملي = يا رب تسعد القلب بحبيبه
واذا اني مت والهجران باقي = ابي عفوك وهنه في مشيبه

صلاة الله وتسليمه على اللّي = ابان الحق للي يهتدي به
محمد هادي الخلق ونذيره = عدد ما لاح نجم من مغيبه

من شريط (( توقيع ))

أخوكم الهملان

[gft]

عزيزي
الهملان
صح لسانك
ولسان قايلها
لاهنت يالسنافي
الله يعين هالام على
عقوق ولدها هداه الله
ويصبرها على بلواها
ويرد لها ولدها
وتفرح فيه
ننتظر مزيد
منك
أعطر وأرق
تحياتي

[cool]

السلاااام عليكم ورحمة الله وبركاااته

تسلم الهملااااان وصح لساااانك وصح لسااان الشااااعر وللااااسف فيه نااااس

عاااقه لوالديهم كل علشاااان الدنيا واللي فيهااا وماايدري وش سوة امه له يوم

كااان صغير ولهااا الفضل كله بعد الله .

مشكوور على الاختيااار الرااائع وان شاء الله نشووف مشاااركاات جديده .



كـووول

[فيصل بن حجرف]

السلام عليكم

لاهنت اخوي الهملان على القصيده الرائعه

وجعل امه تبكيه انشالله

[عزوف]

لابوه ولابو نسيبه فوقه

بصراحه اللي يبيع امه علشان نسيبه او زوجته او علشان اي شخص اخر هذا مافيه خيره ولا تامنه لانه مثل ماجحد امه بيجحدك

ومثل ما تسوي يسواااا بك !!!

لاحول ولاقوة الا بالله بصراحه عورني قلبي يوم قريت القصيده صارلي مده اتصدد عنها من قريت العنوان لكن الشكوى لله دشيت وقريتها

[عزوف]

يعطيك العافيه يالهملان على هالقصيده << انفعلت ونست تشكر صاحب الموضوع

[بخـــــــــــوت]

يعطيك العافيه ورضى الله من رضى الوالدين كيف يعيش والديه مو راضين منهوو ولده ذا ودي اموووووته الله لايبلاناااااااا والنسيب جعل مابه نسيب <<<< مقهوووره قصيده مؤثره صرااحه جدا جدا

[راعي العشوه]

لاهنت يا
الهملان
على هالموضوع
اللي ضيق صدري
حسبي الله عليه
وعلى من هو مثله
والله يعين الام ويصبرها
مشكور ولاهنت يا ابن عمي

لكم تحياتي وإحتراماتي
أخوكـــــــــــــــــــــم


راعي العشوة

[الهملان]

شكرا لردودكم واسف للتاخير

ولمن قال صح السانك اقول صح بدنك

او من قال لا هنت اقول ولا انت

او من قال مشكور اقول العفو


او من قال يعطيك العافيه اقول الله يعافيك